Tímarit Máls og menningar - 01.07.1982, Side 94

Sveinn Skorri Höskuldsson
Ævintýr í Moskvu
Síðari hluti
VI
Þótt Davíð Stefánsson hafi þannig orðið ferðafélögum sínum minnis-
stæður mun ekki hafa tekist persónulegur kunningsskapur með honum og
neinum þeirra.
Eina heimild sem við samningu þessarar greinar hefur fundist um slík
tengsl Davíðs við þessa samferðamenn sína er ljóðabók eftir Karin Boye í
safni Davíðs á Akureyri. I bókasafni hans þar eru tvær af bókum þessarar
sænsku skáldkonu, Gömda land (Sth. 1924) og Hardarna (Sth. 1927). A
hina síðarnefndu hefur hún skrifað:
Davið Stefánsson,
med tack för dikterna
och för gott ressállskap
i Ryssland sommaren 1928,
frán
Karin Boye.
Ekki er vitað hvaða kvæði Davíð sendi Karin Boye. Ef til vill var það
einhver ljóðabóka hans ellegar kvæði í handriti og þá hugsanlega kvæði úr
Rússlandsferðinni.301
Margt mátti vekja góðan þokka með Davíð og Karin Boye. Bæði voru
skáld. Bæði voru ung og glæst og gædd sérstæðum persónutöfrum. Karin
Boye hafði mikinn áhuga og ást á íslenskum bókmenntum,l) og hafði ort
kvæði með eddukvæða- og sagnaminnum.32’
Karin Boye var einhver mest eldsál Clarté-hreyfingarinnar sænsku. Hún
heyrði fremur til hinum sálfræðilega armi félagsskaparins. Talið er að
Sovétheimsóknin hafi haft allmikla þýðingu fyrir framtíðarskáldsögu henn-
ar Kallocain.
En hvaða gildi hafði Rússlandsförin fyrir Davíð Stefánsson og skáldskap
hans?
Þeirri spurningu er vant að svara.
A pálmasunnudag, 24. mars 1929, flutti Davíð fyrirlestur í
340