Morgunblaðið - Sunnudagur - 11.01.2015, Qupperneq 41

11.1. 2015 MORGUNBLAÐIÐ SUNNUDAGUR 41
Á
þessum árstíma keppast
landsmenn um að verða
nú loksins, í eitt skipti
fyrir öll, besta útgáfan af sjálf-
um sér. Hinar árlegu heit-
strengingar eru í forgrunni,
allavega svona fyrstu vikurnar í
janúar og mögulega fram í febr-
úar – ef fólk er óvenjumikið í
ljósinu.
Auðvitað er mamma ekkert
öðruvísi en hinir nema hvað hún
ákvað að taka nýja árið með
óvenjumiklu trompi í ár og
vinna dálítið með konseptið
„mjúkir mömmufætur“ ofan á
allt hitt.
Hún hoppaði því hæð sína
þegar hún hnaut um fyrirbæri
sem kallast „Baby Foot“ í flug-
stöð nokkurri þegar hún var á
leið í örlítið jólafrí með sínum
heittelskaða. Fyrirbærinu hafði
mamma kynnst stuttu áður í
heimsókn hjá bæjarstjóra nokkrum. Eftir að hafa séð með eigin augum
hvernig fætur bæjarstjórans hreinlega skiptu um ham og urðu eins og á
ungbarni varð hún auðvitað að prófa sjálf.
Þegar pakkningin af „Baby Foot“ blasti við þarna innan um fóta-
skrúbba, munnskol og hælsærisplástra hrifsaði mamma tvo pakka af
þessu undrastöffi úr hillunni án umhugsunar.
Þegar mamma lenti loksins í Las Vegas var hún alveg friðlaus þangað
til hún var komin í plastsokkana og búin að teipa þá fasta um ökklana á
sér. Í verkefnið þurfti að leggja mikinn metnað því ekki er hægt að gera
neitt annað en að slaka á meðan á þessum gjörningi stóð (fyrir andlega
fjarverandi nútímakonur er það djöflinum erfiðara). Í plastsokkunum
er undrablanda af 17 náttúrulegum innihaldsefnum sem ráðast á
dauðar húðflögur.
Þegar fæturnir voru búnir að veltast um í þessari fótaskrúbbs-
marineringu í klukkutíma hófst biðin langa …
Það sem eftir lifði ferðar var gert daglegt tékk á fótunum eins og fólk
gerir og þegar ekkert hafði gerst í fimm daga var orðin dálítið vond
stemning hjá litla ferðafélaginu. Mamma var sökuð um að vera ginn-
keypt fyrir töfralausnum sem virkuðu ekki og upphófust töluverðar um-
ræður um hvað kvenpeningurinn væri slyngur í að láta féfletta sig um
hábjartan dag. Í þessum umræðum benti mamma á að utan á pakk-
anum stæði að „Baby Foot“ hefði verið á markaði í 15 ár og væri mest
selda fótaumhirðuvaran í Japan. Því miður talaði mamma fyrir daufum
eyrum …
Guði sé lof fór skinnið að taka örlitlum breytingum á degi sex og á
degi sjö fór mamma að verða vongóð um að hún yrði ekki stimpluð sem
alger fáviti að hafa eytt rúmlega 5.000 krónum í einnota plastsokka. Ár-
ið 2015 er nefnilega sparnaðarárið mikla þar sem fjármunum verður
ekki sóað í óþarfa og alls ekki í gerviþarfir.
Því skal haldið til haga að dagur átta var sérlega góður því þá voru
þessi 17 innihaldsefni aldeilis farin að láta töframátt sinn í ljós og á degi
níu dró til svo mikilla tíðinda að mamma var að hugsa um að fara sjálf
niður í lobbý á hótelinu og fá lánaða ryksugu svo hún yrði ekki fordæmd
af bandarískum herbergisþernum sem mesti sóði sem fæðst hefði í
þennan heim …
Eftir þetta lagaðist stemningin heilmikið hjá ferðafélaginu og eftir að
heim var komið var mömmu tilkynnt að þetta „plastpokadæmi“ hefði nú
eiginlega virkað dálítið vel – gott ef það þyrfti ekki bara að fjárfesta í
nýjum skammti á næstu vikum …
Gleðilegt ár! martamaria@mbl.is
Dauðar húðfrumur geta jafnvel farið af í heilu lagi.
„Mjúkir mömmu-
fætur“ 2015
Plastpokinn teipaður við fótinn og svo
þurfti að slaka á í klukkutíma.
SPORT
MARKAÐUR
OPIÐ: MÁN. - FÖS. KL. 12 - 18 - LAU. KL. 12-16
ALLT AÐ
80% AFSLÁTTUR!
SPORTÍS
MÖRKIN 6 108 REYKJAVÍK S:520-1000 SPORTIS.IS
FLOTT ÚRVAL OG FLOTT VERÐ!
KOMDU ÞÉR Í GÍRINN
Sportswool
30%-50%
afsláttur
Laugavegi 25, 101 Reykjavík. Sími 552-7499
Hafnarstræti 99-101, 600 Akureyri. Sími 461-3006
Útsalan hefst á
mánudag
Fleiri frábær tilboð!
Prinsa og
prinsessuull
30% afsláttur
www.ullarkistan.is