Tímarit Máls og menningar - 01.03.1961, Side 36

TÍMARIT MÁLS OG MENNINGAR
Hann kunni að veiða fugla í gildru. Mig lengdi mjög eftir áramótunum, því
þá átti hann að koma. Að lokum komu þau.
Dag nokkurn sagði móðir mín mér að Run Tu væri kominn. Ég þeyttist út
til að sjá hann. Hann stóð í eldhúsinu með rjótt kringluleitt andlit, bar lítinn
flókahatt á höfði og glitrandi silfurfesti um hálsinn. Auðséð var að faðir hans
unni honum mjög, hafði óttazt að hann kynni að deyja, svo að hann gerði
heitstrengingu frammi fyrir Búdda og guðunum og hafði smeygt þessari festi
um hálsinn á honum til að varðveita hann frá öllu illu.
Hann var mjög feiminn við ókunnuga aðra en mig. Þegar enginn var nær-
staddur masaði hann stöðugt. Áður en hálfur dagur var liðinn vorum við
orðnir mestu mátar.
Ég hefi nú gleymt, hvað við mösuðum; ég man aðeins að Run Tu var mjög
kátur og sagðist hafa séð margt nýstárlegt eftir að hann kom til bæjarins.
Daginn eftir bað ég hann að veiða fugla. Hann sagði: „Það er aðeins hægt
að gera þegar snjór er. Ég sópa snjónum af á bletti, set litla tágakörfu á hvolf
á jörðina, skýt litlu priki undir aðra brún hennar. Sáldra korni á jörðina
undir körfunni. Ég bíð í nokkurri fjarlægð, og þegar fuglarnir koma að tína
kornið, kippi ég í spotta, sem er bundinn við prikið. Fuglarnir verða þá inni-
lokaðir undir körfunni.“ Þarna voru margar fuglategundir, svo sem fasanar,
skógarsnípur, gaukar. Ég beið með mikilli eftirvæntingu eftir snjókomu.
Run Tu sagði líka: „Það er orðið of kalt núna, en þú ættir að heimsækja
okkur í sumar. Á daginn getum við farið niður í fjöru að tína skeljar, þar eru
bæði rauðar og grænar, bæði fjandafælur og búddahendur. Á kvöldin förum
við pabbi að gæta melóna, þú kemur líka.“
„Til að sitja fyrir þjófum?“ spurði ég.
„Nei, vegfarendur taka þær og borða þegar þá þyrstir, við teljum það ekki
þjófnað. Við eigum að verja þær gegn greifingjum og zha. Tungl og jörð,
þú leggur við eyrun og hlustar, það heyrist skrjáfur, zha er að éta melónur.
Þá tvíhendir þú járnstinginn og gengur hljóðlega í áttina.
Ég vissi ekki hvaða skepna þessi zha var, og ég veit það ekki heldur núna.
Mér bara einhvernveginn finnst að hann sé svipaður hundi og skelfing grimm-
úðlegur.
og ber því nafn hans. Samkvœmt kínverskri gamalli heimsskoðun er heimurinn gerður
af 5 frumþáttum: málmi, viði, vatni, eldi og jörðu. Ef jafnvægi ríkir milli þessara 5 þátta
ríkir hamingja, ef það raskast er voðinn vís. í run-mánuði skortir jörðu, sem heitir tu á
kínversku. Til að forða barainu frá óhamingjunni hlýtur það nafn af jörðu — tu. Nafnið
verður því Run Tu.
26