UTBlaðið - 03.03.2007, Blaðsíða 30

30
Ótvírætt gildi fyrir nemendur
og kennara
Stafrænt og gagnvirkt námsefni í íslensku, stærðfræði, ensku og dönsku er um þessar mundir í framleiðslu
á vegum menntamálaráðuneytisins. Námsefnið verður aðgengilegt á Netinu og öllum opið skólaárið 007-
008. Einkum er gert ráð fyrir að það nýtist á mörkum skólastiga og stuðli að nýbreytni í námi og kennslu.
Námsefninu verður fylgt úr hlaði með kynningum og námskeiðum.
Menntamálaráðuneyti og Verkefnisstjórn um upplýsingasamfélagið styrkja
stafræna námsefnisgerð um samtals 62 milljónir króna með verkefni sem
var undirbúið árið 2005. Styrkveiting var auglýst árið 2006 en nefnd
tilskipaðra kennslufræðinga valdi úr umsóknum. Niðurstöður voru þær að
veita styrki til níu verkefna vegna námsefnisgerðar í íslensku, þriggja í
stærðfræði, þriggja í ensku og ein umsókn hlaut styrk vegna námsefnis
í dönsku. Auk þess bauðst skólum að taka þátt í verkefni sem byggðist á
þróaðri notkun upplýsingatækni og samtímasamskiptum vorið 2006.
Menntamálaráðuneyti fól Menntagátt að hafa umsjón og eftirlit með
vinnslu námsefnisins. Upplýsingar um styrkþega og framvindu við
námsefnisgerðina eru á vefnum menntagatt.is.
Framsækið efni
Tæknin er í sífelldri þróun og því er nauðsynlegt að námsefni aðlagist
breytingum á aðstæðum, nýti sér nýja tækni og styðji við framsækna
kennsluhætti. Gildi stafræns og gagnvirks námsefnis er af kennurum talið
ótvírætt vegna þess að það er aðgengilegt og auðvelt að nálgast það ef
upplýsingatækni er á annað borð til staðar. Nemendur sjá einnig kosti við
að nýta efnið í heimanámi og foreldrum gefst tækifæri til að fylgjast með
framvindu barna sinna.
Kennslufræðingar og tæknilegir sérfræðingar koma að vinnu við
námsefnið sem styrkt var því gerð var krafa um vandað efni og aðgengilega
framsetningu. Áhersla er lögð á gagnvirkni, tæknilega útfærslu, útlit og
kennslufræði í beinum tengslum við markmið námskráa. Aðgengilegt á Netinu
Með gagnvirku námsefni á Netinu kemur upplýsingatækni að raunverulegu
gagni við nám og kennslu án þess að vera viðbót við það fyrirkomulag
sem fyrir er. Vegna fyrirhugaðra kynninga á námsefninu sem verið er að
vinna og leiðbeiningum um nýtingu þess má vænta þess að notkunin verði
útbreidd.
Námsefnið sem hlaut styrk verður öllum aðgengilegt á Netinu í að
minnsta kosti eitt ár frá afhendingu, skólaárið 2007-2008. Á skólavef
menntamálaráðuneytisins, menntagatt.is, er vísað á öll verkefnin og eru
nokkur þeirra tilbúin og aðgengileg öllum.
Gagnvirkt námsefni á Netinu:
Höfundur: Jóna Pálsdóttir, deildarstjóri á upplýsinga- og þjónustusviði menntamálaráðuneytis.