Morgunblaðið - Sunnudagur - 01.02.2015, Blaðsíða 36
Amazon stofnar tölvupóst
AFP
*Stærsti smásali heims á internetinu, Amazon, hef-ur tilkynnt að fyrirtækið sé við það að hleypa afstokkunum tölvupóstaþjónustu, líkt og Gmail hjáGoogle og Microsoft Outlook.Tölvupósturinn mun heita WorkMail og erhægt að nota þjónustuna í gegnum MicrosoftOutlook og nokkur önnur tölvupóstafyrirtæki.
Notandi borgar um fjóra dollara á mánuði fyrir
þjónustuna og er geymsluplássið 50 gígabæt.
Eftir því sem tækin í kringum okkur verða snjallari og tengdariminnkar þörfin fyrir borðtölvur og jafnvel líka fyrir fartölvur – tilhvers að hafa græjur fyrir hundruð þúsunda sem aðeins eru not-
aðar stutta stund á degi hverjum þegar maður getur haft allt í vas-
anum, nú eða í fisléttu apparati með snertiskjá. Það er líka ekki langt
síðan menn spáðu því að tími einkatölvunnar væri liðinn og í kjölfarið
myndi Windows-stýrikerfið frá Microsoft líða undir lok, enda keyra
snjalltækin á öðrum stýrikerfum. Microsoft Windows hefur þó enn yf-
irburði og meiri yfirburði en margan grunar; samkvæmt tölum frá í
október sl. er Windows með 91,53% markaðshlutdeild á borðtölvumark-
aði, en restinni skipta Mac OS X og Linux á milli sín, OS X-afbrigði
með 7,05% og Linux-afbrigði með 1,41%.
Víst eru þetta miklir og afgerandi yfirburðir, en þegar rýnt er í tölv-
urnar kemur sitthvað forvitnilegt í ljós, til að mynda
það hve Microsoft hefur gengið illa að fá við-
skiptavini sína til að færa sig úr Windows XP yf-
ir í nýrra stýrikerfi, þó XP sé loks komið undir
20% markaðshlutdeild
(17,18%), og eins hve fá-
ir hafa tekið upp Wind-
ows 8 eða 8.1, ekki nema
16,8%, eða færri en eru
enn að nota XP, sem
Microsoft styður ekki
lengur.
Það er þó engan bilbug
að finna á Microsoft-
mönnum og væntanleg á
árinu er ný útgáfa, Wind-
ows 10, sem ætlað er að leysa allar eldri gerðir af
hólmi og ekki bara á borðtölvum, heldur verður sama
stýrikerfi keyrt á borðtölvum, spjaldtölvum og farsím-
um.
Frumgerð Windows 10 var aðgengileg áhugasömum á
síðasta ári og ég hef notað Windows 10 á vinnuvélinni
undanfarna mánuði, setti það upp 1. október sl. Í upphafi
var það brothætt og erfitt að tengjast sumum jað-
artækjum, en með nýjustu útgáfunni, gerð 9926, sem barst
í vikunni, er kerfið orðið býsna stöðugt, en rétt að geta þess að umtals-
verðar breytingar voru gerðar á notendaskilum í nýjustu gerðinni.
Windows 10 svipaði talsvert til Windows 8.1 í upphafi, sem mér fannst
reyndar mjög þægilegt, enda kann ég vel við þau notendaskil sem inn-
leidd voru með Windows 8, en ef marka má nýjustu gerð þess eru gerð-
ar umtalsverðar breytingar á skilunum, sumpart eru þau færð nær því
sem tíðkaðist í Windows 7, en sumpart eru þau færð í átt að því sem
fellur betur að snertiskjá, spjaldtölvum og snjallsímum.
Eitt af því sem vakti athygli mína á viðkomandi kynningu er að fram-
vegis verður Windows uppfært jafnharðan, en ekki með stórum stökkum
eins og frá 7 í 8, 8 í 8,1 og 8.1 í 10 – frá því maður hefur sett Windows
10 upp uppfærist það sjálfkrafa á áþekkan hátt og til að mynda
Chrome-vafrinn, eða Android-stýrikerfið – tölvan sækir nýjustu upp-
færslu og býður manni síðan upp á að endurræsa til að setja þær inn
eða setur uppfærsluna inn sjálfkrafa í skjóli nætur ef viðkomandi tölva
er stillt svo. Uppfærslan í 10 verður ókeypis fyrir þá sem eru með
Windows 7, 8 eða 8.1 – en aðeins í eitt ár frá því nýja útgáfan kemur á
markað.
Annað sem vakti athygli mína er að Cortana-leitarþjónustan verður
innbyggð í Windows 10. Cortana sá ég fyrst í Windows 8.1 fyrir far-
síma, en þar var hægt að komast í betaútgáfu af Cortana með því að
breyta landsstillingum í símanum. Þjónustan, sem dregur nafn sitt af
samnefndri fígúru í tölvuleik, fylgir með Windows 10 og birtist meðal
annars í leitarreit sem birtist sjálfkrafa við hlið Start-hnappsins, sem
sneri aftur í Windows 8.1. Það er reyndar ekki hægt að skoða Cortana
nema með því að breyta landsstillingum svipað og á símanum, enda er
þjónustan bundin við Bandaríkin sem stendur.
Nýr vafri er líka í vændum, kallast Spartan sem stendur, en hann
byggist á nýjum grunni og á að vera hraðvirkari og öruggari en Int-
ernet Explorer með sínum milljón göllum, en einnig mun sveigjanlegri
og nýtast meðal annars betur á snertiskjá. Hægt er að prufukeyra
grunnþætti hans í Internet Explorer 11 í 9926-gerð Windows 10 með því
að skrifa about:flags í slóðaglugga og virkja síðan „Experimental Web
Platform Features“.
BYLTINGARKENND ÚTGÁFA AF WINDOWS
Í LJÓSI ÞESS AÐ RÍFLEGA 90% BORÐTÖLVA NOTA EITT-
HVERT AFBRIGÐI AF MICROSOFT WINDOWS ER FRÉTT-
NÆMT AÐ NÝ ÚTGÁFA SÉ Í VÆNDUM Á ÁRINU. ÞEIR SEM
PRUFUKEYRA KOMAST FLJÓTT Á SNOÐIR UM ÞAÐ AÐ
NÝJA ÚTGÁFAN ER BYLTINGARKENND UM MARGT.
* Notendaskil eru talsvert breyttí Windows 10 til að upplifunin verði
eins sama á hvaða apparati maður
notar stýrikerfið, en einna helst má
lýsa því sem blöndu af Windows 7
og Windows 8.1, þó ekki séu öll
kurl komin til grafar; það getur
margt breyst á næstu mánuðum.
Græjan
ÁRNI
MATTHÍASSON
Þegar smellt er á Start-hnapp
birtist þessi bræðingsgluggi.
Ýmis smáforrit eins og reikni-
vél breytast í það sem Micro-
soft kallar „nútímaforrit“.
* Uppfærsla í Windows 10úr Windows 7, 8 og 8.1 verð-
ur ókeypis í ár eftir að Wind-
ows 10 kemur á markað og
svo þarf maður aldrei að upp-
færa aftur – uppfærslur á
stýrikerfinu verða jafnóðum
og nýjar hugmyndir kvikna.
* Meðal nýjunga verður nýr vafrisem leysa mun Internet Explorer af
hólmi. Enn sem komið er kallast
hann Spartan og er mun hraðvirkari
en fyrirrennarinn, enda byggist hann
á nýrri tækni og endurbættri og þarf
ekki að dragnast með gamla kóðann
sem hrjáir Internet Explorer.
Það sem kallaðist „Charms“ í 8
og 8.1 er horfið og í stað þess
koma einfaldlega stillingar.
Græjur
og tækni
Eins og getið er hér fyrir ofan er draumur Microsoft-manna að hafa
eitt og sama stýrikerfið á öllum tækjum; borð- og fartölvum, snjall-
símum, spjaldtölvum og leikjatölvum. Fyrirtækið hefur þegar stigið
skref í þá átt eins og þeir vita sem eru með Lumia-síma, því þeir
keyra Windows 8 eða 8.1, sem var byltingarkennd útgáfa á sínum
tíma, skaut Lumia-símum í fremstu röð farsíma.
Ekki má svo gleyma Xbox-leikjatölvunum sem keyra munu
Windows 10, þó viðmótið muni eðlilega laga sig að tækinu og því
hvernig það er notað. Þá verður líka kynnt nýtt Xbox-forrit sem
keyrir undir Windows 10 og þá líka á farsímum og eins verður auð-
veldara fyrir leikjasmiði að setja saman leiki sem keyra á borð-
tölvum, í spjaldtölvum, síma eða Xbox. (Þess má geta að Microsoft
vinnur að því að gera kleift að keyra Xbox One leiki í vafraglugga
sem opnar hugsanlega fyrir það að hægt verði að keyra Xbox 360
leiki á Xbox One.)
EITT FYRIR ALLA
Windows í síma
og Xbox
Windows 10 á farsíma.