UTBlaðið - 03.03.2007, Blaðsíða 8

8
Farsímanotkun möguleg á
öllum hringveginum í árslok
Unnið er að því að hrinda í framkvæmd fjarskiptaáætlun áranna 005 til 010. Þrjú aðalmarkmið hennar eru
að allir landsmenn sem þess óska hafi aðgang að háhraðatengingum á þessu ári, að GSM-farsímaþjónustan
verði aðgengileg á hringveginum, helstu stofnvegum og nokkrum ferðamannasvæðum og að dagskrá
RÚV verði dreift stafrænt um gervihnött til sjómanna og strjálbýlla svæða.
Þegar hefur verið gengið frá samningum varðandi þéttingu GSM-
farsímanetsins og útsendingum á dagskrá RÚV um gervihnött. Þriðja
verkefnið, sem er að koma á háhraðatengingu á landsvæðum sem ekki
njóta hennar í dag, er þegar hafið og er stefnt að því að auglýsa megi
útboð á fyrri hluta ársins.
Eins og fyrr segir hefur stjórn
fjarskiptasjóðs stýrt undirbúningi
verkefna fjarskiptaáætlunar.
Formaður stjórnar er Friðrik Már
Baldursson og starfsmaður stjórnar
kemur úr samgönguráðuneytinu.
Stjórnin hefur leitað samráðs
og aðstoðar Póst- og
fjarskiptastofnunar og Ríkiskaupa
eftir því sem þörf hefur krafið.
Hringvegurinn er fyrstur
Þéttingu GSM-farsímanetsins er
skipt í tvo áfanga. Fyrri áfanginn
snýst um að þétta farsímanetið
á hringveginum, fimm fjallvegum
og hluta Barðastrandarsýslu. Alls
er þetta um 500 km vegalengd
á þjóðvegakerfinu. Eins og
farsímanotendur vita hafa verið
gloppur í farsímakerfinu á
hringveginum og lengsti kaflinn þar
sem GSM-þjónustu hefur ekki notið
til þessa er á Möðrudalsöræfum,
um 80 km kafli. Í síðari áfanga
verður síðan ráðist til atlögu við að
þétta farsímanetið á stofnvegum
og nokkrum ferðamannasvæðum.
Unnið er að greiningu svæða sem
ná þarf til og eru það kaflar um landið allt. Stefnt er að því að auglýsa
útboð á fyrri hluta ársins.
Fyrri áfanginn var boðinn út á liðnu hausti og bárust þrjú tilboð. Tvö voru frá
Símanum hf., annað frávikstilboð, og eitt frá Og fjarskiptum sem var nokkru
hærra en bæði tilboð Símans. Verktíminn var einnig styttri hjá Símanum.
Samið var við Símann 12. janúar síðastliðinn og er samningsupphæðin
565 milljónir króna. Verkið er þegar hafið og á því að ljúka á 12 mánuðum.
Tilkynnt verður reglulega hvar þjónustunni verður komið á eftir því sem
verkinu miðar áfram.
Dreifing dagskrár RÚV um gervihnött
Eitt verkefni fjarskiptasjóðs er að sjá um að sjónvarps- og útvarpsdagskrá
RÚV verði dreift með stafrænum hætti um gervihnött til sjómanna á
miðum við landið og strjálbýlla svæða landsins. Skrifað var 1. febrúar undir
samning við Telenor á grundvelli svonefnds samningskaupaferlis um að
annast verkefnið. Þrjú tilboð bárust, öll frá
erlendum aðilum.
Stjórn fjarskiptasjóðs leitaði samstarfs við
Ríkisútvarpið um verkefnið og óskað var
eftir aðstoð Ríkiskaupa við undirbúning
og framkvæmd samningskaupaferilsins.
Verkið var ekki útboðsskylt þar sem það
fellur ekki undir lög um opinber innkaup
eða innkaupatilskipanir. Ákveðið var því að
viðhafa aðferðafræði samningskaupa til að tryggja að þjónustan fengist af
sem mestum gæðum og fyrir sem hagstæðast verð. Valdir voru í september
síðastliðnum 9 aðilar til þátttöku og gefinn frestur fram í nóvember til
að senda tilboð. Tilboð bárust frá Eutelsat, Intelsat og Telenor. Áætlaður
heildarkostnaður við verkefnið er kringum 150 milljónir króna á næstu
þremur árum.
Neytendum á afmörkuðum svæðum stendur þegar til boða stafrænt
sjónvarp sem dreift er með ýmsum hætti með þræði eða þráðlaust.
Nauðsynlegt þykir að sjófarendur og íbúar strjálbýlli svæða sem ekki
njóta í dag fullnægjandi þjónustu eigi einnig möguleika á að ná stafrænt í
gegnum gervihnött sjónvarpsdagskrá RÚV og dagskrá Rásar 1 og 2.
Til að ná sendingunum þarf gervihnattadisk, sem stilla þarf nákvæmlega
í átt til gervihnattarins Thor 2, sem er í suðsuðausturátt um það bil 15
gráður yfir sjóndeildarhring, en nokkuð breytilegt eftir hvar er á landinu.
Við diskloftnetið þarf gervihnattaviðtæki, sem tekið getur við þessum
sendingum, og viðtækið þarf að hafa rauf fyrir aðgangskort samkvæmt
Conax-myndlyklakerfinu, því útsendingarnar verða í læstri dagskrá vegna
rétthafasamninga RÚV. Aðgangskort verður hægt að fá hjá Ríkisútvarpinu.
Stefnt er að því að útsendingar hefjist í byrjun apríl næstkomandi og þá
eiga almenningur í hinum dreifðu byggðum og sjómenn að geta farið að
nýta sér þjónustuna.
Allir hafi aðgang að háhraðaneti á árinu
Samkvæmt fjarskiptaáætlun er stefnt að því að allir landsmenn sem þess
óska hafi aðgang að háhraðaneti á þessu ári. Samkvæmt því er ráðgert að
bjóða út uppbyggingu á háhraðaþjónustu á næstu mánuðum. Unnið er að
því að kortleggja hvar háhraðatenging er ekki fyrir hendi og hvaða kröfur á
að gera til þjónustu. Samkvæmt bráðabirgðatölum eru í dag 1.603 lögbýli
í dreifbýli án háhraðatengingar og 69 til viðbótar í þéttbýli. Það þýðir að
um 6.300 manns hafa ekki möguleika á háhraðatengingum. Fyrir rúmum
tveimur árum var þessi fjöldi um 22 þúsund. Næsti liður í greiningunni er
að fara yfir málið með markaðsaðilum og kanna hvar þeir hyggja á frekari
uppbyggingu. Í framhaldinu verður ljóst hvaða svæðum fjarskiptasjóður
muni stuðla að uppbyggingu á.
Fjármögnun
Fjarskiptaáætlun er fjármögnuð með 2,5 milljarða króna framlagi sem er
hluti af söluandvirði Símans hf. Til ráðstöfunar á þessu ári verða tæplega
1,5 milljarðar króna og síðan 500 milljónir á næsta ári og sama upphæð
þarnæsta ár.
Fjarskiptasjóður hefur ,5 milljarða króna fyrir verkefni fjarskiptaáætlunar:
Samkvæmt fjarskiptaáætlun er
stefnt að því að allir landsmenn
sem þess óska hafi aðgang að
háhraðaneti á þessu ári.
S-1 Fróðárheiði
S-2 Steingrímsfjarðarheiði
H-1 Fornihvammur
H-3 Vatnsdalur
H-4 Bólstaðahlíð
H-5 Norðurárd - Öxnad
H-2 Vatnsnesfjall (sunnanv)
H-7 Mývatnsöræfi
H-6 Másvatn
S-3 Þverárfjall
S-5 Fagridalur
S-4 Fjarðarheiði
H8-Breiðdals
heiði
H-9A StreitiH-9B Berufjörður
H-10A Alftafjörður
H-10B Hvalnesskriður
H-15B Vík
r
S-6 Flatey -Barðaströnd
H-11 Papafjörður-
Almannaskarð
H-14 Fljótshverfi - Síða
H-13 Hof Ný GSM þjónustusvæði
Kort útg. 2.2 -2006-09-29
Svæði sem bæta á þjónustu eru merkt
með rauðu.
Ath. að merkingar eru eingöngu til
leiðbeiningar en nákvæmar upplýsingar
koma fram í útboðsgögnum
H-6B Víkurskarð
H-15 Mýrdalur - Sólheimasandur
Vegkaflar í útboði sem fór fram á árinu 2006.