UTBlaðið - 03.03.2007, Blaðsíða 17

17
koma skilaboðum eða ábendingum frá
sjóðnum á framfæri við umsækjendur,
t.d. ef útborgun námsláns hefur
strandað vegna þess að námsmaður á
eftir að skila inn gögnum.
Upplýsingar fyrir greiðendur og
ábyrgðarmenn
„Mitt svæði“ hefur ekki aðeins að
geyma trúnaðarupplýsingar fyrir
umsækjendur um námslán. Greiðendur
námslána geta nálgast þar upplýsingar
um afborganir og skuldastöðu sína
og ábyrgðarmenn geta nálgast stöðu
þeirra lána sem þeir eru í ábyrgð fyrir.
Annar stór hópur sem þangað á erindi eru framhaldsskólanemendur sem
eiga rétt á svokölluðum jöfnunarstyrk. Samtals eru það því um 92.000
manns sem geta átt erindi inn á einkasvæði sitt hjá LÍN og nálgast þar
persónubundnar upplýsingar.
Framundan eru frekari landvinningar og samþætting hinna ýmsu svæða
vefjarins. Þjónustuvefur LÍN mun í framtíðinni spara mönnum enn frekar
sporin með því að sækja „sjálfvirkt“ fyrir þá upplýsingar og staðfestingar
til skóla og annarra helstu samstarfsaðila sjóðsins.
Upplýsingar sem snerta um
92.000 Íslendinga
Þjónustuvefur LÍN hefur verið í hraðri uppbyggingu síðustu fjögur ár og gert sjóðnum kleift að bæta
þjónustuna og mæta mikilli fjölgun lánþega án aukins rekstrarkostnaðar. Vefurinn hefur bæði stytt
boðleiðir og aukið öryggi í öllum samskiptum. Viðskiptavinir sjóðsins eiga þess kost að nýta vefinn til
persónubundinnar upplýsingaöflunar.
Þjónustuvefur LÍN er byggður á gömlum grunni sem var upphaflega
hannaður á árunum 1987-1989. Áður en vinna við vefinn hófst var spurning
hvort hanna ætti nýjan grunn eða að þróa gamla kerfið og endurnýja það
í áföngum. Ákveðið var að fara síðarnefndu leiðina og hefur hún reynst
farsæl. Að verulegu leyti er um sérsmíði að ræða og eiga starfsmenn
hugbúnaðarfyrirtækisins HugarAx hf. stóran þátt í því hvað vel hefur til
tekist.
„Mínu svæði“ aðgangsstýrt hjá bönkum og RSK
Ytri vefur LÍN var endurnýjaður í lok síðasta árs. Hann hefur að geyma
almennar upplýsingar um starfsemina og þær reglur sem unnið er eftir,
en einnig sértækar upplýsingar, sbr. vefsvæðin „Sent og svarað“ og
„Leit að skóla“. Af ytri vefnum komast menn inn á „Mitt svæði“ sem er
aðgangsstýrt. Sjóðurinn annast ekki aðgangsstýringuna sjálfur heldur
hefur samið um hana við samstarfsaðila, s.s. banka, sparisjóði og RSK.
Allir sem hafa aðgang að íslenskum heimabanka eða þjónustusíðu RSK
geta þannig tengst þaðan með öruggum
hætti inn á „Mitt svæði“.
Á „Mínu svæði“ hafa viðskiptavinirnir
aðgang að rafrænum eyðublöðum og
umsóknum. Með því að fá upplýsingar frá
„lokuðu“ svæði er hægt að sannreyna hver
sendandinn er og sýna þær persónubundnu
upplýsingar sem sjóðurinn ræður þegar
yfir (t.d. úr umsókn frá síðasta skólaári).
Þannig sparast skráningarvinna og hætta á
villum og misskilningi minnkar. Einnig geta
umsækjendur séð útreikning á væntanlegu
námsláni og yfirlit yfir útborguð lán.
Svæðið hefur jafnframt verið notað til að
Höfundur: Bergljót Þórðardóttir, deildarstjóri fjármáladeildar LÍN.
Þjónustuvefur LÍN:
Þjónustuvefur LÍN skiptist í eftirfarandi svæði:
• Ytri vefurinn eða vefsíðan (www.lin.is)
• „Mitt svæði“ (einkasvæði viðskiptavina sjóðsins)
• Starfsmannavefurinn (vinnuumhverfi starfsmanna LÍN)
• Skólasvæði (vinnuumhverfi fyrir tengiliði í skólum)
• Bankasvæði (vinnuumhverfi fyrir starfsmenn banka)
• Lögmannasvæði (vinnuumhverfi fyrir innheimtulögmenn)
Bergljót Þórðardóttir.
„Mitt svæði“ hefur ekki aðeins
að geyma trúnaðarupplýsingar
fyrir umsækjendur um námslán.
Greiðendur námslána geta nálgast
þar upplýsingar um afborganir og
skuldastöðu sína og ábyrgðarmenn
geta nálgast stöðu þeirra lána sem
þeir eru í ábyrgð fyrir.