Morgunblaðið - 09.01.2015, Síða 38

38 MENNING
MORGUNBLAÐIÐ FÖSTUDAGUR 9. JANÚAR 2015
Silja Björk Huldudóttir
silja@mbl.is
„Ég var búinn að ganga lengi með
þessa hugmynd í maganum, enda
nokkrir áratugir síðan konan mín
gaf mér Passíusálmana sem ég
heillaðist þegar í stað af,“ segir
tónskáldið og barítónsöngvarinn
Michael Jón Clarke, sem nýverið
sendi frá sér diskinnn Passíu-
sálmar þar sem hann hefur samið
tónlist við tólf valda Passíusálma
Hallgríms Péturssonar fyrir barí-
tón og kirkjuorgel. Michael Jón
syngur eigin tónsmíðar á diskinum,
en um orgelleik sér Eyþór Ingi
Jónsson. Lögin voru frumflutt í
heild sinni á tónleikum í Akur-
eyrarkirkju á föstunni 2013 og end-
urtekin á sama stað ári síðar og
síðan flutt í Hallgrímskirkju í októ-
ber sl. á Hallgrímshátíð þegar þess
var minnst að 400 ár voru liðin frá
fæðingu hans.
„Þó ég sé orðinn 65 ára gamall
er þetta fyrsti diskurinn minn. Ég
hef bara verið upptekinn af öðru og
ekki haft mig í það að gefa út disk
áður. En það er afskaplega
ánægjulegt að hann sé nú kominn
út,“ segir Michael Jón og viður-
kennir fúslega að góðar viðtökur
við frumflutning verksins hafi verið
sér ómæld hvatning. „Auk þess
hefur fjölskyldan mín og vinir hvatt
mig áfram. Allir sem komið hafa að
útgáfunni hafa verið mjög fórn-
fúsir,“ segir Michael Jón og nefnir
í því samhengi m.a. Eyþór Inga
organista, Håkon Ekman tónmeist-
ara og upptökustjóra, Ólöfu Björgu
Björnsdóttur sem vann myndefni
fyrir diskinn og Móu Hjartardóttur
sem sá um hönnun umbrots.
„Passíusálmarnir eru fyrsta
stóra verkið af þremur sem ég hef
samið að undanförnu fyrir kirkju-
orgel. Í framhaldinu samdi ég fjög-
ur stutt orgelverk byggð á Biblíu-
textum að beiðni Láru Bryndísar
Eggertsdóttur sem hún frumflutti í
Hallgrímskirkju og ég hef nýlokið
við að semja tónlistina við sögu
Guðnýjar Einarsdóttur sem ætluð
er börnum til að kynna þeim org-
elhúsið. Segja má að þarna komi
orgelið út úr skápnum,“ segir
Michael Jón, en síðastnefnda verk-
ið verður frumflutt á Kirkjulista-
viku á Akureyri í apríl nk. þar sem
Guðjón Davíð Karlsson verður
sögumaður, en ætlunin er að bjóða
skólakrökkum á flutninginn.
Spurður hvort tónskáldið Mich-
ael Jón hafi gert miklar kröfur til
söngvarans Michaels Jóns í Passíu-
sálmunum svarar hann því játandi.
„Vissulega samdi ég verkið með
mína rödd í huga, en gerði jafn-
framt mjög miklar kröfur. Ef eitt-
hvert annað tónskáld hefði samið
þessi lög fyrir mig þá hefði hann
fengið skammir frá mér,“ segir
Michael Jón kíminn og bendir á að
sönglögin geri kröfu um mikla
breidd í bæði styrkleikabreytingum
og raddsviði sem kallist á við til-
finningabreiddina í textanum sjálf-
um.
„Úr Passíusálmunum fimmtíu
valdi ég sérstaklega úr þá kafla
sem fjalla um sársauka, pyntingar,
svik og ekki síst fórnfýsi,“ segir
Michael Jón, en lagaflokkur hans
hefst á fyrsta Passíusálmi og lýkur
á þeim síðasta. „Þó ég sé ekki trú-
aður sjálfur er ég mjög heillaður af
tilfinningunum sem birtast í
Passíusálmunum,“ segir Michael
Jón.
Þess má að lokum geta að Mich-
ael Jón mun flytja lögin á tvennum
tónleikum í Noregi í næsta mánuði.
„Heillaður af
tilfinningunum“
Morgunblaðið/Skapti Hallgrímsson
Kröfuharður „Ef eitthvert annað tónskáld hefði samið þessi lög fyrir mig þá hefði hann fengið skammir frá mér.“
 Fyrsti diskur Michaels Jóns Clarke
Sýningar á Öldinni okkar hefjast í
Borgarleikhúsinu í kvöld kl. 20. Höf-
undar og flytjendur eru félagarnir
Eiríkur Stephensen og Hjörleifur
Hjartarson í hljómsveitinni Hundur í
óskilum, en leikstjóri sýningarinnar
er Ágústa Skúladóttir. Sýningin var
frumsýnd á Akureyri í október sl.
„Öldin okkar er á ákveðinn hátt
framhald á Sögu þjóðar sem sýnt
var 80 sinnum fyrir fullu húsi á Ak-
ureyri og í Borgarleikhúsinu 2012-
2013,“ segir í tilkynningu, en Saga
þjóðar var sýnd í Ríkissjónvarpinu á
nýársdag. „Þar fóru þeir félagar á
hundavaði í gegnum Íslandssöguna
en skildu þó eftir smábút frá alda-
mótum 2000 fram á okkar dag. Í
Öldinni okkar ljúka þeir loks verk-
inu.“
Ljósmynd/Auðunn Níelsson
Óborganlegir Eiríkur Stephensen og
Hjörleifur Hjartarson í Hundi í óskilum.
Öldin okkar sýnd í
Borgarleikhúsinu
Tilkynnt var í gær hvaða tólf lög
keppa í Söngvakeppninni 2015 í Rík-
issjónvarpinu en 258 lög bárust í
keppnina. Aðstandendur hennar
segja lagavalið afar fjölbreytt og þá
koma við sögu margir keppendur og
flytjendur sem ekki hafa reynslu af
þátttöku í Söngvakeppninni.
Þess má geta að yngsti lagahöf-
undurinn og flytjandinn, Elín Sif
Halldórsdóttir, er aðeins 16 ára.
Kynnar keppninnar verða þær
Ragnhildur Steinunn Jónsdóttir,
Guðrún Dís Emilsdóttir og Salka Sól
Eyfeld. Tvær undankeppnir fara
fram í beinni útsendingu frá Há-
skólabíói 31. janúar og 7. febrúar,
þar sem sex lög keppa hvort kvöld.
Úrslitin fara fram viku síðar, 14.
febrúar, einnig í beinni útsendingu
frá Háskólabíói. Vinningslagið verð-
ur framlag Íslands í Söngvakeppni
evrópskra sjónvarpsstöðva sem
haldin verður í Austurríki í maí.
 Regína Ósk flytur „Aldrei of
seint“ eftir Maríu Björk Sverris-
dóttur, Marcus Frenell og Söruh
Reede við texta Maríu Bjarkar og
Regínu.
 Stefanía Svavarsdóttir flytur „Ást
eitt augnablik“ eftir Svein Rúnar
Sigurðsson. Stefanía keppti áður ár-
ið 2013 ásamt Jógvan Hansen.
 Bjarni Lárus Hall, söngvari Jeff
Who, tekur í fyrsta skipti þátt í
Söngvakeppninni og syngur „Brotið
gler“ eftir Bjarna og Axel Árnason.
 Hópurinn Sunday flytur „Fjaðrir“
eftir Hildi Kristínu Stefánsdóttur og
Guðfinn Sveinsson.
 Daníel Óliver, sem býr í Svíþjóð,
kemur fram með tveimur sænskum
söngkonum og dönsurum undir heit-
inu Cadem og flytja þau „Fyrir alla“,
lagið eftir þá Jimmy Åkerfors við
texta Daníels og Einars Ágústs Víð-
issonar.
 Fyrrnefnd Elín Sif, sem er 16 ára,
flytur eigið lag, „Í kvöld“. Hún er á
fyrsta ári í MH og að stíga fyrstu
skrefin í tónsmíðum.
 Friðrik Dór tekur þátt í Söngva-
keppninni í fyrsta skipti og syngur
„Í síðasta skipti“, lag eftir félagana
sem kalla sig Stop Wait Go: Pálma
Ragnar Ásgeirsson, Ásgeir Orra Ás-
geirsson og Sæþór Kristjánsson.
Þeir eiga einnig textann ásamt Frið-
riki Dór.
 Stop Wait Go eiga einnig lagið
„Lítil skref“ sem María Ólafsdóttir
flytur. Hún hefur tekið þátt í söng-
leikjum og söngskemmtunum.
 Haukur Heiðar Hauksson í Diktu
flytur lag Karls Olgeirssonar við
texta þeirra beggja, „Milljón augna-
blik“. Karl átti lagið sem lenti í öðru
sæti í síðustu keppni.
 Erna Hrönn Ólafsdóttir syngur
„Myrkrið hljótt“, lag Arnars Ást-
ráðssonar við texta hennar.
 Björn Jörundur Friðbjörnsson
tekur þátt í keppninni í fyrsta skipti
og syngur lagið „Piltur og stúlka“
eftir Björn Þór Sigbjörnsson, Tómas
Hermannsson og sig sjálfan.
 Loks flytur hópurinn Hinemoa
„Þú leitar líka að mér“, lag eftir Ástu
Björgu Björgvinsdóttur við texta
Bergrúnar Írisar Sævarsdóttur.
Höfundarnir áttu lagið sem Greta
Mjöll flutti í keppninni í fyrra.
Þátttakendur misreyndir í keppni
 Lögin sem keppa í Söngvakeppninni
kynnt í gær  Fjölbreytilegt úrval laga
Morgunblaðið/Þórður
Keppni Hluti höfunda og keppenda var viðstaddur kynningu á lögunum.
Ó
lö
f
B
jö
rg
STOFNAÐ1987
einstakt
eitthvað alveg
Ó
Ú r v a l e i n s t a k r a m á l v e r k a o g l i s t m u n a e f t i r í s l e n s k a l i s t a m e n n Sk i pho l t 50a | S ím i 581 4020 | www.ga l l e r i l i s t . i s