Morgunblaðið - Sunnudagur - 01.02.2015, Blaðsíða 52

Á makrílveiðum
52 MORGUNBLAÐIÐ SUNNUDAGUR 1.2. 2015
pína Evrópusambandið til að vera þolinmótt.“
Spurður hvort hann borði makríl svarar
Eyþór skipstjóri játandi. Það er þó tiltölulega
nýtilkomið. „Ég var nýkominn úr makríltúr
þegar frúin bauð mér út að borða – makríl.
Fyrst hristi ég bara höfuðið, var alveg búinn
að fá nóg af þeim ágæta fiski. En varð að
smakka og makríllinn er alveg rosalega góður.
Við eldum hann samt ekki um borð í Vigra.
Það væri eins og að borða peningana sína!“
Rússland mikilvægasti
markaðurinn
Ekki er nóg að veiða makrílinn, það þarf líka
að selja hann eins og aðrar sjávarafurðir.
Rússland hefur verið langmikilvægasti kaup-
andinn til þessa en einnig voru mikil viðskipti
við Úkraínu áður en skeggöld reis þar um
slóðir. „Við fundum strax fyrir því,“ segir
Hjörtur. „Tryggingar ruku upp úr öllu valdi
og allt sem fer til Úkraínu núna fer gegnum
samvinnu við rússnesk fyrirtæki. Maður þarf
að standa nærri þeim markaði til að geta
stundað þau viðskipti.“
Fall rúblunnar á liðnum mánuðum hefur að
vonum komið illa við íslenska fiskútflytjendur
og Hjörtur viðurkennir að óvissa ríki um
framhaldið. „Það verður makrílmarkaður í
Rússlandi, ég hef enga trú á öðru, en finna
þarf rétta verðið svo allir geti vel við unað,“
segir Hjörtur en bætir við að menn séu þegar
byrjaðir að leita að nýjum mörkuðum. Hann
nefnir Afríku sérstaklega í því sambandi, ekki
síst Nígeríu, en þar mun vera kunnur mark-
aður fyrir makríl.
Kallar eftir hagræðingu
Að sögn Hjartar eru spennandi tímar fram-
undan. Íslenskir markaðsmenn komi til með
að verða fylgnir sér næstu misserin, fara vítt
og breitt og gefa fólki að smakka makríl. „Það
jákvæðasta sem gæti gerst væri friður í
Úkraínu. Þá myndi sá markaður opnast aftur
og spennustigið í Rússlandi lækka. Við skul-
um sjá hvað setur.“
Hjörtur kallar líka eftir hagræðingu við út-
hlutun kvóta, það sé allra hagur. „Þeir sem
náð hafa tökum á makrílveiðum og viðskiptum
með afurðina þurfa hagræðingu. Það er lykill-
inn að meiri verðmætasköpun. Lagaramminn
er raunar klár en það er einhver störukeppni
í gangi í pólitíkinni, sýnist manni. Vonandi
rætist úr því sem fyrst.“
Sigþór M. Eyþórsson
gerir klárt áður en
trollið er látið fara.
Vigri á leið til löndunar með fullfermi af makríl.
Áhöfnin á Vigra á makrílveiðum fyrir sunnan Vestmannaeyjar.