UTBlaðið - 03.03.2007, Blaðsíða 36

36
Sjálfsafgreiðsla borgaranna
sparar þúsundir vinnudaga á ári
Upplýsingatækniverkefni dóms- og kirkjumálaráðuneytis undanfarin ár eru mörg en hér verður aðeins gerð
grein fyrir ákveðnum verkefnum Þjóðskrár og verkefni um rafrænt þjónustulag sem ráðueytið hefur haft
forgöngu um. Verkefnin tengjast beint og óbeint verulegu almennu hagræði, samþættingu upplýsingakerfa
og fjárhagslegum sparnaði fyrir borgarann og stjórnsýsluna. Þessi verkefni hafa auk þess mikil hliðaráhrif
á þann umhverfisvænleika sem upplýsingatæknisamfélagið skapar.
Meðal fjölbreyttra verkefna á vegum dóms- og kirkjumálaráðuneytisins
hefur markvisst verið unnið að endurskoðun á þjónustu við borgara,
endurnýjun og endurbótum á upplýsingakerfum, verklagsreglum og
verkferlum því tengdu. Björn Bjarnason ráðherra hefur um langt skeið sýnt
þessum málum sérstakan áhuga og verið óhræddur við að leggja upp með
og móta nýjar stefnur.
Í þeim tilgangi að auka faglega sérhæfingu og mæta kröfum borgaranna
varðandi þjónustustig og gæði hefur þurft og verður að staðla upplýsingar
og skráningarmál og bæta aðgengi að þeim. Þannig er upplýsingatækni
meðvitað notuð til að gera
stjórnsýsluna skilvirkari.
Þörf á pappírsviðskiptum
lágmörkuð
Ýmsar rekstrar- og skipulags-
breytingar hafa verið gerðar á
upplýsingatæknimálum ráðu-
neytisins. Það hefur fyrst og
fremst verið gert til að mæta
hinum nýju kröfum og til að
undirbúa stóraukna rafræna
þjónustu gagnvart almenningi, stofnunum og fyrirtækjum landsins.
Höfuðmarkmiðið er að lágmarka þörf á pappírsviðskiptum á sem flestum
þjónustustigum án þess að það komi niður á öryggi eða gæðum veittrar
þjónustu.
Í þessu sambandi má nefna að ný vegabréf eru nú gefin út í algjörlega
pappírslausu umsóknar- og framleiðslukerfi sem hefur stytt
meðalafgreiðslutíma vegabréfa úr 10 dögum í 2 virka daga auk þess sem
framleiðslan krefst mun minna vinnuframlags en áður. Loks hefur umstang
borgaranna minnkað í umsóknarferlinu og verulegur tími sparast.
Þjóðskrá í stöðugri þróun
Rekstur og ábyrgð á þjóðskránni heyrir undir Þjóðskrá sem frá því
um mitt síðasta ár hefur verið sjálfstæð rekstrareining dóms- og
kirkjumálaráðuneytisins, en til margra ára þar áður var verkefnið hjá
Hagstofunni.
Langt er síðan Þjóðskrá okkar Íslendinga þróaðist í það að vera eitt
mikilvægasta og mest notaða upplýsingagagnasafnið á landsvísu en ótal
kerfi stjórnsýslunnar og stærri sem smærri fyrirtækja landsins tengjast
henni á einn eða annan máta.
Upplýsingar um persónulega hagi einstaklinga eru stöðugt að breytast
og gagnasafn Þjóðskrár inniheldur í dag upplýsingar um yfir 450.000
einstaklinga. Árlega berast Þjóðskránni skriflega um 25-30.000
tilkynningar um búsetuflutninga allt að 60 þúsund einstaklinga. Til viðbótar
fær Þjóðskráin yfir 15.000 aðrar þjónustubeiðnir varðandi skráningarmál.
Þá eru ótalin ýmis vottorð sem Þjóðskráin gefur út samkvæmt skriflegum
beiðnum.
Umsýsla og utanumhald tölvuvæddrar þjóðskrár er og hefur verið í
stöðugri þróun. Samvinna og aukin samþætting gagnaskráa við innlendar
og erlendar stofnanir er þegar staðreynd. Má þar m.a. nefna samnorrænt
flutningsvottorð og rafræna samnorræna úrvinnslu þess.
Undantekningalítið í dag er kennitala einstaklings hvergi slegin inn í
tölvukerfi án þess að frekari upplýsingar um viðkomandi séu ekki sóttar
í Þjóðskrána.
Upplýsingatækniverkefni dóms- og kirkjumálaráðuneytis:
Höfundar: Þorsteinn Helgi Steinarsson, rafmagnsverkfræðingur MSc, og Sigurður Jónasson ráðgjafi.
Árlega berast Þjóðskránni skriflega
um 5-30.000 tilkynningar um
búsetuflutninga allt að 60 þúsund
einstaklinga. Til viðbótar fær Þjóðskráin
yfir 15.000 aðrar þjónustubeiðnir
varðandi skráningarmál.