Læknablaðið - 01.10.2014, Blaðsíða 9

LÆKNAblaðið 2014/100 505
R i T S T J Ó R n a R G R E i n
„Spítalinn okkar“, landssamtök um upp-
byggingu nýs húsnæðis Landspítala voru
stofnuð 9. apríl 2014 og voru stofnendur í
upphafi 300, en eru nú orðnir um 500 og
fjölgar stöðugt. Ég þurfti ekki að hugsa mig
tvisvar um þegar Jóhannes M. Gunnarsson
fyrrverandi framkvæmdastjóri lækninga á
Landspítala bað mig að koma í stjórn þess-
ara samtaka. Anna Stefánsdóttir, fyrrver-
andi hjúkrunarforstjóri Landspítala, er for-
maður samtakanna. Ég vildi gjarnan leggja
þessu lið sem viðskiptafræðingur og með
mikla reynslu sem þróunaraðili og verk-
efnastjóri Háskólans í Reykjavík (HR) við
nýbyggingu hans við Nauthólsvík. Áður
starfaði HR á fjórum stöðum með öllu því
óhagræði sem því fylgdi og samskiptaleysi
milli starfsmanna. Erfitt var að byggja upp
heilsteyptan starfsmannaanda og þjónustu
við nemendur. Reynsla mín af heilbrigðis-
kerfinu sem „viðskiptavinur“ er þar til við-
bótar nokkur.
Hlutverk Spítalans okkar er fyrst og
fremst að fylkja okkur á bak við þetta verk-
efni og styðja landsmenn við að koma því
í framkvæmd. Sífellt fleiri eru að átta sig á
mikilvægi þess að hefja sem fyrst endur-
nýjun húsnæðis Landspítala. Brýnast er að
reisa meðferðarkjarna og rannsóknarhús.
Vel hefur verið staðið að þarfagreiningu
og frumhönnun nýrrar Landspítalabygg-
ingar. Með frestun framkvæmda er verið að
ýta vandanum á undan sér og eftir því sem
árin líða er hætta á að nauðsynleg reynsla
og þekking á þessu flókna verkefni glatist.
Ég þekki það af eigin reynslu eftir að hafa
starfað sem verkefnastjóri við þarfagrein-
ingu, hönnun og framkvæmdir nýbygg-
ingar HR frá 2006 til 2010. Þar skipti sam-
fella og sterk samstaða miklu máli og ekki
síður fjárhagslegur bakhjarl. Á rúmlega
fjórum árum tókst að ljúka þarfagreiningu
og hanna og byggja 30.000 fermetra há-
skólabyggingu.
Því miður var samdráttartímabil áranna
2009-2013 ekki nýtt til að ljúka hönnun
og hefja framkvæmdir við Landspítala.
Ekki bólar enn á framhaldi verkefnisins.
Vissulega skiptir máli að opnað hefur
verið aðeins á verkefnið og fjármunir hafa
verið settir í fullnaðarhönnun sjúkrahótels
í tveimur síðustu fjárlagafrumvörpum.
Sjúkrahótel er mikilvæg framkvæmd, en
það er ekki upphaf að nauðsynlegri upp-
byggingu meðferðarkjarna og rannsókn-
araðstöðu Landspítala. Þetta er fyrst og
fremst sérhæft hótel eins og nafnið ber með
sér og hefði þess vegna mátt fara í einka-
framkvæmd.
Heilbrigðiskerfið, bæði rekstur Land-
spítala og heilbrigðisvísindasvið Háskóla
Íslands, hafa á undanförnum áratugum
þótt til fyrirmyndar hér á landi. Við meg-
um ekki bíða eftir að vandamálin vaxi okk-
ur svo yfir höfuð að velferð landsmanna
sé í húfi. Smátt og smátt hellast yfir okkur
vandamál sem brýn þörf er á að leysa:
• Þjóðin er að eldast og það kallar yfir
okkur á næstu 10-15 árum stóran hóp
eldri borgara sem þurfa mikla læknis-
þjónustu og vaxandi fjöldi ferðamanna
bætist einnig við þann hóp.
• Húsnæði og tækjabúnaður mætir víða
ekki þörfum þjónustunnar og það tor-
veldar mjög að íslenskir sérfræðingar
snúi heim að loknu sérnámi erlendis.
• Rekstur heilbrigðiskerfisins er dýrari
og óhagkvæmari vegna dreifðrar starf-
semi í óhentugu húsnæði.
Landspítalinn er sjúkrahús allra Ís-
lendinga og hlutverk hans sem slíks er
þríþætt – þjónusta við sjúklinga, menntun
heilbrigðisstétta og rannsóknir. Náin tengsl
eru á milli þessara þátta. Til að ná góðum
árangri í umönnun sjúkra, er mikilvægt að
geta sinnt öflugu rannsóknar- og þróunar-
starfi með háskólum og fyrirtækjum á sviði
lífvísinda og tækni. Með þeim hætti getum
við laðað til okkar nemendur og öflugt
starfsfólk og aukið gæði í heilbrigðisþjón-
ustunni.
Vatnsmýrarsvæðið er mikilvægur staður
í áframhaldandi þróun spítalans sem þjón-
ustustofnunar enda eiga háskólasjúkrahús
og þekkingarstofnanir, meðal annars á
Vatnsmýrarsvæðinu, í sífellt fjölbreyttara
samstarfi. Þverfagleg starfsemi eykst hratt,
bæði milli greina innan háskóla, innan
sjúkrahúsa og í samstarfi atvinnulífs og
sjúkra- og menntastofnana. Má þar til
dæmis nefna hversu mikilvægu hlutverki
tölvutækni, tæknifræði og verkfræði gegna
í þróun heilbrigðisvísinda auk læknisfræði
og lífvísinda almennt. Bygging nýrra húsa
á Landspítalalóð og endurbætur eldra hús-
næðis spítalans við Hringbraut gegnir
lykilhlutverki til að þjóðarsjúkrahúsið geti
áfram sinnt hlutverki sínu.
Stöndum saman um nauðsynlegar
endurbætur á Landspítala. Leitum leiða til
að fjármagna þetta verkefni og hrinda því
í framkvæmd. Undirbúningsvinnunni er
lokið. Það er kominn tími til aðgerða. Ís-
lenska þjóðin þarf á því að halda.
Þorkell
Sigurlaugsson
framkvæmdastjóri fjármála
og fasteignareksturs HR,
stjórnarmaður í Spítalanum okkar,
landssamtaka um uppbyggingu
nýs húsnæðis Landspítala
tsi@ru.is
Hospital for all of us in iceland

Thorkell Sigurlaugsson
Executive director, Finance and
facility management, Reykjavik University
Spítalinn okkar ALLRA
Xarelto® (rivaroxaban)
ein tafla á dag
Varnar heilablóðfalli og segareki að lágmarki til jafns við warfarín
Sambærileg blæðingarhætta og í meðferð með warfaríni en
marktækt færri innankúpublæðingar og dauðsföll vegna blæðinga
Að taka lyf einu sinni á dag við hjarta- og æðasjúkdómum
eykur líkur á því að lyfið sé leyst út af sjúklingi
eykur líkur á því að sjúklingur taki lyfið
eykur líkur á því að lyfið sé tekið á réttum tíma
samanborið við lyf sem taka þarf oftar
♦♦
♦♦
♦♦
*sem fyrirbyggjandi meðferð gegn heilablóðfalli og
segareki hjá fullorðnum sjúklingum með gáttatif án
lokusjúkdóms og einn eða fleiri áhættuþætti, svo sem
hjartabilun, háþrýsting, aldur ≥ 75 ára, sykursýki, sögu
um heilablóðfall eða skammvinnt blóðþurrðarkast1
Heimildir: 1. Samantekt á eiginleikum lyfs fyrir
Xarelto. 2. Patel MR et al. N Engl J Med 2011;
365:883-891. 3. Bae JP et al. Am J Manag Care 2012;
18:139-146. 4. Craig IC et al. Curr Med Res Opin 2012;
28:669-680.
Fyrsti beini hemillinn á storkuþátt Xa til inntöku
3
2
2
*1
4
4
L.IS.09.2014.0083