Fréttablaðið - 30.04.2015, Blaðsíða 12

30. apríl 2015 FIMMTUDAGUR| FRÉTTIR | 12
STJÓRNSÝSLA „Enga heimild er að
finna í lögum og reglugerðum um
að heilbrigðisnefnd hafi heimild til
að synja um akstur bifreiða á landi
félagsins á Sandskeiði,“ segir í kæru
Svifflugfélags Íslands vegna synjun-
ar heilbrigðisnefndar á leyfi fyrir
tilraunaakstur á vegum Land Rover.
Allt að eitt þúsund blaðamönnum
var boðið til Íslands í desember og
janúar til að reynsluaka nýjum bíl
frá Land Rover, Discoery Sport, við
erfiðar aðstæður eins og hér geta
verið að vetrarlagi. Meðal annars
leitaði Land Rover til Svifflugfélags-
ins um að fá að útbúa akstursbraut
á svæði félagsins við Sandskeið.
Lagði Land Rover áherslu á að öll
leyfi væru í lagi en þau fengust ekki
þar sem Sandskeið er á vatnsvernd-
arsvæði.
Í kæru Svifflugfélagsins til
úrskurðarnefndar umhverfis- og
auðlindamála segir að þrátt fyrir að
nær öll starfsemi félagsins sé unnin
í sjálfboðavinnu hafi rekstur félags-
ins orðið æ þyngri undanfarin ár,
aðallega vegna nýrra og íþyngjandi
krafna yfirvalda.
„Því var tilboði bifreiðaframleið-
anda tekið fagnandi þegar fram-
leiðandinn bauð fram ríflegan fjár-
styrk gegn því að fá að aka af fyllsta
öryggi um snævi þakta velli Sand-
skeiðs á fyrirfram merktri snjó-
braut,“ segir í kærunni. Hættan á
mengunarslysi hafi verið hverfandi.
Þá kveðst Svifflugfélagið telja að
heilbrigðisnefnd hafi ekki lagaheim-
ild til að synja um akstur bíla á landi
félagsins á Sandskeiði. „Hvergi er að
finna ákvæði í lögum sem heimila
yfirvöldum að krefjast tímabundins
starfsleyfis eða annarra leyfa til að
heimila nokkrum bifreiðum að aka
um uppræktað snævi þakið og frosið
landsvæði.“
Í svari til úrskurðarnefndarinnar
segir heilbrigðisnefndin að nálgun
hennar sé skýr. „Vélknúin umferð er
viðvarandi ógn við verndun vatns-
bólanna í Heiðmörk og alla starf-
semi á vatnsverndarsvæðinu verð-
ur að nálgast í því samhengi,“ segir
í svarinu.
„Akstursæfingum og aksturs-
íþróttum fylgir ávallt ákveðin meng-
unarhætta og á það ekki síður við
um tilraunaakstur,“ segir heilbrigð-
isnefndin enn fremur. Henni beri
að sjá til þess að mengunarvarnir
við allan atvinnurekstur á svæðum
til verndar vatnsgæðum miðist við
ströngustu skilyrði. Um sé að tefla
„aðal ákomu- eða vatnssöfnunar-
svæðið fyrir þá grunnvatnsstrauma
sem liggja að núverandi og framtíð-
ar vatnsbólum höfuðborgarsvæðis-
ins.“ gar@frettabladid.is
Svif lugfélag Íslands kærir vegna synjunar á leyfi:
Bönnuðu jeppaakstur
á vatnsverndarsvæði
LAND ROVER-
FLOTINN
Yfir eitt hundr-
að jeppar voru
fluttir hingað
til lands þegar
Land Rover
kynnti nýja teg-
und fyrir bíla-
blaðamönnum.
FRÉTTABLAÐIÐ/PJETUR
Þeir buðu fram rífleg-
an fjárstyrk gegn því að
fá að aka af fyllsta öryggi
um snævi þakta velli
Sandskeiðs.
Úr kæru Svifflugfélags Íslands.
A Ð A L F U N D U R C C P h f .
Aðalfundur CCP hf., kt. 450697-3469, verður haldinn 15. maí 2015 á skrifstofu
félagsins að Grandagarði 8, Reykjavík og hefst kl. 16:00.
D A G S K R Á :
Venjuleg aðalfundarstörf skv. gr. 4.07 samþykkta félagsins, þar á meðal:
1. Skýrsla stjórnar félagsins um hag félagsins og rekstur á liðnu starfsári
2. Ársreikningur félagsins fyrir tímabilið sem lauk 31. desember 2014
verður lagður fram til staðfestingar
3. Ákvörðun um ráðstöfun hagnaðar eða taps félagsins fyrir sama tímabil
4. Ákvörðun um þóknun til stjórnarmanna
5. Tillaga stjórnar um starfskjarastefnu félagsins
6. Kosning stjórnar
7. Kosning endurskoðenda
8. Önnur mál löglega færð til fundarins
Að þessu sinni gerir félagið ekki ráð fyrir breytingartillögum á
samþykktum félagsins.
Sérstaklega er bent á að þeir sem hyggjast gefa kost á sér til setu í stjórn
CCP hf. skulu tilkynna það skriflega til stjórnar félagsins eigi síðar en 5
sólarhringum fyrir upphaf aðalfundar. Þeir einir eru kjörgengir sem þannig
hafa gefið kost á sér.
Dagskrá, ársreikningur félagsins og aðrar endanlegar tillögur munu liggja
frammi á skrifstofu félagsins hluthöfum til sýnis hluthöfum til sýnis frá og
með 8. maí 2015, 7 dögum fyrir aðalfundinn.
Aðalfundarstörf munu fara fram á ensku.
Reykjavík 30. apríl 2015
Stjórn CCP hf.
„Í dag sé ég ekki fyrir mér að
stjórnvöld taki upp samræmda
gjaldtöku til uppbyggingar ferða-
mannastaða á næstu misserum,“
segir Ragnheiður Elín Árnadótt-
ir, iðnaðar- og viðskiptaráðherra.
Hún segir að ferðaþjónustan skili
sífellt meiri tekjum sem séu rök
fyrir því að fé renni beint úr
ríkissjóði til að byggja upp og
vernda þær náttúruperlur sem
eru helsta aðdráttarafl sífellt
fleiri ferðamanna sem hingað
koma. Fullreynt er með náttúru-
passann, í óbreyttri mynd.
Uppbygging á fjárlög
„Við fjármálaráðherra ræddum
strax við upphaf þessa máls að
einfaldasta lausnin væri að setja
uppbyggingu ferðamannastaða á
fjárlög. Í þann farveg virðist mér
þetta mál vera að stefna núna,
og muni þá keppa um fjármagn
við annað sem þarf að sinna –
hvort sem það eru heilbrigðis-
mál, menntamál eða aðrir mikil-
vægir málaflokkar. Þetta er þó
þeim takmörkunum háð að það
er Alþingi sem fer með fjárlaga-
valdið og sérstakur tekjustofn
verður ekki til staðar sem trygg-
ir langtíma uppbyggingu, nema
við náum að móta stefnu til nokk-
urra ára. Það er það sem stefnt
er að núna.“
Úr sögunni
Eins og komið hefur fram dagaði
frumvarp Ragnheiðar um nátt-
úrupassa uppi í atvinnuveganefnd
þingsins og því útséð með afgreiðslu
málsins á þessu þingi.
„Miðað við reynsluna af vinnu
síðustu mánaða við þetta mál sé ég
ekki fram á að leggja það aftur fram
í haust – eða yfirleitt. Það er ljóst að
við verðum að fara aðra leið. Það er
miður, því hugsunin með náttúru-
passanum var að ná utan um þetta
viðfangsefni með heildarlausn. Stað-
reyndin er sú að hagsmunirnir eru
of margir, of ólíkir og að vissu leyti
ósamrýmanlegir. Þetta er niðurstað-
an og ég sagði ítrekað í öllu þessu
ferli að ef þessi fjármögnunarleið
næði ekki fram að ganga mætti ekki
missa sjónar á viðfangsefninu sjálfu
sem er mikilvægast í þessu, og það
er að tryggja uppbygginguna á þess-
um stöðum,“ segir Ragnheiður og
því er að hennar sögn unnið að nýrri
áætlun í samstarfi fjögurra ráðu-
neyta. Verið er að skilgreina hvaða
ferðamannastaðir heyri undir ríkið,
hver staðan sé á hverjum þeirra og
hvernig uppbygging verður tryggð
á næstu árum.
„Og hún verður tryggð. Við
munum axla okkar ábyrgð,“ segir
Ragnheiður og bætir við að þrátt
fyrir að erfitt sé að áætla hvað þurfi
nákvæmlega til þá sé hægt að gefa
sér með nokkurri vissu að milljarð
þurfi árlega á næstu árum. Með þá
tölu sé unnið í ráðuneytunum fjór-
um sem koma að verkefninu. „En þá
standa einkaaðilar og sveitarfélögin
eftir. Fyrst heildarlausnin, náttúru-
passinn, verður ekki ofan á verða
allir að axla sína ábyrgð, ríkið, sveit-
arfélögin, einkaaðilar og ferðaþjón-
ustan sjálf. Það er ekki bara hægt
að horfa til ríkisins með fjármögnun
þessara brýnu verkefna.“
Fallin á tíma?
Gagnrýni um að ekki sé nóg að
gert og þjóðin sé að falla á tíma
með uppbyggingu svarar ráðherra
að vissulega sé verkefnið brýnt.
Á sama tíma fyrir ári hafði 380
milljónum króna verið varið sér-
staklega til aðkallandi verkefna
sem voru tilbúin, þyldu ekki bið
og yrðu að klárast fyrir sumar-
ið. Svo hafi komið í ljós að mörg
verkefni fóru ekki af stað fyrr en
miklu síðar ýmissa hluta vegna.
„Niðurstaða mín í fyrrahaust var
að þetta strandar ekki endilega
á fjármögnun verkefnanna einni
saman heldur einnig á öðrum
þáttum eins og skipulagsmálum
og hönnun,“ segir Ragnheiður og
bætir við að með náttúrupassan-
um hafi átt að reyna að koma í veg
fyrir að þessi staða tefði fyrir upp-
byggingu. „Það var eitt sem átti að
vinnast með náttúrupassanum – að
innleiða langtímahugsun í krafti
tryggrar fjármögnunar,“ segir
Ragnheiður.
Kemur ekki til greina
Fjölmargar hugmyndir hafa verið
nefndar sem leiðir til heildstæðr-
ar fjármögnunar á uppbyggingu
ferðamannastaða. Gistináttagjald
er ein þeirra og er þegar innheimt.
Gjaldið hefur skilað á sjöunda
hundrað milljónum síðan gjald-
takan hófst í byrjun árs 2012.
Ragnheiður hafnar hugmynd-
inni um að hækka einfaldlega
gistináttagjaldið. „Engin slík leið
er til skoðunar og kemur ekki
til greina að mínu mati. Þetta er
óhagkvæmur skattstofn vegna
fjölda innheimtuaðila fyrir lítið
fé, t.d. samkvæmt upplýsingum
frá ríkisskattstjóra. Ég tel líka
engar líkur á því, eins og umræð-
an er um þessi mál, að meiri sátt
myndi nást um hækkun á gisti-
náttagjaldi, komugjöld – eða hvað
annað. Ekki heldur einhvers konar
blandaða leið af gjaldtöku sem
þessari, eins og stjórnarandstað-
an hefur nefnt,“ segir Ragnheiður
sem útilokar ekki aðkomu einka-
aðila og nefnir dæmi frá nýlegri
heimsókn sinni til Ástralíu. Þar
sé það ekki litið hornauga þó að
einkaaðili byggi upp ýmsa starf-
semi eins hótel og reki það innan
þjóðgarða þar í landi. „Mér finnst
alveg vel koma til greina að skoða
málið hérna heima í þessu sam-
hengi.“
Samræmd gjaldtaka út af borðinu
Fjögur ráðuneyti vinna að nýrri áætlun um fjármögnun ferðamannastaða. Ragnheiður Elín Árnadóttir, iðnaðar- og viðskiptaráðherra,
segir stefna í að uppbygging ferðamannastaða verði sett á fjárlög. Unnið er með að milljarður renni til uppbyggingarinnar árlega.
VINNUR
NÝJA
ÁÆTLUN
Ragnheiður
Elín segir að
ný áætlun
fjögurra
ráðuneyta
um upp-
byggingu
ferða-
mannastaða
líti dagsins
ljós á næstu
vikum.
FRÉTTABLAÐIÐ/
GVA
Svavar Hávarðsson
svavar@frettabladid.is
Og hún verður
tryggð. Við munum axla
okkar ábyrgð
1
5
-0
9
-2
0
1
5

1
0
:2
3
F
B
0
8
0
s
_
P
0
7
2
K
.p
1
.p
d
f
F
B
0
8
0
s
_
P
0
6
9
K
.p
1
.p
d
f
F
B
0
8
0
s
_
P
0
0
9
K
.p
1
.p
d
f
F
B
0
8
0
s
_
P
0
1
2
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
6
3
F
-1
0
5
C
1
6
3
F
-0
F
2
0
1
6
3
F
-0
D
E
4
1
6
3
F
-0
C
A
8
2
8
0
X
4
0
0
9
A

F
B
0
8
0
s
_
2
9
_
4
_
2
0
1
5
C
M
Y
K