Dagrenning - 01.12.1948, Blaðsíða 17
Norður-Atlantshafs bandalagsins r'erður
hins vegar ekki tekin fyrr en Banda-
ríkjaþing kemur sarnan til funda í jan-
úarmánuði. En líklegt þykir, að undir-
búningi málsins verði þá langt komið,
enda er hann mun auðveldari eftir end-
urkosningu Trumans, en áður, því að
hún tryggir, að sömu menn og undan-
farin ár móti utanríkismálastefnu Banda-
ríkjanna og afstöðu þeirra til annarra
þjóða."
Ríkisútvarpið sagði með svipuðum hætti
og Alþýðublaðið frá þessum fréttum 10.
nóvember og Þjóðviljinn einnig n. nóvem-
ber undir fyrirsögninni:
„íslenzkur fulltrúi á hernaðarráðstefnu
í Washington?“
Fleiri innlend blaðaummæli um bandalag
þetta mætti nefna, en þess er ekki þörf. Hefi
ég talið rétt að taka ummæli blaðanna orð-
rétt upp, svo að þau geymist hér þeim, sem
athuga þetta mál betur í ljósi þeirra atburða,
sem eiga eftir að gerast í sambandi við
bandalagsstofnunina sjálfa, þegar henni verð-
ur hrint í framkvæmd. (Sjá ennfr. bls. 19.)
IV.
Því miður er það svo, að hingað til lands
berast nú sárfá erlend blöð og tímarit. Þau
fást ekki lengur í bókabúðum og eina leiðin
til þess að afla sér þeirra er að fá þau lánuð
hjá mönnum, sem fá þau send gefins frá
vinum sínum erlendis. Það má nú segja að
hér er unr „nýsköpun" á sviði menningar-
mála að ræða, sem vart mun eiga sinn Hka
í heiminum, utan Sovétríkjanna, þar sem
erlend blöð eru yfirleitt bönnuð, — og það
er því miður i ýmsu fleiru en þessu, sem
ýmislegt er orðið næstum óhugnanlega keim-
líkt hér og í því ríki. — En sleppum því að
sinni. —
Mér hefir tekizt að ná í vikuútgáfur af
tveim brezkum stórblöðum „The Times
Weekly“ frá 10. nóvember s.l. og „The
Manchester Guardian Weekly“ frá 11. nóv.
s.l. að láni frá góðvini mínum hér í bænum.
í báðum þessum blöðum eru þessa daga
greinar urn Atlantshafsbandalagið fyrirhug-
aða. Greinin í Times heitir: „Towards a
North Atlantic defence Pact“, en í Man-
chester Guardian: „North Atlantic Defence
Treaty“. í báðum þessum greinum er skýrt
frá því, að þessa daga sé að hefjast loka-
þátturinn í undirbúningi að stofnun Norður-
Atlantshafs vamarbandalags.
Greinin í Manch. Guardian er dagsett 8.
nóvember og hún byrjar með þessum at-
hyglisverðu orðum: „In the next day or two
the final stage will begin“ 0. s. frv. (Þ. e.:
„Eftir einn eða tvo daga mun lokaþátturinn
hefjast“ o. s. frv.) Greinin er, eins og áður
segir, skrifuð 8. nóv., svo að þetta þýðir:
9. eða 10. nóvember. Það reyndist og svo,
því að þá daga voru gefnar út opinberar
tilkynningar bæði í Kanada, Bandaríkjun-
um og Bretlandi um það, að lokaviðræður
að undirbúningi að vamarbandalagi Norður-
Atlantshafsþjóðanna væru að hefjast.
V.
Þótt svona greinilega sé sagt frá hinum
markverðustu atburðum í blöðum og útvarpi
og menn tali sín á milli um þá dag eftir
dag, er blindnin svo mikil, að menn koma
ekki auga á mikilvægi þeirra. Ástæðan fyrir
þessu er aðallega sú, að ávallt er nokkur að-
dragandi og undirbúningur að hinum merki-
legustu atburðum og um þá talað jafnvel
löngu áður en nokkuð er farið fyrir alvöru
að vinna að málunum. í þeim löndum, þar
sem prentfrelsi er og málfrelsi, furða menn
sig þess vegna ekkert jafnvel á stórviðburð-
um. Þeir „liggja í loftinu" nokkurn tíma,
áður en þeir gerast. Þessu er öðru vísi farið,
þegar svo stendur á, að nauðsynlegt er að
DAGRENNING 1S