UTBlaðið - 03.03.2007, Blaðsíða 28

8
Fulltrúi Íslands á alþjóðavettvangi
Seltjarnarnesbær hefur gerst aðili að alþjóðasamtökunum INEC en
bæjarfélaginu var boðin aðild eftir að stjórn þeirra hafði kynnt sér
ljósleiðaraáform þess og þau verkefni sem í bígerð eru og snúa að
rafrænni þjónustu. INEC eru fjölþjóðleg samtök forystumanna í þróun
háhraðatenginga og rafrænnar þjónustu. Í nóvember skrifaði Jónmundur
fyrir hönd bæjarins undir yfirlýsingu samtakanna þar sem áhersla er lögð
á opin gagnaflutningsnet sem ávallt geti svarað kröfum samtímans hvað
varðar gæði og hraða gagnaflutninga. Í yfirlýsingunni er einnig hnykkt
á mikilvægi þess að rekstur slíks nets sé aðskilinn frá þeirri þjónustu
sem á því er veitt til að tryggja samkeppni og jafnræði auk þess sem
„breiðbandstenging“ er skilgreind sem 100 MB/sek. að lágmarki.
Nánari upplýsingar:
www.seltjarnarnes.is
http://www.i-nec.com/
Fyrsta bæjarfélag Evrópu með
100% ljósleiðaratengingu
Framkvæmdir við lagningu ljósleiðara á Seltjarnarnesi hafa nú staðið yfir í um tvö ár en þessa dagana er
verið að leggja lokahönd á verkið. Seltjarnarnesbær samdi í árslok 004 við Orkuveitu Reykjavíkur um
framkvæmdina en í henni felst ljósleiðaratenging allra heimila og húsa í bæjarfélaginu. Seltjarnarnesbær
hefur þannig náð þeirri merkilegu stöðu að vera fyrsta bæjarfélag Evrópu sem nær 100% ljósleiðaratengingu
heimila. Jónmundur Guðmarson, bæjar-
stjóri, segir að með ákvörðun
sinni stefni bæjarstjórn á að
verða í fararbroddi bæjarfélaga
að þessu leyti. „Í ljósleiðaralögn
felast mikil tækifæri og
hagsmunir fyrir bæjarbúa,“
segir Jónmundur. „Markmiðið
með lagningu ljósleiðaranets
í öll hús á Seltjarnarnesi er að
auka lífsgæði í sveitarfélaginu,
viðhalda verðmæti fasteigna eða
hreinlega auka það. Með þessari
framkvæmd er áhersla lögð á
að byggja gagnaflutningsnet til
framtíðar þar sem bæjarbúar
geta á hagkvæman hátt notið
þess sem best gerist í afþreyingu
og öryggi án þess að þurfa að
leggja í slíka fjárfestingu sjálfir.“
Opið net skilyrði
Jónmundur segir að með
ljósleiðaranum sé verið að leggja
gagnabraut sem allir geti nýtt
sér. „Íbúar fá lögnina inn til sín
með endabúnaði án endurgjalds
og geta síðan valið hvort þeir
vilja nýta þjónustuna eða ekki.
Ég tel að það sé grundvallaratriði ef opinberir aðilar eru á annað borð
að koma að málum af þessu tagi, að það sé skýr aðgreining á milli
dreifikerfisins og efnisins og tryggt sé að notendur hafi frelsi til að velja
á milli ólíkra þjónustuveitenda. Þetta er eins og með vegakerfið. Það
er okkar að stuðla að því að vegakerfið verði til en annarra að sjá um
umferðina, nema hvað snertir okkar eigin þjónustu, t.d. aðgang borgara
að þjónustu bæjarfélagsins. Skilyrðið um opið net var lykillinn að þátttöku
okkar í verkefninu og gerð var krafa um eitt opið net sem annaði öllum
gagnaflutningum.“
Fjölmörg sóknartækifæri felast í ljósleiðara og opnu neti
Ljósleiðaranetið á Seltjarnarnesi mun gegna fjölþættu hlutverki og
bæjarfélagið mun verða einn af þjónustuveitendum. „Rafræn stjórnsýsla
okkar mun flytjast á ljósleiðarann þegar þar að kemur. Þá er stefnt að því að
hún verði aðgengileg bæjarbúum
hvort sem er í gegnum tölvu eða
sjónvarp en við teljum að þannig
getum við breikkað þann hóp sem
nýtir sér rafræna þjónustu. Með því
að gera hefðbundna vefþjónustu
aðgengilega í sjónvarpi vonumst
við til að ná til þeirra kynslóða
sem ekki eru vanar tölvunotkun,“
segir bæjarstjóri.
Jónmundur segir að sökum
sérstöðu sinnar hafi Seltjarnarnes ekki yfir miklu óbyggðu landi að ráða og
þar hafi ekki þrifist stór fyrirtæki sem þurfi mikið landrými undir starfsemi
sína. Með ljósleiðaranetinu opnist hins vegar möguleikar fyrir smærri
þekkingarfyrirtæki sem séu ekki plássfrek. „Okkur fannst það því bæði
klókt og eftirsóknarvert að vera í fararbroddi þeirra sveitarfélaga sem vilja
ljósleiðaravæðast og byggja upp framtíðarkerfi sem mun anna ört vaxandi
eftirspurn eftir bandvídd um ókomin ár,“ segir Jónmundur.
Seltjarnarnesbær:
Jónmundur Guðmarsson, bæjarstjóri Seltjarnarness, til hægri, og
Christer Mattson hjá INEC undirrita inngöngu bæjarins í samtökin.
Okkur fannst það því bæði klókt og
eftirsóknarvert að vera í fararbroddi
þeirra sveitarfélaga sem vilja ljósleiðara-
væðast og byggja upp framtíðarkerfi.