UTBlaðið - 03.03.2007, Blaðsíða 31

31
Upplýsingatækni styrkir
stöðu dreifðra byggða
Dreifmenntun í skólum í Vestur-Barðastrandarsýslu er verkefni um nýtingu á upplýsingatækni og samvinnu
grunnskóla í Vesturbyggð og Tálknafirði. Framkvæmd verkefnisins stóð yfir árin 003 til 006.
Skólarnir sem tóku þátt í verkefninu eru Grunnskóli Tálknafjarðar með um
50 nemendur og Grunnskóli Vesturbyggðar sem er með um 150 nemendur
en hann samanstendur af Patreksskóla á Patreksfirði sem er með
rúmlega 100 nemendur, Birkimelsskóla á Barðaströnd og Bíldudalsskóla
í Bíldudal sem hvor um sig er með liðlega tuttugu nemendur. Forsögu
verkefnisins má rekja til þess að illa gekk að fá kennara með réttindi í
kennarastöður við grunnskólana í sýslunni og uppfylla þar með lögbundnar
kröfur til skólahalds. Þá hafa fjarlægðir og samgöngur í vetrarveðrum gert
samskipti og samgang milli skólanna afar erfið því háir fjallvegir eru á milli
skólastaðanna og vegalengdir allt frá 12 til 40 km.
Meiri gæði og aukin fjölbreytni
Meginmarkmið verkefnisins var að nýta upplýsingatækni í þágu
fræðslustarfs í grunnskólum sveitarfélaganna svo það mætti eflast og
styrkja stöðu byggðanna. Lögð var áhersla á að þróa samkennslu og efla
samstarf milli skóla á svæðinu, auka og bæta gæði og fjölbreytni námsins
ásamt því að kanna möguleika á hagræðingu í skólahaldi með auknu
samstarfi á milli skóla og nýtingu upplýsingatækni. Háskólinn á Akureyri
gerði úttekt á verkefninu eftir að því lauk. Niðurstöður úttektar
Í niðurstöðum Rannsóknarstofnunar Háskólans á Akureyri kemur fram
að ekki verði annað séð en að umtalsverður ávinningur hafi orðið af
dreifmenntunarverkefninu í Vestur-Barðastrandarsýslu. Meðal annars
kemur fram að:
• kennsluaðferðir í skólunum hafi orðið fjölbreyttari og samskipti
kennara á svæðinu aukist
• með aukinni samkennslu á milli skólanna virðist mega draga úr fjölda
kennslustunda á svæðinu
• nemendur séu sjálfstæðari í námi og betur undirbúnir fyrir
framhaldsnám í fjarnámi en nemendur sem hafa eingöngu fengið
hefðbundna kennslu
• félagsleg tengsl nemenda á svæðinu sem verkefnið náði til hafi aukist
því nemendur upplifi sig þátttakendur í stærri heild þannig að dregið
hafi úr hrepparíg meðal þeirra
Tækifæri urðu til
Dreifmenntunarverkefnið er í rannsóknarniðurstöðum talið hafa skapað
tækifæri fyrir alla skólana. Meðal annars fá skólarnir kennara með
sérþekkingu í tiltekinni námsgrein til að annast kennslu á svæðinu án
þess það kosti sérstaka kennslutíma í hverjum skóla með tilheyrandi
ferðakostnaði og erfiðleikum yfir vetrartímann. Einnig kemur fram að
dreifkennsla eins og þarna fór fram sé bæði framkvæmanleg og vænleg
leið til að styrkja starf skóla í dreifðum byggðum. Árangur nemenda virðist
vera sambærilegur árangri nemenda í hefðbundinni kennslu auk þess sem
tölvan og notkun upplýsingatækni varð þeim handgengin.
Heimild:
Trausti Þorsteinsson, Tryggvi Guðjón Ingason, Guðrún Rósa Þórsteinsdóttir:
Dreifmenntun í grunnskólum V-Barðastrandarsýslu. Nóvember 2006.
Rannsóknarstofnun Háskólans á Akureyri.
Höfundur: Jóna Pálsdóttir, deildarstjóri á upplýsinga- og þjónustusviði menntamálaráðuneytis.
Dreifmenntun í Vestur-Barðastrandarsýslu:
Nemendur í 8. bekk í Patreksskóla að horfa til Tálknafjarðar, Bíldudals og Birkimels. Skjánum er
fjórskipt og sjá allir alla. Nemendur eru með tölvur sem þeir nota til samskipta sín á milli og við
kennarann. Einnig gera þau gagnvirk verkefni í Netskólanum. Hér eru þau að læra um kraft og
hreyfingu í eðlisfræði. Myndin er tekin vorið 2006.
Rannveig Haraldsdóttir, eðlisfræðikennari á Patreksfirði, við kennslu nemenda í 8.-10. bekk í
Bíldudal og Tálknafirði. Fjarfundabúnaðurinn er ofan á sjónvarpinu en á skjánum sjást nemendur
í Bíldudal og Tálknafirði . Auk þess sést kennarinn einnig á skjánum og í þessum tíma voru einnig
gestir frá Skólaskrifstofu Ísafjarðarbæjar sem voru að kynna sér dreifmenntarkennsluna. Myndin
er tekin 8. febrúar 2007.
C M Y CM MY CY CMY K