Læknablaðið - 01.07.2015, Blaðsíða 33

LÆKNAblaðið 2015/101 373
U M F J Ö l l U n O G G R E i n a R
Practical og Congress Reykjavík hafa nú sameinað
krafta sína undir merkjum CP Reykjavík. Við erum
frísklegt og skapandi þjónustufyrirtæki sem skipu-
leggur viðburði, ferðir og ráðstefnur fyrir innlenda
og erlenda viðskiptavini.
RÁÐSTEFNUR / VIÐBURÐIR / HVATAFERÐIR
Við gerum
atvinnulífið
viðburðaríkara
www.cpreykjavik.is
Í tengslum við þing svæfinga- og
gjörgæslulækna var efnt til námskeiðs í
kennslu í notkun öndunarvéla dagana
fyrir þingið. Um 30 sérfræðilæknar sóttu
námskeiðið og leiðbeinendur voru tveir
góðir gestir frá Kínverska háskólanum
í Hong Kong en þar hefur verið unnið
mikið og gott starf í þessu sviði undan-
farin ár. Gavin Joynt varð fyrir svörum
þegar blaðamann bar að garði og lýsti
kennsluaðferðinni og hugmyndafræðinni
sem liggur að baki.
„Það er rétt að taka strax fram hvað
þetta er ekki,” segir Gavin Joynt. „Við
erum ekki að kynna nýja tækni eða nýjar
aðferðir heldur er þetta aðferðafræði sem
snýst um að koma þekkingu og kunnáttu
áfram frá einni kynslóð lækna til hinnar
næstu; kenna sérfræðingunum að kenna
öðrum hvernig best er að haga notkun
öndunarvéla við rúmstokk sjúklingins.
Upphafið má rekja til þess er við nokkrir
sérfræðingar og prófessorar í gjörgæslu-
lækningum við Prince Edward-háskóla-
sjúkrahúsið í Hong Kong fundum fyrir
því að ekki var til gott kennsluefni fyrir
unga námslækna. Þannig þróuðum við
kennsluefnið í þeim tilgangi að geta kennt
fleirum í einu og þurfa ekki að útbúa sama
efnið aftur og aftur í hvert skipti sem við
fengum nýjan hóp námslækna. Smám
saman þróaðist þetta og starfsfélagar
okkar við önnur háskólasjúkrahús óskuðu
eftir að nota efnið og þannig hefur það
dreifst víða um heiminn á þeim árum sem
liðin eru síðan.“
Gavin lýsir þessu sem snjóbolta áhrifum
því efnið hafi vaxið að gæðum eftir því
sem fleiri fara höndum um það. „Við
tókum þá ákvörðun strax í upphafi að
þetta myndi ekki kosta neitt. Þetta er því í
rauninni eign allra sem leggja eitthvað til
og hefur þróast á undraverðan hátt og get-
ið af sér alþjóðlegt samstarf um kennslu
í meðferð öndunarvéla og fjölmörg nám-
skeið eru haldin víða um heim á hverju ári
sem byggja á þessari aðferð.“
Hann segir efnið mjög skilmerkilega
sett fram. „Allir sem vilja kenna þetta fá í
hendur fyrirlestra sem þeir þurfa að læra
og tileinka sér. Við höfum útbúið kennslu-
efni fyrir kennarana sem þeir tileinka sér
á netinu og síðan eru undirbúningsnám-
skeið eins og þetta hér þar sem beinlínis
er farið í saumana á tækjabúnaðinum
og hvernig eigi að kenna notkun hans.
Hugmyndin er að kjarni sérfræðinga læri
að kenna efnið og síðan geta þeir kennt
öðrum og þannig koll af kolli. Þetta hefur
gefist mjög vel og nú erum við hér að
kenna norrænum sérfræðingum hvernig
best er að kenna þetta efni,” segir Gavin
Joynt sem segir heimsókn sína til Íslands
ekki þá fyrstu og reyndar hafi íslenskir
gjörgæslu- og svæfingalæknar heimsótt
Prince Edward-háskólasjúkrahúsið í Hong
Kong fyrir nokkru síðan og þannig hafi
samstarfið komist á.
Gavin Joynt, lengst til vinstri, útlistar fyrir norrænum sérfræðingum hvernig best sé að kenna notkun öndunarvéla á
gjörgæsludeild.
„Kennt að
kenna“
Segir Gavin Joynt frá Prince
Edward-háskólasjúkrahúsinu
í Hong Kong