Allt um íþróttir - 01.12.1951, Side 4

ÖRN CLAUSEN
var kjörinn íþróttamaður ársins 1951
Alls bárust 454 atkvæði í skoð-
anakönnuninni um íþróttamann
ársins og fékk Öm Clausen lang-
flest þeirra eða 275, en það eru
60.8% greiddra atkvæða. Næstur
kom Torfi Bryngeirsson með 128
og 21.2%. Ríkharður Jónsson hlaut
28, Ingi Þorsteinsson 8, Gunnar
Huseby 7, Guðmundur Lárusson 3,
Helgi Sigurðsson 3, Haukur Ó. Sig-
urðsson 2 og Kristján Ámason 1.
Útgefendur „Allt um íþróttir“
munu afhenda Emi veglegan grip
til minningar um þennan heiður,
en á hann verður letrað:
ÖRN CLAUSEN
kjörinn íþróttamaður ársins 1951
af lesendum tímaritsins
Allt um íþróttir.
Fáum kemur á óvart, að einmitt
Öm Clausen skuli hljóta þennan
titil í ár, því hann hefur ekki að-
eins unnið afrek, sem skipar hon-
um í fremstu röð íslenzkra íþrótta-
manna, heldur og meðal hinna
beztu í heimi.
Seint mun mönnum líða úr minni
hin frábæra frammistaða hans í
landskeppnunum við Norðmenn og
Dani í júní síðastl., en Öm varð
þá stighæstur einstaklinga, enda
keppti hann í fimm greinum með
þeim prýðisárangri að sigra í
tveimur (báðum grindahlaupun-
um), stuðla að sigri í 4x100 m.
boðhlaupi, verða annar í lang-
stökki og þriðji í 100 m. hlaupi.
í 400 m. grindahlaupi hafði hann
ekki keppt áður, en lét tilleiðast,
þar sem úrslitin í þeirri grein,
gátu ráðið miklu um úrslitin í
sjálfum landskeppnunum. Þeir
bjartsýnustu vonuðu, að Öm yrði
sigurvegari í þessu hlaupi, þótt við
afbragðs grindahlaupara væri að
etja, en hér skulu höfð eftir um-
362
ÍÞRÓTTIR