Dagrenning - 01.08.1956, Page 21
magnsins. Hann hefur því bætt við sig 6289 atkvæðum og hækkað hlut-
fallstölu sína um 5,3%. Hlutfallsleg aukning atkvæðamagns vegna nýrra
kjósenda honum til handa hefði átt að vera 1949 atkvæði, svo raunveru-
legur vinningur hans hefur verið 4340 atkvæði.
Sósíalistaflokkurinn, sem nú hét Alþýðubandalag, hlaut 1953 alls 12.422
atkvæði eða 16,1% af heildaratkvæðamagninu, en nú fékk hann 15.858
atkvæði eða 19,2% af heildaratkvæðamagninu. Hann hefur því bætt við
sig 3437 atkvæðum og hækkað hlutfallstölu sína um 3,1%. Hlutfallsleg
aukning atkvæðamagns hjá þeim flokki hefði átt að vera 843 atkvæði, svo
að raunverulegur vinningur hans er 2594 atkvæði.
Þjóðvamarflokkurinn tapaði 961 atkvæði, auk þeirrar kjósendaaukn-
ingar, sem hann hefði átt að fá.
Af þessu er ljóst, að Alþýðuflokkurinn, Framsóknarflokkurinn og Þjóð-
varnarflokkurinn hafa allir tapað atkvæðum, þegar á heildina er litið, en
Sjálfstæðisflokkurinn og kommúnistar aukið nokkuð fylgi sitt.
★
ÞINGSÆTIN skiptast ekki hér á landi eftir atkvæðamagni milli flokka,
nema hin 11 uppbótarþingsæti, sem úthlutað er að kosningum loknum.
Þingmannafjöldinn segir því ekkert til um heildarvilja þjóðarinnar, sem
fram á að koma í kosningunum. En breytingar urðu þar sára litlar.
Sjálfstæðisflokkurinn tapaði 2 þingsætum, og Þjóðvöm tapaði sínum 2
þingsætum. Af þeim fóm 2 til Alþýðuflokksins, 1 til Framsóknar og 1 til
kommúnista. Breytingin á þingsætaskiptingunni er því hverfandi lítil,
en breytingin á atkvæðaskiptingunni er nokkur. Það er athyglisverðast
við þessar kosningar, að nær 5. hver kjósandi á íslandi fylgir flokki Sovét-
ríkjanna að málum. Hitt er greinilegt, að þjóðin er hlynnt þeirri stefnu,
sem Sjálfstæðisflokkurinn hafði í varnarmálunum, því að óhætt er að
skrifa verulegan hluta atkvæðaaukningar þess flokks á þann reikning.
Deilt hefur verið nokkuð um réttmæti samfylkingar Alþýðuflokks og
Framsóknar í kosningunum og mun það mál koma til kasta Alþingis
þegar er það kemur saman í byrjun októbermánaðar.
k ....... ./
DAGRENNING 29