UTBlaðið - 03.03.2007, Blaðsíða 11

11
Framsetning efnis á Ísland.is
Hér á eftir eru sýnd tvö dæmi um framsetningu efnis. Þessi dæmi eru úr efnisflokkunum
ferðalög og samgöngur og fjölskyldan. Hér er um að ræða upplýsingar annars vegar um
vegabréf og hins vegar um meðgöngu og fæðingu.
Vegabréf
Vegabréf eru öruggustu ferðaskilríkin og nauðsynlegt að hafa þau meðferðis
til útlanda þó svo reglur krefjist þess ekki í öllum tilvikum.
Vegabréfsumsókn
• Hægt er að sækja um vegabréf hjá öllum sýslumannsembættum
landsins og hjá lögreglustjóra höfuðborgarsvæðisins, óháð búsetu
eða lögheimili umsækjanda. Afgreiðslustaðir vegabréfa
• Sækja þarf um í eigin persónu og framvísa skilríkjum. Myndataka fer
fram á afgreiðslustöðum vegabréfa. Heimilt er að koma með eigin
mynd fullnægi hún settum skilyrðum.
• Börn undir 18 ára aldri fá útgefin sérstök vegabréf. Báðir foreldrar
þurfa að sækja um eða samþykkja umsókn um vegabréf nema
einungis annað foreldri fari með forsjá en þá þarf að framvísa gögnum
því til sönnunar.
• Við sérstakar aðstæður er hægt að fá útgefið neyðarvegabréf hjá
Tollgæslunni í Flugstöð Leifs Eiríkssonar og hjá sýslumönnum. Um
neyðarvegabréf.
• Íslendingar sem staddir eru erlendis og þurfa á vegabréfi að halda
snúa sér til sendiráða eða ræðismanna Íslands. Útgáfa íslenskra
vegabréfa erlendis.
• Þeir sem ferðast til Bandaríkjanna og hafa vegabréf sem gefið var út
fyrir 1. júní 1999 verða annaðhvort að fá vegabréfsáritun eða sækja
um nýtt vegabréf.
Vegabréfsáritanir
• Í mörgum tilvikum þarf sérstakt leyfi eða áritun í vegabréf til að ferðast
til annarra landa. Útgáfa vegabréfsáritana er í höndum sendiráða og
ræðismanna þeirra ríkja sem ferðast á til.
Ferðaskilríki
• Vegabréfa er ekki krafist á ferð um Norðurlönd en þau eru einu
persónuskilríkin sem tekin eru fullgild erlendis og því full ástæða til að
hafa þau meðferðis.
Tenglasafn:
Allt um vegabréf á Vegabref.is
Hagnýtar upplýsingar og flugáætlanir hjá Leifsstöð
Ferðaáætlun Norrænu
Almennt um Schengen-samstarfið
Um ferðalög (alferðir) í Handbók neytenda hjá Neytenda-
samtökunum
Um vegabréfsáritanir og fleiri hagnýtar upplýsingar hjá
utanríkisráðuneytinu
Lög nr. 136/1998 um vegabréf
Reglugerð nr. 624/1999 um íslensk vegabréf
Lög um alferðir nr. 80/1994
Meðganga og fæðing
Barnshafandi konur fá meðgönguvernd sér að kostnaðarlausu. Tilgangur hennar er að
stuðla að heilbrigði móður og barns með faglegri umönnun, stuðningi og fræðslu. Æskilegt
er að fara í fyrstu skoðun eigi síðar en við tólftu viku meðgöngu.
Meðgönguvernd
• Heilbrigðar barnshafandi konur sækja skoðanir í meðgönguvernd á nærliggjandi
heilsugæslustöð.
• Meðgönguvernd er tilvonandi móður að kostnaðarlausu sé hún sjúkratryggð á
Íslandi.
• Konum sem taldar eru í áhættumeðgöngu er sinnt á kvennasviði Landspítala-
háskólasjúkrahúss (LSH) og kvennadeild Fjórðungssjúkrahússins á Akureyri.
Konum í barneignarhugleiðingum og barnshafandi konum er ráðlagt að taka inn
fólasín. Fólasín-bæklingur á vef Lýðheilsustöðvar (pdf).
• Fyrsta skoðun fer fram við 8-12 vikna meðgöngu. Gert er ráð fyrir að konur sem eru
að eignast sitt fyrsta barn fari í 10 skoðanir fram að fæðingu en aðrar í 7 skipti.
• Ljósmæður annast meðgönguvernd í nánu samstarfi við lækna og aðra
sérfræðinga.
• Barnshafandi konum er boðin ómskoðun við 19-20 vikna meðgöngu. Sé um
áhættuþætti að ræða getur ómskoðun verið beitt fyrr og oftar og fleiri rannsóknir
fara fram eftir þörfum. Um ómskoðun og fleira hjá fósturgreiningardeild LSH.
• Eftirskoðun hjá lækni eða ljósmóður er æskileg 6-10 vikum eftir fæðingu. Þá er
almennt heilsufar móður metið og ráðgjöf veitt.
• Víða er verðandi foreldrum boðið upp á námskeið. Upplýsingar þar um er að fá
hjá heilsugæslustöðvum og Miðstöð mæðraverndar. Foreldrafræðsla hjá Miðstöð
mæðraverndar.
Alhliða upplýsingar um meðgönguna og meðgönguvernd á vef Miðstöðvar mæðraverndar.
Læknisþjónusta í veikindum og bráðatilvikum á Ísland.is.
Fæðing
• Konum er frjálst að fæða börn sín á hvaða sjúkrahúsi sem er, sé þar veitt
fæðingarþjónusta. Ekkert gjald er tekið fyrir fæðingar sé móðirin sjúkratryggð á
Íslandi.
• Sængurlega er mislöng eftir eðli fæðingar, allt frá sólarhring upp í nokkra
sólarhringa.
• Eftir fæðingu vitja hjúkrunarfræðingar móður og barns á heimili þeirra en við 6
vikna aldur taka við skoðanir á heilsugæslustöðvum.
• Hægt er að fara heim innan 36 klukkustunda frá fæðingu ef skilyrði um heilsu
móður og barns eru uppfyllt. Hún nýtur þá heimaþjónustu ljósmóður næstu daga
sér að kostnaðarlausu. Hafa þarf í huga að heimaþjónustu er ekki sinnt í öllum
byggðarlögum landsins.
Heimafæðing
• Kona getur fætt í heimahúsi ef heilsa hennar og barns og aðrar aðstæður
leyfa. Ljósmæður sem annast meðgönguvernd veita upplýsingar um tilhögun
heimafæðinga.
• Móðir sem fæðir í heimahúsi á rétt á sjúkradagpeningum í 10 daga frá fæðingu
barns.
Tenglasafn:
Um sjúkradagpeninga á vef TR
Um ungbarnavernd á vef Miðstöðvar heilsuverndar barna
Vert að skoða
Um meðgönguvernd á vef Landlæknis
Kvennasvið LSH
Kvennadeild Fjórðungssjúkrahússins á Akureyri
Heilsugæslustöðvar á Íslandi
Fróðleikur um meðgöngu og fæðingu á vef Ljósmæðrafélags Íslands
Lög og reglugerðir
Lög um heilbrigðisþjónustu nr. 97/1990
Rafrænt greiðslumat
Ráðgjöf og aðstoð
Lánsumsóknir rafrænt á Netinu
Svar innan fjögurra daga
F
A
B
R
I
K
A
N
Það má segja að Ísland.is sé eins konar leiðarvísir
að opinberri þjónustu. Þar verður hægt að finna
grunnupplýsingar um þá málaflokka sem vefurinn
nær til og fjölda tilvísana í efni og þjónustu
sem finna má á vefjum ráðuneyta, stofnana og
sveitarfélaga. Það er því ekki lengur þörf á að vita
hvert á að snúa sér til að leita að upplýsingum.