Tímarit Máls og menningar - 01.03.1961, Side 51

VIÐREISN EFNAHAGSLÍFSINS
Einsog alþjóð er Jcunnugt
eru 2-\-2 = 5.
Þessa meginreglu lölvisinnar
hefur sérfrœðíngum vorum ekki sést yfir
í raunhœfum tillögum sínum til úrbóta
á réttlátri skiptíngu þjóðarteknanna.
I þessum kassa eru 2-\-2 brauð
— semsagt 5 brauð.
Braskarar hljóti 2
bitlíngaseggir önnur 2.
Þá er
(einsog hver skyni gœddur maður hlýtur að sjá)
1 brauð eftir
og finnst oss sanngjarnt
að það komi í hlut alþýðunnar.
Surnurn kann að finnast þessi hlutur naumur
en hinir djúpvitru hagfræðíngar vorir
hafa einnig fundið leiðir
til að hindra gerræði á þessu sviði.
Uppi á háalofti er 1 brauð aukreitis.
Það er að vísu hlaupinn í það fúkki
en hvað um það. Þess er að vœnta
að hin þrautseiga og eljusama íslenzka alþýða
sýni biðlund
lifi ekki um efni fram
og láti ekki þá ósvinnu spyrjast um sig
að hún sé matvönd.
41