Morgunblaðið - Sunnudagur - 01.02.2015, Blaðsíða 54
54 MORGUNBLAÐIÐ SUNNUDAGUR 1.2. 2015
Menning
Bubbi Morthens og Dimmahalda tónleika saman í Eld-borg Hörpu 6. og 7. mars nk.
kl. 20 og flytja á þeim lög af plötum
Utangarðsmanna og Das Kapital,
Geislavirkir og Lili Marlene. 12. og
13. mars verða svo tónleikar á gjör-
ólíkum tónleikastað, Græna hatt-
inum á Akureyri. Eins og allir
rokkunnendur vita fór Bubbi fyrir
Utangarðsmönnum og Das Kapital
og kom fyrrnefnda platan út árið
1980 og sú síðarnefnda fjórum árum
síðar, hvort tveggja öndvegisplötur í
íslenskri rokksögu.
„Ég hafði heyrt Dimmu spila,
þeir eru mjög melódískir og þá fór
ég að spekúlera hvort hægt væri að
finna einhvern nýjan flöt á þessu
rokkstöffi mínu, Geislavirkum og
Das Kapital. Ég leyfði þessu aðeins
að gerjast og sá svo að þetta var
frábær hugmynd. Ég hafði sam-
band við Dimmu-strákana og þá
kom í ljós að þeir voru allir aðdá-
endur þessa efnis og voru rosalega
glaðir og spenntir, sögðu já og að
þeir væru tilbúnir,“ segir Bubbi,
spurður að því hvernig þetta sam-
starf hans við Dimmu hafi komið til.
Hann segir engar breytingar gerðar
á melódíum laganna en þau fái hins
vegar Dimmu-hljóminn. „Þetta er
eins og demantur, það eru margir
fletir á honum og þeir kasta sínu
ljósbroti á lögin þannig að þau öðl-
ast nýtt líf. Þetta er lygilegur kraft-
ur og um leið Dimmu-sánd,“ segir
Bubbi og vísar því til dæmis á upp-
töku á Facebook-síðu Dimmu af
honum og hljómsveitinni að flytja
„Poppstjörnuna“ af Geislavirkum á
tónleikunum Xmas í desember sl.
„Þegar við byrjum að vinna þessi
lög gerist eitthvað sem er al-
gjörlega óútskýranlegt, fyrir mig er
þetta eins og að komast í dótabúð,“
segir Bubbi. Dimma hafi sína sýn á
tónlistina og komi með sínar
áherslur. „Þeir spila þetta eftir
sinni formúlu og það má eiginlega
segja að þetta stöff sé allt komið á
stera,“ segir Bubbi.
– Nú eru 35 ár frá því Geislavirk-
ir kom út og 31 frá því Lili Marlene
kom út. Hvernig finnst þér plöt-
urnar hafa elst?
„Þær eru óhugnanlega réttar,“
segir Bubbi og á þar við lagatext-
ana. „Þetta er allt þarna ennþá.
Kjarnorkuógnin er enn til staðar í
annarri mynd, ógnin sem ég syng
um í „Hiroshima“. Stríðið fyrir
botni Miðjarðarhafs er ennþá. Ef
þú ferð í Lili Marlene þá hefði
„Launaþrællinn“ getað verið saminn
í morgun, „Krónan var króna í einn
dag“ ... ég varð eiginlega alveg gap-
andi. Það er eins og tíminn hafi
ekkert liðið, að þetta hafi verið sam-
ið í gær.“
– Textarnir eiga s.s. jafn vel við
núna og þá?
„Já og ef eitthvað er þá eiga
sumir betur við núna,“ segir Bubbi.
– Þú varst rokkstjarna á þrítugs-
aldri í leðurbuxum á þessum tíma.
Áttu ennþá leðurbuxurnar?
„Nei, en ég myndi passa í þær.
Ég er í sama númeri, gallabuxum
31. Buxurnar hafa verið 30 eða 31,“
segir Bubbi og hlær.
Þyngra
„Það er hrikalega gaman,“ segir
Ingó Geirdal, gítarleikari Dimmu,
spurður að því hvernig sé að vinna
með Bubba en auk hans eru í
hljómsveitinni Stefán Jakobsson,
söngvari og gítarleikari, Birgir
Jónsson trommuleikari og Silli Geir-
dal bassaleikari. „Hann leggur
mikla áherslu á að við „Dimmum“
þetta, að við séum ekkert að fara að
spila lögin eins og þau eru á plöt-
unum. Við gerum þetta á okkar
hátt og erum að breyta sumum út-
setningum, bæta inn köflum, það er
búið að lengja gítarsólóin og þetta
er þyngra,“ segir Ingó. Sum lag-
anna sem verða á efnisskránni hafi
Bubbi ekki sungið í 30 ár sem geri
tónleikana þeim mun meira spenn-
andi.
„Það sem er svo skemmtilegt við
þetta er að fyrsta íslenska rokk-
hljómsveitin sem við Silli, bræð-
urnir, heyrðum í var Utangarðs-
menn sem við sáum í sjónvarpinu.
Þetta var fyrsta hættulega hljóm-
sveitin sem ég sá. Menn voru berir
að ofan í leðurdressi og mikill æs-
ingur á sviðinu. Svo fórum við
bræðurnir á Lækjartorg 1982, þá
var Ego að spila eina af sínum
fyrstu tónleikum sem voru mynd-
aðir fyrir Rokk í Reykjavík og það
voru fyrstu rokktónleikarnir sem
við sáum,“ segir Ingó. Tónleikarnir
hafi haft gríðarleg áhrif á þá bræð-
urna.
Stefán kemur á óvart
– Þið kunnið væntanlega öll þessi
lög utan að?
„Mjög mikið, það hefur ekki tekið
okkur neinn tíma að pikka þetta
upp. Þetta kemur mjög fljótt hjá
okkur og við erum fljótir að setja
okkar inn í þetta. Þessi tónlist og
þessar plötur allar sem Bubbi var
að gera á þessum tíma, með Ut-
angarðsmönnum, Das Kapital og
Ego, eru okkur öllum mjög kærar.
Við höfum m.a. fengið Begga Mort-
hens til að spila með okkur á tón-
leikum, áður en við hófum samstarf
við Bubba. Þá vorum við að spila
lag eftir Ego, „Ráð til vinkonu“, á
Rokkjötnum í fyrra og Beggi var
gestagítarleikari. Það má líka taka
fram að við erum ekki bara undir
áhrifum frá þessari músík heldur
líka þessum hljóðfæraleikurum,“
segir Ingó.
Stefán, söngvari Dimmu, mun
syngja í nokkrum lögum á tónleik-
unum og þá væntanlega þeim sem
Mike Pollock söng með Utangarðs-
mönnum, að sögn Ingó, og radda
með Bubba. Þá mun hann leika á
ryþmagítar í öllum lögunum. „Hann
hefur komið á óvart sem virkilega
góður ryþmagítarleikari og það er
ekki slæm byrjun á ferlinum hjá
honum sem ryþmagítarleikari að
spila með Bubba í Hörpu,“ segir
Ingó að lokum og hlær.
Morgunblaðið/Árni Sæberg
BUBBI OG DIMMA FLYTJA LÖG AF GEISLAVIRKUM OG LILI MARLENE Í ELDBORG OG Á GRÆNA HATTINUM
„Eins og að komast í dótabúð“
„ÞAÐ MÁ EIGINLEGA SEGJA AÐ ÞETTA STÖFF SÉ ALLT KOMIÐ Á STERA,“ SEGIR BUBBI UM TÚLKUN DIMMU Á LÖGUM UTANGARÐSMANNA OG DAS
KAPITAL. SUM LAGANNA HEFUR BUBBI EKKI SUNGIÐ Í 30 ÁR SEM GERIR TÓNLEIKANA ÞEIM MUN MEIRA SPENNANDI, AÐ MATI INGÓS GEIRDAL.
Helgi Snær Sigurðsson helgisnaer@mbl.is
Ingó, Bubbi, Birgir og Silli tóku sér stutt hlé á æfingu og stilltu sér upp fyr-
ir ljósmyndara. Á myndina vantar Stefán sem komst ekki á æfinguna.
Bubbi og Dimma á æfingu fyrir tónleikana. Bubbi í
ógnarstuði, hæstánægður með tök Dimmu á lög-
um Utangarðsmanna og Das Kapital.
Bubbi er að vinna að plötu
sem mun heita 18 konur.
„Hún mun eingöngu fjalla um
konur,“ segir hann. „„18 kon-
ur“ er t.d. titill á lagi, það var
18 konum drekkt í Drekking-
arhyl, eitt lag fjallar um gamla
konu, eitt um unglingsstúlku
sem var hópnauðgað, eitt um
húsmóður ... ég fer vítt og
breitt,“ segir Bubbi, spurður
út í yrkisefni sín á plötunni.
NÆSTA PLATA BUBBA
18 konur