Morgunblaðið - 11.12.2014, Blaðsíða 44

VIÐTAL
Helgi Bjarnason
helgi@mbl.is
Hænsin á nýjasta eggjabúi landsins,
Stafholtsveggjum 2 í Borgarfirði, fá
aðstöðu til að viðra sig úti. Verið er að
útbúa fuglagerði og er fyrirhugað að
taka það í notkun í vor. Bræðurnir frá
Brautarholti á Kjalarnesi, Kristinn
Gylfi og Björn Jónssynir, keyptu
jörðina í vor og fá þar 1.700 fermetra
viðbótarhúsnæði til að framleiða vist-
væn egg undir vörumerki sínu, Brún-
egg.
Mikið er um að vera á Stafholts-
veggjum þessa dagana. Unnið er við
að innrétta og koma í gagnið fjórða
og síðasta framleiðslurýminu í gamla
svínahúsinu og aðstöðu fyrir starfs-
fólk. Á sama tíma er jólavertíðin á
fullu.
Júlí mesti sölumánuðurinn
„Nóvember og desember hafa ver-
ið mikill sölutími í eggjunum, flestir
byrjuðu að baka í nóvember. Það er
eins og þetta hafi aðeins breyst. Fólk
byrjar seinna að baka og það var ekki
fyrr en núna um mánaðamót sem allt
fór á fulla ferð,“ segir Kristinn Gylfi.
Breytingin er stærri, að minnsta
kosti hvað Brúnegg varðar. Júlí hefur
skotist upp og verið söluhæsti mán-
uðurinn hjá fyrirtækinu síðustu þrjú
árin og desember er kominn niður í
annað sætið. „Við sjáum áhrif fjölg-
unar ferðamanna. Margir þeirra eru
vanir að fá sér egg í morgunmat og
vilja halda þeim sið á ferðalögum.
Hótelin hafa séð kost í þessu enda
eggin ódýr kostur á morgunverð-
arhlaðborðið,“ segir Kristinn en tek-
ur um leið fram að nauðsynlegt sé að
eiga nóg af eggjum í jólavertíðinni.
Á Stafholtsveggjum var byggt upp
svínabú fyrir nokkrum árum, á
grunni sauðfjárbús, en eftir að það
lagði upp laupana voru húsin notuð
fyrir hrossabúskap og tamningar.
„Við teljum okkur heppna að kom-
ast í þessi hús. Fleiri alifuglarækt-
endur höfðu áhuga á þeim,“ segir
Kristinn. Fyrirtæki þeirra bræðra,
Gjálpholt ehf., kaupir jörðina og
mannvirkin.
Fyrsta alvöru fuglagerðið
„Þetta eru mjög góð hús. Við erum
að breyta þeim þannig að við getum
verið með þrjú hólf fyrir varphænur
og eitt fyrir ungauppeldi,“ segir Krist-
inn. Settar eru grindur í húsin og að-
staða til að fóðra hænurnar og brynna.
Þá eru varpkassar sem þær nota til að
skila af sér afurðunum verðmætu.
Þarna skapast aðstæður til að vera
með fuglagerði fyrir hænurnar þann-
ig að þær geti komist út þegar þær
vilja. „Ég tel að þetta sé fyrsta stóra
eggjabúið sem hefur slíka aðstöðu.
Við munum opna hana á næstu mán-
uðum.“
Brúnegg eru með framleiðslu á
Teigi í Mosfellsbæ og eldi á fleiri stöð-
um í Kjósinni og Mosfellsdal. Í reglu-
gerð um vistæna framleiðslu er kveð-
ið á um að hænurnar skuli fá að fara
út, þegar aðstæður séu til þess. Krist-
inn Gylfi segir að þegar þeir bræður
hófu þennan rekstur á árinu 2004 hafi
ekki verið heimilt að hafa fuglana úti
vegna hræðslu við að fuglaflensu. Þá
séu ekki aðstæður fyrir útvist
hænsna í hænsnabúinu á Teigi vegna
nálægðar við íbúðarbyggð.
Þegar útiaðstaðan verður komin í
gagnið er ráðgert að bjóða fólki heim
að Veggjum til að skoða aðstöðuna
sem þar er og bjóða því að kaupa
brúnegg frá búinu. Kristinn segir að
þeim hafi verið vel tekið í Borgarfirði
enda þrjátíu ár liðin frá því umtals-
verð eggjaframleiðsla var í héraðinu.
Brúnegg hafa markaðssett fram-
leiðsluna frá Stafholtsveggjum sér-
staklega í héraðinu og á Vesturlandi.
„Við höfum frá upphafi verið með
vistvæna framleiðslu. Hænurnar
ganga frjálsar um á gólfi og verpa í
sérstaka hreiðurkassa. Við teljum
þetta framtíðina í eggjaframleiðslu
og að hún komi að verulegu leyti í
staðinn fyrir eldi í búrum.“
Brúnu eggin eru gjarnan um
fimmtungi til fjórðungi dýrari út úr
búð en venjuleg egg. „Vistvæn egg
verða alltaf dýrari,“ svarar Kristinn
þegar hann er spurður um
Hænsnin
fá aðstöðu
til útivistar
 Jólavertíðin í fullum gangi hjá
eggjabændum  Annars er júlí orðinn
mesti eggjasölumánuðurinn
 Brúnegg stækka smám saman við
sig á Stafholtsveggjum í Borgarfirði
Afurðir Kristinn Gylfi Jónsson með egg á Stafholtsveggjum sem fara beint í jólabaksturinn hjá neytendum.
Morgunblaðið/Helgi Bjarnason
Frjálsar Varphænurnar hjá Brúneggjum eru ekki lokaðar inni í búrum og geta því farið um allt hænsnahúsið. Síðar
verður opnað fyrir þær út í garð. Bændur munu bjóða gestum heim til að skoða aðbúnað fuglanna og kaupa egg.
44 FRÉTTIRInnlent
MORGUNBLAÐIÐ FIMMTUDAGUR 11. DESEMBER 2014
Höfðabakka 9, 110 Reykjavík • Sími 561 9200 • run@run.is • www.run.is
Sölustaðir:
Debenhams – Smáralind
Rakarastofan – Faxafeni
Joe’s – Akureyri
Siglósport – Siglufirði
Hafnarbúðin – Ísafirði
Bjarg – Akranesi
Blómsturvellir – Hellissandi
Skyrturnar
eru
komnar!