Morgunblaðið - 12.03.2015, Page 12
Ágúst Ingi Jónsson
aij@mbl.is
Verkfræðistofan VSÓ Ráðgjöf hefur
nýlega lokið vinnu við eitt stærsta
einstaka verkefnið sem fyrirtækið
hefur unnið að í Noregi undanfarin
ár. Noregur hefur skipt fyrirtækið
miklu máli síðustu ár eins og fleiri
íslensk fyrirtæki á þessu sviði. Um-
svif fyrirtækisins eru nú orðin svip-
uð og þau voru fyrir hrun.
Mikil verkfræðileg áskorun
Í dag verður 42 þúsund fermetra
húsnæði í Sandnes tekið í notkun og
sá VSÓ m.a. um burðarþolshönnun,
jarðskjálftaút-
reikninga og
hönnun á stað-
steyptum mann-
virkjum. Húsið er
reist á votlendi
og segir Þorberg-
ur Karlsson,
verkfræðingur
hjá VSÓ, að um
talsverða áskor-
un hafi verið að
ræða því stoð-
irnar sem reknar voru niður á fast
eru allt að 30 metrar.
„Þetta verkefni í Sandnes var á
margan hátt mikil verkfræðileg
áskorun,“ segir Þorbergur. „Út af
fyrir sig er það þekkt að reknir séu
niður staurar til að byggja á, en í
þessu tilviki eru staurarnir 15-30
metrar og ennfremur er óvenju
mikið álag á mannvirkið vegna sér-
stakrar starfsemi sem þar er rekin.
Þessu til viðbótar er nýlega farið að
gera kröfur um burðarþol vegna
jarðskjálfta í Noregi þó svo að þeir
séu mjög sjaldgæfir þar í landi.“
Húsnæðið, sem er þrjár sam-
byggðar byggingar, er á svæði í
Sandnes sem kallað er Forus, en
þar hefur verið mikil uppbygging á
undanförnum árum á svæði sem í
eina tíð var að miklu leyti umflotið
vatni. Á svæðinu eru allt að 30
metra þykk leir- og setlög og standa
því öll húsin á staurum.
Norskt fyrirtæki, en vinna
eins mikið á Íslandi og hægt er
Þorbergur segir að frá hruni hafi
fyrirtækið haslað sér völl í Noregi
og með verkefnum þar í landi hafi
tekist að snúa vörn í sókn. Starfs-
menn VSÓ eru nú um 70 eða álíka
margir og fyrir hrun. Velta vegna
norskra verkefna hefur undanfarin
tvö ár verið tæplega helmingur af
veltu VSÓ.
„Verkefni í Noregi hafa skipt
VSÓ-ráðgjöf verulegu máli frá
hruni,“ segir Þorbergur. „Við rek-
um nú tvær skrifstofur í Noregi,
annars vegar í Jessheim skammt frá
Gardemoen og hins vegar í Sand-
nes. Við erum með eigið dótturfyr-
irtæki í Noregi og það hefur rekið
verkefni okkar þar, þó svo að þau
séu unnin hér heima í eins miklum
mæli og mögulegt er.
Við höfum mikið unnið fyrir sveit-
arfélög víðs vegar í Noregi allt frá
Sulitjelma, sem er gamall kopar-
vinnslubær í grennd við Bodö, suður
um allan Noreg og vestur um til
Halden nálægt sænsku landamær-
unum. Verkefnin eru fjölþætt og
mörg tengd hönnun skóla, hjúkr-
unarheimila og menningarhúsa fyrir
sveitarfélög. Í Noregi hefur VSÓ
komið að hátt í 100 verkefnum
smáum og stórum og erum við nú
með rammasamninga um verk-
fræðiþjónustu við fjölda sveitarfé-
laga.
VSÓ hefur farið þá leið að annast
verkefnin í eigin nafni, en sækja þau
ekki sem undirráðgjafar norskra
verkfræðistofa. Okkur hefur tekist
að koma okkur á framfæri þannig,
og höfum uppskorið ágætlega fyrir
þá fyrirhöfn. Það hefur mikil upp-
bygging átt sér stað í Noregi á síð-
ustu árum og ég er bjartsýnn á
framhaldið þó svo að ýmsir óttist
kreppu vegna lækkandi olíuverðs,“
segir Þorbergur.
Hátt í 100 verkefni í Noregi
Í notkun Nýja húsnæðið hýsir starfsemi sem tengist norska olíuiðnaðinum. VSÓ-ráðgjöf annaðist m.a. burðarþolshönnun og jarðskjálftaútreikninga
Ljósmynd/VSÓ
Upphafið Staurar voru reknir allt að 30 metra niður í þykk leir- og setlög.
VSÓ-ráðgjöf lýkur við eitt stærsta einstaka verkefni sitt í Noregi Staurar voru reknir niður
á allt að 30 metra í votlendi Velta vegna verkefna í Noregi tæplega helmingur af veltu VSÓ
12 FRÉTTIRInnlent
MORGUNBLAÐIÐ FIMMTUDAGUR 12. MARS 2015
Suðurlandsbraut 20, Reykjavík | Sími 588 0200 |www.eirvik.is
vi
lb
or
ga
@
ce
nt
ru
m
.is
Þvottavél:
verð frá kr. 139.900
Þurrkari:
verð frá kr. 114.900
Íslenskt stjórnborð
Íslenskar leiðbeiningar
Besta vörumerkið í Þýskalandi 2015
Við bjóðum takmarkað magn af Miele þvottavélum
og þurrkurum á sérstöku tilboðsverði.
Gildir á meðan byrgðir endast.
TILBOÐ
Byggingarnar eru í sveitarfé-
laginu Sandnes, sem er nánast
samvaxið Stavanger, háborg olíu-
iðnaðar Norðmanna, og var upp-
haflegur samningur VSÓ við
Seabrokers Eiendom gerður í
nóvember 2012. Seabrokers er í
grunninn norskt fyrirtæki, en út
frá meginstarfseminni á sviði
skipamiðlunar rekur fyrirtækið og
þróar umsvifamikil fasteignaverk-
efni í Noregi.
Húsnæðið í Sandnes hefur allt
verið leigt til bandaríska fyrir-
tækisins Oceaneering, sem starf-
ar á alþjóðavísu og sérhæfir sig í
margvíslegum búnaði fyrir olíu-
iðnaðinn. Mjög sérhæfð fram-
leiðsla, sambland af grófum
þjörkum og fínni raftæknivörum
fer fram í verkstæðisbyggingunni.
Þorbergur segir að meðal annars
geti þjarkarnir unnið eftir ákveð-
inni forskrift við verkefni á allt
að þrjú þúsund metra dýpi.
Um þrjár byggingar er að ræða,
það er skrifstofur, verkstæði og
byggingu fyrir lager, vörumóttöku
og bílastæði. Mest er húsnæðið
fimm hæðir auk kjallara, en að
hluta er um stórt stálgrindahús
að ræða.
Sérhæfing og grófir þjarkar
STARFSEMI Í NÝJA HÚSINU NÁTENGD NORSKUM OLÍUIÐNAÐI
Þorbergur
Karlsson