Læknablaðið - 01.07.2015, Blaðsíða 28

368 LÆKNAblaðið 2015/101
U M F J Ö l l U n O G G R E i n a R
„Líklega hefur aldrei reynt eins mikið á
heilbrigðiskerfið og núna og stóra spurn-
ingin sem blasir við okkur er hvernig á
að viðhalda því,“ segir Reynir og bætir
því við að yfirlýstur vilji stórs meiri-
hluta almennings sé að heilbrigðiskerfið
sé rekið af hinu opinbera. „Um það er
ekki ágreiningur en hnífurinn stendur
þó engu að síður í kúnni hvað varðar
opinbera fjármögnun.“
„Læknaráð Landspítalans er skipað öllum
fastráðnum læknum stofnunarinnar.
Læknaráðið kýs sér síðan stjórn sem fer
með mál ráðsins á milli ársfunda þess.
Ráðinu er ætlað það hlutverk að vera
stjórn spítalans ráðgefandi um uppbygg-
ingu spítalans og skipulag læknisþjónust-
unnar. Þetta getur gerst á tvennan hátt.
Annars vegar með því að framkvæmda-
stjórn spítalans getur leitað álits ráðsins
vegna skipulagsmála, bygginga, lækninga
og annars sem stjórnin telur að gagnlegt
sé að fá álit Læknaráðsins um. Hins vegar
getur læknaráðið líka haft frumkvæði að
ályktunum um öll þessi mál og í rauninni
hvaða mál sem er sem snerta spítalann
sérstaklega eða heilbrigðismál almennt,”
segir Reynir og bendir á þessu til árétt-
ingar að núverandi skipurit spítalans,
skiptingar í svið og undirsvið lækninga,
hafi verið unnið í nánu samráði við
Læknaráðið. „Það er reyndar orðið tíma-
bært að endurskoða það skipulag,“ bætir
hann við.
Stöðunefnd og fræðslunefnd
Mikilvægur hluti af starfi Læknaráðsins
felst í starfi stöðunefndar sem fer yfir og
metur allar starfsumsóknir sérfræðilækna
á spítalanum. „Það er heilmikið starf
sem fylgir þessari nefnd þar sem allar
umsóknir fara í gegnum hæfnismat sem
stöðunefndin gerir.
Þá er einnig starfandi fræðslunefnd á
vegum ráðsins sem skipuleggur fyrirlestra
og fræðslufundi fyrir lækna og það starf
hefur verið mjög blómlegt undanfarin ár.“
Hann segir Læknaráðið geta beitt
frumkvæði sínu meira og leggur sérstaka
áherslu á að mannauðsmál spítalans hafi
verið í brennidepli í vetur og vor og þó
Læknaráðið standi utan við kjaradeilur
og taki ekki beinlínis afstöðu til þeirra
sé augljóst að mönnun á sjúkrahúsinu sé
háð þeim kjörum sem starfsfólki bjóðast á
hverjum tíma.
„Við þurfum að leggja áherslu á að laða
ungt og hæfileikaríkt fólk að spítalanum
og geta boðið ásættanleg kjör og starfsað-
stöðu. Til að svo megi verða þarf auðvitað
fjármagn og Læknaráðið gæti beitt sér af
meiri þunga gagnvart fjárveitingavaldinu
og bent á nauðsyn þess að tryggja stofnun-
inni nauðsynlega fjármuni til rekstrar og
uppbyggingar.“
Reynir segir að vissulega hafi ýmislegt
breyst í innra skipulagi spítalans á þeim
áratugum sem liðnir eru frá stofnun og
Læknaráðið hafi eflaust haft meiri áhrif á
árum áður en það hefur í dag. „Það hefur
verið bent á að starfshlutfall skrifstofu-
stjóra Læknaráðsins hefur verið minnkað
um helming og nú skipta formaður og
framkvæmdastjóri Læknaráðsins á milli
sín einni stöðu. Stjórn Landspítalans hefur
einnig breyst verulega frá því sem áður
var á meðan skipan og hlutverk Lækna-
ráðins hefur haldist óbreytt. Ég held satt
að segja að árekstrar á milli þessara aðila
séu að miklu leyti úr sögunni og að stjórn
Landspítalans og Læknaráðið hafi unnið
mjög vel saman undanfarin ár. Ég á ekki
von á öðru en að það haldi áfram. “
Hann nefnir í þessu sambandi nýgerð-
an kjarasamning Læknafélags Íslands og
Skurðlæknafélags Íslands við ríkið og þó
kjaramál séu viðfang stéttarfélaga lækna
hafi Læknaráðið aðkomu að útfærslu
þeirra innan stofnunarinnar, hvað varðar
starfslýsingar og vinnufyrirkomulag.
Þess má geta að auk Læknaráðs er
starfandi Hjúkrunarráð Landspítalans og
er það stjórn spítalans til ráðgjafar um
málefni hjúkrunar. „Þessi tvö ráð gætu
eflaust haft meira samráð sín á milli um
ýmis mál en stjórn spítalans hefur litið svo
á að umsagnarhlutverk ráðanna sé skýrt
aðgreint, hvað varðar hjúkrun annars
vegar og lækningar hins vegar.“
Hann segir mikilvægi beggja þessara
ráða við framtíðar stefnumótun Land-
spítalans vera algjörlega ótvírætt. „Fram-
kvæmdastjórn spítalans hlýtur að leita til
beggja ráðanna um stefnumótun til fram-
tíðar og samhliða því ættu ráðin að taka
upp samstarf um mótun tillagna á þessu
sviði. Öll hugsun um hjúkrun og lækning-
ar hefur tekið róttækum breytingum frá
sem áður var og samstarf um stefnumótun
ætti að endurspegla þá teymisvinnu og
samstarf sem þegar er staðreynd í daglegu
starfi á spítalanum.“
Húsnæðismál og kennsluhlutverk
Einna mikilvægast varðandi framtíð Land-
spítalans eru húsnæðismálin. Reynir segir
að mjög brýnt sé að hefja framkvæmdir
„Brýnt að hefja
framkvæmdir
við nýjan spítala“
segir Reynir Arngrímsson nýkjörinn
formaður Læknaráðs Landspítalans
■ ■ ■ Hávar Sigurjónsson