Morgunblaðið - 09.01.2015, Qupperneq 21

AFP
Samhygð Kerti, pennar og blóm voru lögð á Lýðveldistorgið í París í gær
til að minnast þeirra sem létu lífið í árás hryðjuverkamanna í fyrradag.
SVIÐSLJÓS
Ágúst Ásgeirsson
skrifar frá Frakklandi
Francois Hollande, forseti Frakk-
lands, lýsti gærdaginn dag þjóðar-
sorgar en það hefur aðeins verið gert
fimm sinnum á hálfri öld í landinu.
Hann sagði að ekkert myndi sundra
Frökkum; þjóðareining væri „besta
vopnið í baráttunni gegn villi-
mennsku“. Einingin brást þó strax í
gær er flokkur forsetans, Sósíalista-
flokkurinn, lagðist síðdegis gegn þátt-
töku Þjóðfylkingarinnar í mikilli ein-
ingar- og samstöðugöngu sem
ráðgerð er í París á sunnudaginn
kemur. Allir helstu flokkar aðrir hafa
ákveðið þátttöku en jafnframt gagn-
rýnt sósíalista fyrir að spilla eining-
unni með því að útiloka Þjóðfylk-
inguna.
Spurt var í gær hvernig bregðast
skyldi við árásinni á ritstjórnarskrif-
stofur Charlie Hebdo. Og hvaða af-
leiðingar hún hefði líklega á frönsk
stjórnmál. Hollande forseti og forveri
hans, Nicolas Sarkozy, leiðtogi UMP-
flokksins, vöruðu við því að tengja
múslíma sem lifðu friðsömu lífi í
Frakklandi við hryðjuverkið. Helst
hefur verið talið að voðaverkið gæti
orðið vatn á myllu hægriöfgamanna.
Kom því ekki á óvart að Marine Le
Pen, leiðtogi Þjóðfylkingarinnar,
skyldi lýsa því yfir, að tími væri kom-
inn til að hætta hræsni í málefnum
innflytjenda og segja strangtrúaröfl-
unum stríð á hendur. Á þessu stigi er
hins vegar ósvarað þeirri spurningu
hvort útskúfun flokks hennar úr ein-
ingargöngunni eigi eftir að verða hon-
um aðeins til framdráttar.
Óvinurinn er hryðjuverka-
starfsemi – ekki íslam
Tugþúsundir manna streymdu út á
götur og torg borga og bæja í gær-
kvöldi – rétt eins og í fyrrakvöld – til
að lýsa andúð sinni á hryðjuverka-
árásinni. Margir sýndu samstöðu með
fórnarlömbunum með því að bera
spjald með hvítum stöfum á svörtum
grunni með áletruninni „Je suis Char-
lie“ eða „Ég er Charlie“.
Franskir fjölmiðlar lýstu allir sem
einn viðbjóði sínum á morðárásinni og
buðu hermdarverkaöflum byrginn.
Íhaldsblaðið Le Figaro ræddi um
„raunverulegt stríð, ekki af hálfu her-
manna heldur svartklæddra morð-
ingja, hverra yfirvegaða villimennska
fyllir fólk óhug“. Blaðið biður lesend-
ur að falla ekki í þá gryfju að halda
árásina beinast gegn Frakklandi einu
og sér. Öllu heldur sé skotmarkið sú
menning þar sem konur njóta réttar
til jafns við karla, skoðanafrelsi er
óumdeilt og tjáningarfrelsi afdráttar-
laust.
Vinstriblaðið Liberation segir að
svarið við árásinni sé að láta árásar-
mennina sæta afleiðingum gjörða
sinna fyrir frönskum dómstólum.
„Allir lýðveldissinnar munu átta sig á
að óvinurinn er hryðjuverkastarf-
semi, ekki íslam, og sjá, að landar
þeirra múhameðstrúar eru fyrstu
fórnarlömb bókstafstrúarinnar sem
býr þarna að baki.“
Í leiðara í blaðinu Le Parisien seg-
ir: „okkar eina vopn gegn villi-
mennsku er að endurtaka klippt og
skorið að við munum engum leyfa að
ráða frelsi okkar og lífsgildi af dög-
um.“
Eftirlifandi starfsmenn Charlie
Hebdo hétu því í gær að útgáfu blaðs-
ins yrði haldið áfram. Næsta tölublað,
miðvikudaginn 14. janúar, yrði prent-
að í milljón eintökum, eða ríflega tí-
falt stærra upplagi en alla jafna. „Við
þjáumst öll, glímum við sorg, við ótta
en við munum gefa blaðið út því
heimskan mun ekki ná yfirhöndinni,“
sagði talsmaður starfsmanna eftir
fund þeirra í gærmorgun.
Eining besta vopnið gegn villimennsku
 Forseti Frakklands lýsir yfir þjóðarsorg vegna hryðjuverksins og segir ekkert sundra Frökkum
 Sósíalistar leggjast gegn þátttöku Þjóðfylkingarinnar í samstöðugöngu á sunnudaginn kemur
FRÉTTIR 21Erlent
MORGUNBLAÐIÐ FÖSTUDAGUR 9. JANÚAR 2015
Áþreifanleg vellíðan EDDA
HEILDVERSLUN
Stofnsett 1932
Höfðabakka 9, 110 Reykjavík • Sími: 525 8210
eddaehf@eddaehf.is • www.eddaehf.is
82
ÁRA
EDDA Heildverslun
Draumur um góða nótt
Heildverslun með lín fyrir:
• hótelið
• gistiheimilið
• bændagistinguna
• veitingasalinn
• heilsulindina
• hjúkrunarheimilið
• þvottahúsið
• sérverslunina
Gæði og glæsileiki
Heildverslunin Edda hefur um áratuga
skeið sérhæft sig sem innflytjandi á líni.
Mörg af stærstu hótelum landsins jafnt
sem minni nota allt lín frá okkur.
Bjóðum einnig upp á lífrænt lín.
Davíð Már Stefánsson
davidmar@mbl.is
„Þetta er ákveðið próf sem vestræn
samfélög, og Frakkland sérstaklega,
standa frammi fyrir; hvernig sam-
félög þau vilja hafa og hvernig
bregðast skuli við atburðum sem
þessum,“ segir Magnús Þorkell
Bernharðsson, prófessor í sögu Mið-
Austurlanda við Williams College í
Bandaríkjunum, en ýmis voðaverk
hafa verið unnið á moskum í Frakk-
landi í kjölfar árásanna á blaðið
Charlie Hebdo í París á miðvikudag-
inn.
Bræðurnir vel þjálfaðir
„Í þessu samhengi mega Frakkar
taka Norðmenn sér til fyrirmyndar,
hvernig þeir brugðust við þegar
Breivik réðst út í Útey. Þá voru
kerfið og lögin notuð til að fara eftir
morðingjanum og dæma hann eftir
norskum lögum. Frakkland er vagga
upplýsingarstefnunnar, frönsku
byltingarinnar og lýðveldis, vita-
skuld eiga Frakkar að sýna fordæmi
hvernig þeir bregðast við þessu,“
segir hann.
„Hvort þetta mun setja einhverjar
skorður á mál- og tjáningarfrelsi
fjölmiðla er erfitt að segja. Ef svo
verður þá hafa þessir hryðjuverka-
menn þó unnið ákveðinn sigur,“ seg-
ir hann ennfremur.
„Þessir bræður eru greinilega vel
þjálfaðir og hafa fengið sína þjálfun
einhverstaðar. Ef þeir tilheyra sam-
tökum sem eru að þjálfa fólk til að
gera svona árásir, og stefna lífi al-
mennra borgara í hættu, þá á vita-
skuld að banna þau samtök og út-
rýma þeim,“ segir Magnús að
lokum.
AFP
Árásinni mótmælt Frakki heldur á
blýanti til stuðnings ritfrelsinu.
Er prófsteinn
vestrænna þjóða
 Segir Norðmenn góða fyrirmynd