Fréttablaðið - 30.04.2015, Blaðsíða 54

30. apríl 2015 FIMMTUDAGUR| MENNING | 34
„Mér finnst þetta vera óskaplega
mikill heiður. Forlagið mitt bara
sér um þetta allt saman og ég er
bara glöð og reyni að standa mig,“
segir Ingunn Snædal ljóðskáld en
í dag kemur út heildarsafn ljóða
metsöluskáldsins af Jökuldal, frá
1995 til 2015, ásamt áður óbirtum
ljóðum. Ingunn hefur sent frá sér
fimm ljóðabækur á ferlinum sem
hafa allar notið mikilla vinsælda
og skáldið margverðlaunað fyrir
ljóð sín. Ingunni finnst þó dálít-
ið skrítin tilhugsun að nú skuli
ljóðin hennar vera komin í eina
svona stóra fallega bók. „Mér
fannst þetta allt saman meinleys-
islegra og nettara þegar það voru
að koma svona stakar ljóðabæk-
ur sem fara vel í vasa. En nú eru
þau hjá Bjarti búin að gera þessa
stóru og fallegu bók úr þessu öllu
saman og ég reyni bara að standa
mig fyrir þau og fara í viðtöl og
útgáfuhóf. Ljóðabækurnar eru
víst meira og minna uppseldar
svo vonandi finnst einhverjum
gott að geta fengið þetta svona í
einum pakka.
Meiri húmor í dag
Ingunn segist vissulega sjá þess-
ar fimm bækur á tuttugu árum
sem ákveðinn þroskaferil og að
reyndar hafi hún óttast að kjána-
hrollurinn ætti eftir að flæða upp
fyrir axlir þegar hún kæmi aftur
að elstu ljóðunum. „En það var
nú í sjálfu sér alveg óþarfi. Það
var óneitanlega mikil dramatík í
gangi svona framan af ferlinum
og mér finnst ég nú blessunar-
lega vera meiri húmoristi í dag.
Oftar en ekki þá voru nú einhverj-
ir strákar sem stóðu þarna á bak
við ljóðin með tilheyrandi drama-
tík en svo þegar upp er staðið þá
reyndust nú ljóðin betri en strák-
arnir. Ég held að ég hafi meiri
húmor fyrir sjálfri mér í dag.
Auðvitað lendir maður í alls konar
áföllum á lífsleiðinni og þá hjálpar
húmorinn og sem ljóðskáld þá fer
maður í að skrifa sig frá því sem
á manni dynur. Ást, skilnaður og
sorg; allt þetta sammannlega er
það sem fólk tengir við og þannig
er þetta græðandi ferli, vonandi
fyrir bæði mig og lesandann.“
Ingunn á Skjöldólfsstöðum
Síðustu sjö ár hefur Ingunn búið
austur á Skjöldólfsstöðum á Jökul-
dal þar sem hún hefur starfað sem
kennari. En nú hefur Ingunn sagt
upp kennslunni, ákveðið að breyta
til og flytjast til Dyflinnar næsta
haust. „Ég var orðin dálítið þreytt,
svona eins og kennarar verða,
og fannst því orðið tímabært að
breyta til. Dóttir mín er orðin ung-
lingur og mér fannst gott að hafa
hana fyrir austan þessi æskuár en
nú langar okkur að prófa eitthvað
nýtt. Hún er írsk í föðurættina og
mér finnst gott fyrir hana að fá að
kynnast sínu föðurlandi.
Málið er að ég hef alltaf haft ein-
hvern brennandi áhuga á Írlandi
sem enginn veit hvaðan er kominn.
Ég var ekki nema um fimm ára
gömul þegar ég tók upp á því að
klippa út myndir af írskum kind-
um og líma á vegginn í herberginu
mínu heima á Skjöldólfsstöðum.
Mamma botnaði ekkert í þessu,
efaðist um að ég vissi hvar Írland
væri að finna. En það breytti engu
um áhugann sem fylgdi mér áfram
til fullorðinsáranna.
Írsk í fyrra lífi
Þegar ég var svo um tuttugu og
fjögurra ára gömul þá fór ég loks
til Írlands og í þeim tilgangi að
læra írsku. Þetta forna keltneska
tungumál sem var við það að deyja
út með öllu. Þarna kemur saman
alls konar skrítið og skemmtilegt
fólk frá öllum heimshornum sem
átti aðeins sameiginlega þessa
einu ástríðu og það var dálítið sér-
stakt. En kennarinn okkar var
á því að við sem værum þarna
saman komin hefðum í raun öll
verið Írar í fyrra lífi og því væri
þetta fullkomlega eðlilegt.
Þarna kynntist ég líka mannin-
um mínum og það sem mér finnst
svo heillandi við þetta samfélag
er að þarna er fólk alltaf að segja
sögur. Þannig er það líka heima á
Jökuldal svo þessi sameiginlega
taug liggur eflaust í gegnum þessa
ástríðu. Við dóttir mín komum svo
til með að flytja til Dyflinnar í
ágúst og ég ætla að reyna að draga
fram lífið á því að þýða, prófarka-
lesa og vonandi skrifa. Ég vona
að minnsta kosti að hugurinn og
sköpunarkrafturinn fái góða inn-
spýtingu við það að koma í nýtt og
skemmtilegt umhverfi.“
Ást, skilnaður og
sorg; allt þetta sam-
mannlega er það sem
fólk tengir við og þannig
er þetta græðandi ferli,
vonandi fyrir bæði mig
og lesandann.
Magnús
Guðmundsson
magnus@frettabladid.is
Ljóðin reyndust betur en strákarnir
Í dag kemur út ljóðasafn Ingunnar Snædal af tuttugu ára ferli skáldsins af Jökuldalnum. Skáldinu fi nnst dálítið skrítið að sjá þetta allt
komið saman í eina bók en svo ætlar hún að fl ytja til Dyfl innar ásamt hálfírskri unglingsdóttur sinni með haustinu.
BLESS ÍSLAND Ingunn Snædal ljóðskáld ætlar að breyta til og flytja til Dyflinnar ásamt dóttur sinni þegar líður að hausti.
FRÉTTABLAÐIÐ/GVA
Gunnar Guðbjörnsson, óperu-
söngvari og skólastjóri Söngskóla
Sigurðar Demetz, var á meðal
þeirra sem sóttu um starf óperu-
stjóra og hefur gagnrýnt það
hvernig staðið var að ráðningunni.
Í gær sendi svo stjórn Íslensku
óperunnar frá sér greinargerð um
ráðningu nýs óperustjóra. Þar er
farið yfir ráðningarferlið sem lauk
með því að Steinunn Birna Ragn-
arsdóttir, tónlistarstjóri Hörpu,
var ráðin til næstu fjögurra ára.
Ólgu hefur gætt í óperuheimin-
um vegna þess hvernig staðið var
að ráðningu Steinunnar Birnu en
hún var sú eina úr hópi umsækj-
enda sem var tekin til viðtals við
stjórn Óperunnar. Í yfirlýsingu
stjórnarinnar kemur fram að í
auglýsingunni fyrir starfið hafi
verið tilgreint að Capacent myndi
aðstoða við ráðninguna. Alls bár-
ust sextán umsóknir en tvær voru
dregnar til baka.
Stjórn Íslensku óperunnar bend-
ir á að allir fjórtán umsóknaraðil-
arnir hafi verið metnir hæfir til
starfsins og ákvað stjórnin í fram-
haldinu að boða alla umsækjendur
í viðtöl við Capacent.
Í yfirlýsingu stjórnarinnar
kemur m.a. eftirfarandi fram:
„Stjórn Óperunnar hitti fulltrúa
Capacent á fundi þar sem farið var
yfir umsóknirnar og viðtöl sem
tekin höfðu verið við alla umsækj-
endur. Stjórnarmenn spurðu um
mörg atriði og kafað var ofan
í feril umsækjenda, menntun,
stjórnunarreynslu og framtíðar-
sýn hvers um sig varðandi óper-
una á Íslandi. Spurningar vökn-
uðu og þess var óskað að einstök
atriði yrðu könnuð betur varð-
andi nokkra umsækjendur. Upp-
lýsingar bárust um þessi atriði og
stjórnarmenn fóru í kjölfarið aftur
yfir umsóknirnar með hliðsjón af
þeim.
Eftir þessa yfirferð ákvað stjórn
að kalla Steinunni Birnu Ragnars-
dóttur, tónlistarstjóra Hörpu, til
viðtals. Daginn eftir var ákveðið
að ganga til samninga við hana.“
Gunnar Guðbjörnsson segir
að í raun komi fátt nýtt fram í
umræddri yfirlýsingu. „Þetta er
svona öllu ítarlegra en verið hefur
en það eina sem mér sýnist nýtt
þarna er að umsækjendur eru nú
sextán en tveir drógu umsóknir
sínar til baka. Það er umhugsun-
arvert að það sé rót á þessum nýj-
ustu tölum úr Hörpu,“ segir Gunn-
ar og það leynir sér ekki að hann
er ekki sáttur við stöðu og þróun
mála innan Íslensku óperunnar.
„Þetta skýrir í raun ekki þetta
vinnuferli umsókna og maður er
eitt spurningarmerki enn um það
hvernig var staðið að ráðningunni.
Það er kannski ekki mitt að dæma
ráðninguna en þegar um er að
ræða ríkisfjármuni þá þarf þetta
að vera faglegt.
Fyrir mig persónulega þá hefði
breytt miklu að fá að viðra mínar
hugmyndir í beinu sambandi við
stjórnina. Ég vonaðist eftir því að
finna fyrir einhverjum áhuga og
deila hugmyndum. Hugmyndum
og framtíðarsýn sem ég hef lagt
mikla vinnu í. Ég vildi sem sagt
eiga virkt og opið samtal sem gæti
verið óperunni til góðs en það var
einfaldlega ekki í boði. Ég kláraði
menningarstjórnunarnám og hef
starfað lengi innan söng- og óperu-
heimsins en það breytti greinilega
engu.
Ég hef verið opinn með mínar
hugmyndir um framtíð Íslensku
óperunnar. Mín hugmynd hefur
lengi verið að óperan yrði deild
innan Sinfóníuhljómsveitarinnar,
einfaldlega vegna þess að pening-
arnir ganga ekki upp með öðrum
hætti. Eins og staðan er þá fer
stór hluti peninganna í húsaleigu
innan Hörpu og annar stór hluti í
starfsmannahald þannig að þegar
upp er staðið er afskaplega lítið
eftir til þess að setja upp óperur.
Því miður. Þannig að nú er víst
ekki annað eftir en að vonast eftir
breytingum á starfsháttum því
auðvitað vill maður sjá Íslensku
óperuna dafna í framtíðinni.“
Fréttablaðið hefur staðfestingu
á því að Arnbjörg María Daní-
elsen hafi einnig verið á meðal
umsækjenda. Arnbjörg María
er með mastersgráðu í óperu og
músik teat er frá Austurríki og
þriggja ára mastersnám í rekstri
opinberra leikhúsa frá háskól-
anum í Zürich. Arnbjörg María
starfar einkum í Þýskalandi þar
sem hún er búsett í Berlín og m.a.
sem framleiðandi að óperum og
listrænn stjórnandi í tónlistarleik-
húsi þar og víðar um álfuna. Arn-
björg María kaus að tjá sig ekki
um málið að svo stöddu.
magnus@frettabladid.is
Ólga um ráðningu óperustjóra
Stjórn Íslensku óperunnar sendi í gær frá sér greinargerð um ráðningu nýs óperu-
stjóra. Gunnar Guðbjörnsson er ósáttur við hvernig staðið var að ráðningunni.
ÓSÁTTUR Gunnar Guðbjörnsson er á meðal þeirra sem eru ósáttir við ráðningar-
ferlið á nýjum óperustjóra. FRÉTTABLAÐIÐ/VALLI
Ég vonaðist eftir því
að finna fyrir einhverjum
áhuga og deila hugmynd-
um. Hugmyndum og
framtíðarsýn sem ég hef
lagt mikla vinnu í.
MENNING
1
5
-0
9
-2
0
1
5
1
0
:2
3
F
B
0
8
0
s
_
P
0
5
4
K
.p
1
.p
d
f
F
B
0
8
0
s
_
P
0
4
7
K
.p
1
.p
d
f
F
B
0
8
0
s
_
P
0
2
7
K
.p
1
.p
d
f
F
B
0
8
0
s
_
P
0
3
4
K
.p
1
.p
d
f
A
u
to
m
a
tio
n
P
la
te
re
m
a
k
e
: 1
6
3
E
-B
C
6
C
1
6
3
E
-B
B
3
0
1
6
3
E
-B
9
F
4
1
6
3
E
-B
8
B
8
2
8
0
X
4
0
0
8
A

F
B
0
8
0
s
_
2
9
_
4
_
2
0
1
5
C
M
Y
K