Morgunblaðið - Sunnudagur - 14.12.2014, Qupperneq 44

Ljúf og jarðbundin
Aníta Hinriksdóttir er jarðbundin og dugleg stúlka. Hún er alvörugefin, en jafn-
framt ljúf og yfirveguð. Hún er innhverf í grunneðli sínu. Samt sem áður er hún
ekki dul. Það hvílir ákveðin heiðríkja yfir tilfinningum hennar. Í návígi er hún vin-
samleg og þægileg. Hún er ekki manneskja sem æsir sig upp og logar af ólgandi
reiði. Nei, hún er öguð og skynsöm.
Að klífa tinda og bíta á jaxla
Það sem einkennir Steingeitur umfram allt er seigla og dugnaður. Geiturnar setja
sér markmið og síðan klífa þær fjöllin. Þær stefna alltaf á toppinn, hver í sínu fagi.
Vekjaraklukkan er stillt til að glymja snemma að morgni. Geitin snarar sér fram úr,
borðar léttan og hollan morgunmat og byrjar síðan á verkefnum dagsins. Fram-
gangan er skipulögð. Dag eftir dag er sama skipulagi fylgt. Annars vegar á að ná
settu marki og hins vegar á að setja markið stöðugt hærra. Bæta sig. Koma svo. Þenja hvern vöðva
og hverja sin til hins ýtrasta. Finna þolmörkin. Beita sig aga. Bíta á jaxlinn. Þannig er Steingeitin.
Þannig er Aníta hvað varðar hugsun og grunneðli. Hún er manneskja sem virkjar lífsorkuna.
Skipulög og leitandi
Hvernig hugsar Aníta? Hún er jarðbundin og skipulögð. Hún sækir í fróðleik sem
er gagnlegur og leiðir til áþreifanlegs árangurs. Hún er metnaðargjörn og kröfu-
hörð. Hún hefur gott formskyn. Jafnframt því er hún leitandi í hugsun. Hún safnar
að sér alls konar upplýsingum sem geta gagnast henni til árangurs. Hún er því
sveigjanleg og leitandi í aga sínum.
Aníta er ljúf, vinsamleg og yfirveguð í tjáningu tilfinninga. Henni er eðlislægt að halda aftur af til-
finningasemi. Hún er manneskja sem leitast við að láta hugann ráða viðbrögðum sínum. Hún tekur
málefnalega afstöðu til tilfinningamála. Hún er skynsemishyggjukona. Það þýðir um leið að hún er
frekar ópersónuleg og ekki gefin fyrir að tala um sjálfa sig. Já, við mennirnir erum flóknar skepnur.
En Aníta okkar er heilsteypt á tilfinningasvelli lífsins.
Ráðleggingar til Anítu
Þær ráðleggingar sem ég vil gefa þér, Aníta, tengjast hita, mýkt og húmor. Þú ert
Steingeit. Þú viðheldur lífskrafti þínum með því að vera stöðugt að byggja þig upp
og bæta þig í þínu fagi. Þú þarft að klifra æ hærra upp lífsins fjall. Þú ert alveg til í
að axla ábyrgð.
Þannig eruð þið geiturnar. Þið eruð alltaf að bæta ábyrgðarpokum á axlirnar. Með tíð og tíma
verður þetta að heljarstórri byrði. Það setur spennu í vöðva, álag á bakið, svo ekki sé talað um hnén.
Stoðkerfið á að halda þessu öllu uppi. Þetta er kannski ekkert mál þegar þú ert 18-19 ára gömul.
Hér koma ráðin frá mér til þín Aníta og um leið til allra sem hafa sterka Steingeit í stjörnukorti
sínu. Þú þarft að gæta hófs hvað varðar reglur, skipulag og ábyrgð. Of mikið af því góða getur leitt
til stífni og stirðleika. Orkuflæðið stíflast og stoðkerfið veikist. Því er flest það sem slakar og mýkir
líkama og sál af hinu góða, svo sem nudd, gufuböð, sund, tónlist, gönguferðir, hiti, sól, jóga, pílates
og líkamsteygjur. Að mýkja líkamann með hita og teygjum, það er málið.
Og síðast en ekki síst. Þú býrð yfir djúpstæðri innri alvöru. Lundin er þung að upplagi. Einnig er
gott að létta álagið á því sviðinu. Hvernig er það gert? Jú, húmor og grín. Hlátur. Þetta er einn
brandari, er það ekki? Lífið það er að segja.
Settu á þig hnakk og beisli. Þendu klárinn til hins ýtrasta. Axlaðu ábyrgð. Klífðu upp fjallið. En
taktu hnakkinn og beislið af þér annað slagið. Leggðu byrðarnar frá þér. Hleyptu hita inn í orku-
kerfið. Mýktu sálina.
Heilsteypt á tilfinn-
ingasvelli lífsins
ANÍTA HINRIKSDÓTTIR FÆDDIST 13. JANÚAR ÁRIÐ 1996. Á ÞEIRRI STUNDU VORU SÓLIN (GRUNNEÐLI
OG LÍFSORKA) OG MERKÚR (HUGSUN) Í HINNI JARÐBUNDNU OG DUGLEGU STEINGEIT, TUNGLIÐ (TIL-
FINNINGAR) Í HINNI LJÚFU OG FÉLAGSLYNDU VOG, VENUS (SAMSKIPTI) OG MARS (BARÁTTUORKA) Í
HINUM SÉRSTAKA OG SJÁLFSTÆÐA VATNSBERA, JÚPÍTER (SÓKNARORKAN) Í HINUM FJÖLHÆFA OG
ÓRÓLEGA TVÍBURA OG SATÚRNUS (KERFISORKAN) Í HINUM SVEIGJANLEGU FISKUM.
ÕGrunneðli
]
Vitsmunir
Y
Tilfinningar
—
Ráðleggingar
Morgunblaðið/Eva Björk
Stjörnukortið
GUNNLAUGUR GUÐMUNDSSON
www.islenskstjornuspeki.is
Steingeitin 21. desember 20. janúar
Tími Steingeitarinnar hefst á vetrarsólstöðum 21. desember. Nóttin er löng og birta lítil. Veður
eru köld. Jörðin gefur ekki af sér nýja ávexti. Nýta þarf það sem er til staðar. Því er innbyggt í eðli
Steingeitarinnar að skipuleggja og fara vel með verðmæti. Til staðar er stolt og styrkur, en um leið
varúð gagnvart grimmd lífsins og kulda vetrarins. Steingeitin er raunsæ og dugleg. Hún veit að aga er þörf.
m
 Aníta er dóttir Bryndísar Ernstsdóttur og
Hinriks Jóns Stefánssonar, alin upp í Reyka-
vík. Fósturfaðir Anítu er Arnaldur Gylfason
og eiga þau Bryndís þrjú börn saman. Faðir
Anítu á tvö önnur börn og hlaupadrottningin
á því fimm hálfsystkini.
 Hún stundar nám við Menntaskólann í
Reykjavík og vinnur stundum á Café Haiti.
Aníta er sögð snillingur í að laga gott kaffi og
sérlegur áhugamaður um þá þekktu landbún-
aðarvöru.
 Aníta er ÍR-ingur og aðalkeppnisgrein
hennar er 800 hlaup.
 Aníta varð heims- og Evrópumeistari í
800 metra hlaupi ungmenna með aðeins sex
daga millibili í júlí 2013; heimsmeistari 17 ára
og yngri í Donetsk í Úkraínu og Evr-
ópumeistari 19 ára og yngri í Rieti á Ítalíu.
Um miðjan ágúst sama ár varð hún svo
Norðurlandameistari 19 ára og yngri í 800 m
hlaupi í Espoo í Finnlandi.
 Aníta er systurdóttir hlaupakonunnar
Mörthu Ernstsdóttur, sem keppti fyrir Ísland
á sumarólympíuleikunum í Sydney 2000.
 Árið 2013 varð Aníta í 2. sæti í kjöri
íþróttamanns ársins hjá Samtökum íþrótta-
fréttamanna. Hún var útnefnd vonarstjarna
evrópskra frjálsíþrótta í kvennaflokki í októ-
ber 2013 af Frjálsíþróttasambandi Evrópu.
Aníta var kjörin frjálsíþróttakona og frjáls-
íþróttamaður ársins af FRÍ, íþróttakona
Reykjavíkur 2013, íþróttamaður ársins 2013
á vefsíðunni sport.is og maður ársins á Rás 2.
 Þjálfari Anítu er Gunnar Páll Jóakimsson.
ANÍTA HINRIKSDÓTTIR AFREKSKONA
44 MORGUNBLAÐIÐ SUNNUDAGUR 14.12. 2014