Tímarit Máls og menningar - 01.02.1984, Side 94

Tímarit Máls og menningar
um — ef hann berst til þrautar — einsog tíðkanlegt er með stríðsskaðabætur.
Háar fúlgur. Þannig greiða þjóðir vígvöllum.
En látum það alt vera og krefjumst bara tímavinnu fyrir þennan marg-
hrjáða blóðvöll sem þýðandinn er. Einnig það er há upphæð. Helmingi
hærri en nokkur útgefandi hefur efni á að greiða.
Um sinn var þetta leysanlegt því einnig þýðandi gat sótt um greiðslu úr
Launasjóði rithöfunda og stundum fengið góðan hluta þess sem á vantaði
þaðan. Nú er kominn Þýðingasjóður og þá tekur fyrir greiðslur L.r. beint til
þýðenda (hvað sem auglýsingarnar segja þá hefur þessi orðið praxísinn).
Þýðingarsjóðurinn greiðir þýðandanum ekki beint heldur greiðir hann
útgefandanum sem svarar sléttum taxta og þess er vitaskuld gætt að ná-
kvæmlega sú upphæð renni til þýðandans.
Þá verður ekkert svigrúm lengur nema fyrir þjóðlegu aðferðina ef þýð-
andinn vill reyna að vera bjargálna maður. Og hver ætli vilji svosem fórna
efnahagslegu sjálfstæði sínu fyrir það eitt að gera sál sína að vígvelli?
Ekki ég.
Reyna mætti að stunda einhverslags þýðingar til þrautar í stopulum
frístundum en mér er það til efs að slíkt tækist. Það sem gert er að vígvelli
klukkan fimm til tólf á kvöldin verður naumast tekið undir neina ræktun að
morgni.
Þýðingarmikið fólk hefur komið þessu svona fyrir. Ekki samkvæmt
neinni áætlun heldur í því fullkomna hugsunarleysi sem einlægt verður á
endanum til þess að gæta þjóðarsómans og vernda stolt okkar í bráð og
lengd.
Heppilegt má líka telja það að fyrirskipuð þjóðleg aðferð við þýðingarnar
skuli hafa reynst svona heimspekilega hvetjandi og frjó.
Af því má líka státa.
Eg bið svo að lokum velvirðingar á þessum jarðbundnu hugleiðingum
þýðingarleysingjans. Þó lágt sé flogið þá verður hins líka að gæta að grein
þessi er eingöngu skrifuð til að hylla Hina Lögboðnu Þjóðlegu Þýðingarað-
ferð og stórfenglega kosti hennar umfram styrjaldarhugsunarháttinn sem
leiðir beint til jarðarinnar þarsem við stöndum — ef ekki hreinlega niðrí
svaðið.
84
X