Morgunblaðið - Sunnudagur - 01.02.2015, Blaðsíða 15
1 Björk í Biophiliuham.
2 Björk lauk eins og hálfs árs tónleikaferð með
tónleikum í Langholtskirkju 2008 sem Morg-
unblaðið sagði bestu tónleika ársins.
3 „Ætlum við að borga fyrir Ice-
save-skuldir útrásarvíkinganna með
náttúru okkar?“ spurði Björk á blaða-
mannafundi í Norræna húsinu 2010.
4 Björk kom fram á tónleikum á
NASA við Austurvöll til stuðn-
ings samtökum átrösk-
unarsjúklinga á Íslandi í apríl
2007. Viku síðar kom hún
fram á tónleikum í Hammers-
mith Odeon í London og skrifaði Árni
Matthíasson í Morgunblaðið að hún
hefði aldrei verið betri.
5 Sykurmolarnir komu saman á ný og
héldu tónleika í Laugardalshöll 2006.
Björk hefur kallað Vulnicura „ástarsorgarplötuna“ sína á fé-
lagsvefnum Facebook. Þar skrifar hún að platan sé eins og til-
finningalegur tímaás: „Þrjú lög fyrir sambandsslitin og þrjú
eftir. Þannig að mannfræðingurinn í mér laumaði sér að og ég
ákvað að deila þeim þannig. Fyrst hafði ég áhyggjur af að það
yrði of sjálfhverft, en síðan fannst mér að það myndi gera
[tónlistina] enn meira alhliða. Og vonandi gætu lögin orðið til
að hjálpa, hækja fyrir aðra og sýnt hvað þetta er lífrænt ferli:
sárið og lækning sársins. Sálarlega og líkamlega. Það tengist
þessu þrjósk klukka.“
Gagnrýnendur segja margir að Vulnicura sé besta plata
Bjarkar í áratug, jafnvel á þessari öld. Í fjögurra stjörnu dómi
tímaritsins Rolling Stone segir að hverjar sem ræturnar séu
„geti þetta verið átakanlegasta tónlist sem hún hefur nokkurn
tímann gert“. Gagnrýnendurnir Andreas Baiolakis á vefnum
Liveinlimbo og Arnar Eggert Thoroddsen í umsögn í Morg-
unblaðinu líkja Vulnicura við Blue, plötu Joni Mitchell, sem
Björk hefur margsinnis lýst dálæti sínu á í viðtölum. John Pare-
les, gagnrýnandi The New York Times, skrifar að jafnvel þegar
tónlistin sé hvað tyrfnust skapi lögin tilfinningalega nálægð:
„Áþreifanleiki raddar Bjarkar og strengjanna fær enn meiri
slagkraft við að vera teflt gegn ópersónulegum rafhljóðum og
verður það til þess að innra landslag ástarsorgar og lækningar
kemur enn betur fram – ekki einföld saga og betri fyrir vikið.“
1
Reuters
5
Morgunblaðið/ÞÖK
2
24Stundir/G.Rúnar
4 Morgunblaðið/Eggert Jóhannesson
3
Morgunblaðið/Árni Sæberg
1.2. 2015 MORGUNBLAÐIÐ SUNNUDAGUR 15
Movie Star hvíldarstóll
Verð frá 433.000,- stk
Skeifunni 8 | sími 588 0640 | casa.is