Ægir - 01.02.2006, Page 18

18
G E N G I Ð
„Það er ljóst að hátt gengi ís-
lensku krónunnar kemur mjög
illa við sjómenn og ég myndi
ætla að frá árinu 2002 hafi
þeir orðið fyrir hátt í þriðjungs
kjaraskerðingu. Þetta sjáum
við mjög greinilega af iðgjöld-
um til sjómannafélaganna,
sem eru 1% af tekjum. Vegna
þessarar miklu kjaraskerðing-
ar hafa margir góðir sjómenn,
sem hafa verið á sjó til fjölda
ára og vilja helst ekki annars
staðar vera, hætt að róa og
hafa fengið vinnu í landi sem
er jafnvel betur borguð en sjó-
mennskan,“ segir Sævar
Gunnarsson, formaður Sjó-
mannasambands Íslands.
Sjómenn eru áhyggjufullir
Sævar sagði að útgerðarmenn
og forystumenn sjómanna-
samtakanna hafi af þessu
miklar áhyggjur, enda verði
menn nú þegar varir við æ
vaxandi erfiðleika við mönn-
un skipanna. Eitthvað sé farið
að bera á því að skipin séu
mönnuð erlendum sjómönn-
um, en það sé síður en svo
einfalt mál, enda sé lagaleg
skylda að sjómenn hafi farið í
gegnum nám í Slysavarna-
skóla sjómanna áður en þeir
fái lögskráningu.
Atgervisflótti úr sjómanna-
stétt
„Það er klárlega atgervisflótti
úr sjómannastétt og mér sýn-
ist ekkert hafa gerst í þessu
að undanförnu,“ segir Árni
Bjarnason, formaður Félags
skipstjórnarmanna. „Það eina
sem ráðamenn hafa látið frá
sér fara er að sjávarútvegsráð-
herra er þess fullviss að krón-
an muni gefa eftir þegar líður
á árið, en á sama tíma eru
ráðamenn að tala um gríðar-
lega stækkun á álverinu í
Straumsvík og tvö önnur ný
álver. Ég er að vísu ekki sér-
fræðingur í þessum málum,
en mér finnst einhvern veg-
inn að ef þetta gengur allt
eftir muni krónan verða
áfram sterk og viðhalda því
ástandi sem ríkir í dag og ýta
undir að þessi þróun haldi
áfram,“ segir Árni.
Árni segist vita dæmi þess
að erlendir sjómenn séu farn-
ir að ráða sig á íslensk skip
og hann hafi heyrt um dæmi
þess að skipstjóri hafi hætt á
skipi þegar sýnt hafi verið að
ekki væri annað mögulegt en
að ráða meira og minna út-
lendinga á skipið.
Hef áhyggjur af
landvinnslunni
„Ég skal viðurkenna að ég
hef áhyggjur af landvinnsl-
unni með krónuna svona
sterka. Við sjáum það í okkar
rekstri í Sjávariðjunni hér á
Rifi að við gerum ekki betur
en að láta enda ná saman,“
segir Halldór Kristinsson hjá
Sjávariðjunni/Kristni J. Frið-
þjófssyni ehf. á Rifi. „Menn
hafa verið að skila inn
vinnsluleyfum vegna þess að
þeir sjá ekki til lands og ég
óttast að framhald verði á
því. Hér á Snæfellsnesi er og
hefur sjávarútvegurinn verið
okkar stóriðja og okkur þykir
að vonum súrt ef áframhald-
andi uppbygging stóriðju
verður til þess að krónan
helst áfram sterk og kraftur-
inn verði dreginn úr öðrum
útflutningsgreinum - t.d. sjáv-
arútvegi og hátækniiðnaðin-
um. Mér finnst að stjórnvöld
séu haldin ákveðinni mein-
loku hvað það varðar að
gleyma hreinlega að hlúa að
því atvinnulífi sem fyrir er, en
einblína á uppbyggingu stór-
iðju. Stóriðjan skapar vissu-
lega ný störf, en það er stór-
hætta á því að fleiri störf tap-
ist í öðrum atvinnugreinum.
Við höfum viljað halda úti
landvinnslunni hér, en hér
erum við að vinna flugfisk og
sköpum tæplega tuttugu
manns vinnu, en það er ljóst
að væntanlega myndum við
hafa meira út úr því að flytja
fiskinn óunninn út í gámum,
eins og sum fyrirtæki eru að
gera. En það ætlum við hins
vegar ekki að gera, heldur
halda áfram að reka land-
vinnsluna og skapa þannig
vinnu hér í landi líka, auk út-
gerðar þriggja báta. Á meðan
við höfum gaman af þessu,
þá höldum við áfram,“ segir
Halldór.
– en hátt gengi íslensku krónunnar er helsta ógnin
„Sjávarútvegurinn
er okkar stóriðja“
aegirfeb06-56sidurlagad.qxd 3/2/06 10:48 AM Page 18