Morgunblaðið - Sunnudagur - 01.03.2015, Qupperneq 26

Heimili
og hönnun *Þrjú verkefni frá Íslandi hafa verið tilnefnd til arkitekta-verðlauna Mies van der Rohe, sem eru ein virtustuarkitektaverðlaun í heimi. 40 verk komast áfram ogeiga möguleika á að verða valin til að hljóta verðlaun.Verkefnin sem tilnefnd hafa verið frá Íslandi eru bygg-ingarnar H71a eftir Studio Granda, Einbýlishús viðKálfaströnd eftir VA arkitektar, og FMOS eftir A2F
arkitektar. Verðlaunin verða veitt hinn 8. maí næst-
komandi.
Þrjú íslensk verkefni tilnefnd
Í
búð Sylvíu Lovetank liggur vel við
birtu. Stórir gluggar snúa í suður
og gefa heimilinu notalega um-
gjörð. Sylvía hefur hreiðrað um
sig og son sinn í stórri og vel skipu-
lagðri íbúð sem hún festi kaup á fyr-
ir um það bil ári en þá var nýbúið
að gera hana upp. Heimilisstíllinn ein-
kennist af góðum kokteil eldri muna,
áhugaverðs litavals og fallegrar mynd-
listar.
„Ég er mjög smámunasöm og þarf
því að ganga hægt um gleðinnar dyr
og leyfa hlutunum svolítið að koma til
mín.
Ég vel heim til mín húsgögn og
fylgihluti sem mér þykja fallegir og
líklegir til að standast tímans tönn
svo ég hef flutt með mér heim alls-
kyns skemmtileg húsgögn að utan
sem ég gat ekki hugsað mér að lifa
án.“ Sylvía hefur átt mörg heimili og
verið á flakki vegna náms og vinnu
og hefur því þurft að koma sér fyrir
á ólíkum stöðum. „Ég hef lært að
endurskipuleggja og gera eins vel úr
kringumstæðum og hægt er, hvort
sem það er skammtíma leiguíbúð eða
hótelherbergi.“
Sylvía segir mikilvægast að sér og
sínum líði vel inni á heimilinu og því
eru þægindi og funksjón fyrirrúmi.
Spurð hver sé griðastaður litlu fjöl-
skyldunnar nefnir Sylvía notalegan
legubekk sem komið hefur verið fyrir
við fallegan bogadreginn glugga sem
vísar út í stóran garð. „Þar tökum
við einkasonurinn vídeókvöldin.“
Morgunblaðið/Eggert
Sylvía Lovetank velur húsgögn og fylgihluti sem henni þykja fallegir og líklegir til að standast tímans tönn
Legubekkurinn í stofunni er í miklu uppáhaldi hjá mæðginunum en þar taka þau notaleg vídeókvöld saman.
HÚSGÖGN OG FYLGIHLUTIR SEM STANDAST TÍMANS TÖNN
Góður kokteill
í Hlíðunum
SYLVÍA DÖGG HALLDÓRSDÓTTIR, SEM GENGUR UNDIR
LISTAMANNSNAFNINU LOVETANK, BÝR ÁSAMT SEX ÁRA
SYNI SÍNUM Í GLÆSILEGRI ÍBÚÐ Í HLÍÐUNUM Í REYKJAVÍK.
SYLVÍA ER MYNDLISTARMAÐUR OG STARFAR EINNIG VIÐ
BÚNINGA Í KVIKMYNDUM OG SJÓNVARPSÞÁTTUM.
Sigurborg Selma Karlsdóttir sigurborg@mbl.is
Stofan er björt og
rúmgóð en málverkin
á veggjunum eru eftir
Sylvíu sjálfa.