Ský - 01.02.2008, Side 10

Ský - 01.02.2008, Side 10
10 ský | 1. tbl. 2008 Fyrsta hljómsveitin Þegar Ragnar byrjaði að spila á trommur með vinum sínum Sigurði Þ. Guðmundssyni, Andrési Ingólfssyni og fleiri skólafélögum í Ingimarsskóla 1946 dreymdi hann um að verða frægur tónlistarmaður. Sumarið 1950 hélt RSD-tríóið í sína fyrstu og einu hljómleikaferð. Vinirnir Raggi, Siggi kanslari og Drési töldu sig færa í flestan sjó. RSD tríóið spilaði á einu balli norður á landi en strákarnir voru miklu spenntari fyrir því að dansa sjálfir en að spila fyrir dansi. Raggi og Siggi skildu Drésa eftir einan á sviðinu og létu hann spila á meðan þeir brugðu sér út á gólf til að dansa við sætu stelpurnar í plássinu. Þetta líkaði heimamönnum illa og upphófust hávær mótmæli því það þótti heldur þunnskipað á sviðinu. Eftir ballið voru þremenningarnir heppnir að sleppa óbrotnir heim til Reykjavíkur á biluðum bíl. Tónlistarheimili Ragnar á ekki langt að sækja tónlistina. Bjarni Einar Böðvarsson faðir hans var forgöngumaður um stofnun Félags íslenskra hljómlistarmanna og fyrsti formaður þess. Hann var þekktur harmoniku- og kontrabassaleikari en spilaði á fleiri hljóðfæri og stjórnaði eigin hljómsveit. Bjarni starfaði í Hljómsveit Útvarpsins og var í hópi fastráðinna starfsmanna á fyrstu árum þess. Hann hélt úti vinsælum útvarpsþáttum sem landsmenn lágu yfir því Hljómsveit Bjarna Bö flutti léttleikandi dægurtónlist við íslenska texta sem hlustendur lögðu sig fram um að læra. Lára Ingibjörg Magnúsdóttir, móðir Ragnars, kom oft fram í þessum þáttum ásamt fleiri söngvurum. Hún frumflutti t.d. lagið Vor við sæinn (Bjartar vonir vakna) eftir Oddgeir Kristjánsson í Útvarpinu Svona var Hljómsveit Ragnars Bjarnasonar skipuð í upphafi haustið 15. Fremstir eru Grettir Björnsson og Ragnar, í miðið Árni Scheving og Sigurður Þ. Guðmundsson og aftast Guðmundur Steingrímsson og Ragnar Páll. Raggi Bjarna

x

Ský

Direkte link

Hvis du vil linke til denne avis/magasin, skal du bruge disse links:

Link til denne avis/magasin: Ský
https://timarit.is/publication/1110

Link til dette eksemplar:

Link til denne side:

Link til denne artikel:

Venligst ikke link direkte til billeder eller PDfs på Timarit.is, da sådanne webadresser kan ændres uden advarsel. Brug venligst de angivne webadresser for at linke til sitet.