Morgunblaðið - 12.03.2015, Síða 25

Án þess að ykkar
einlægur hafi nokkra
löngun til að æra
óstöðuga, langar
hann samt sem áður
enn einu sinni að
koma til varnar sam-
gönguhjartanu okkar
Íslendinga í Vatns-
mýrinni.
Þótt flugvall-
armálið allt sem slíkt
smáni kommúnistana hvað hrak-
legast, valdi bjartsýnu fólki og
einnig fælnu allískyggilegum
áhyggjum og verði Degi B. til
ævarandi skammar, þarf bara að
segjast einfaldlega eins og er, að
öll skynsemi, reynsla og almenn
hyggindi mæla með óhreyfðum
flugvellinum – ekki síst neyð-
arbrautinni sem nú er vegið að af
fullri hörku hinna þröngsýnu for-
ræðishyggjusinna.
Ráðamenn höfuðborgarinnar
virðast vera að sanna lýsandi
skýringarorð höf-
undar Reykjavík-
urbréfs Morgunblaðs-
ins um árið, reyndar
varðandi störf Stein-
jókustjórnarinnar þá-
verandi en vísast
einnig um vinstrisinn-
að stjórnmálafólk al-
mennt, sem kristöll-
uðust í millifyrirsögn
er samanstóð af að-
eins þremur orðum
og einu bandstriki:
Fundu pytt – duttu.
Borgarstjórn-
arflokkarnir sem nú mynda meiri-
hlutann í Reykjavík fundu ekki
bara pytt – þeir eru komnir á kaf
í mýrarfen eitt ógurlegt. Engin
leið virðist vera til baka og öll
hljótum við að vona að þetta
dauðastríð taki fljótt af. Hrika-
lega annars erfið sú tilhugsun að
stjórnlynt fólk, gjarnan vinstri-
sinnað, skortir jafnan víðsýni til
að sjá alla heildarmyndina, virðist
manni – en vill víst þó vel flest
hvert.
Ekki ætti að vera aðalatriðið að
hafa lokið löngu námi eða geta
skreytt veggi með skírteinum –
meira er um vert að geta breytt
eigin græðgi, reiði (les: hroka) og
fáfræði í kjark, umhyggju og
visku.
Eftir Pál Pálmar
Daníelsson
Páll Pálmar
Daníelsson
»Engin leið virðist
vera til baka og
öll hljótum við að vona
að þetta dauðastríð
taki fljótt af.
Höfundur er leigubílstjóri.
Reykjavíkur-
flugvöll þarf aldrei
að flytja burt
UMRÆÐAN 25
MORGUNBLAÐIÐ FIMMTUDAGUR 12. MARS 2015
Í Bændablaðinu 12.
og 26. febrúar sl. eru
athyglisverðar upplýs-
ingar um síaukinn
innflutning á kjöti til
Íslands. Innflutningur
á kjöti skv. innflutn-
ingsskýrslum hefur
aukist um 277% á síð-
ustu 5 árum. Þetta er
aðallega alifugla-,
nauta- og svínakjöt.
Langmest aukning hefur orðið á
innflutningi nautakjöts á þessum
tíma. Samkvæmt upplýsingum í
Bændablaðinu kemur innflutt kjöt
mest frá löndum, sem nota sýklalyf
sem vaxtarhvata, aðallega frá
Þýskalandi, sem notar í heild mest
allra Evrópuþjóða lyf í landbúnaði.
Lyfjanotkun í íslenskum landbún-
aði er aðeins mjög lítið brot af því
sem viðgengst víðast í Evrópu. Vit-
að er að neysla á kjöti, sem fram-
leitt er með óhóflegri lyfjanotkun,
getur valdið sýklalyfjaónæmi hjá
fólki, enda hafa læknar lengi varað
við ofnotkun sýklalyfja. Bakteríur,
ónæmar fyrir sýklalyfjum eru þeg-
ar farnar að valda dauða fjölda
manns árlega í Evrópu.
Svonefndir innflutningsaðilar sjá
m.a. um innflutning á erlendu kjöti
og kjötafurðum og virðast beita
sér mjög fyrir meiri innflutningi á
þessari vöru, sem skv. fram-
angreindum upplýsingum má full-
yrða að er að hollustu langt að
baki íslenskri, sambærilegri fram-
leiðslu. Hér verður
ekki fjallað um þá bú-
fjársjúkdóma, sem
geta borist til landsins
með innfluttu kjöti og
fleiri smitleiðum.
Landbúnaðarráðherra
hefur gefið til kynna
að í samningum um
viðskipti með land-
búnaðarvörur komi til
greina að dregið verði
úr tollvernd vegna
innflutnings á
landbúnaðarvörum og
tollkvótar stækkaðir. Hæpið er að
vel upplýstir íslenskir neytendur
vilji fremur bjóða sér og börnum
sínum upp á lyfjamengaðar, inn-
fluttar kjötvörur en ómengaða,
innlenda framleiðslu. Þeirra er val-
ið. Ætla má að það sé hlutverk
heilbrigðisyfirvalda og ábyrgra
neytendasamtaka að upplýsa ís-
lenskan almenning um að hér geti
verið hætta á ferðum fyrir heilsu
og líf fólks, ef svo fer fram sem
horfir. Er það gert?
Rétt er að vekja athygli á fleiri
hliðum þessa máls. Á síðustu árum
hefur Ísland öðlast sess sem alvöru
ferðamannaland. Erlendu fólki sem
kemur til landsins hefur stór-
fjölgað á síðustu árum og er ferða-
þjónustan orðin jafngildi sjávar-
útvegs sem gjaldeyrisskapandi
atvinnugrein. Æ fleiri Íslendingar
hafa framfæri sitt af þjónustu við
ferðamenn. Ferðafólkið þarf að
borða eins og aðrir enda er matur
frumþörf mannsins. Auk þess að
upplifa einstaka náttúru Íslands
benda kannanir til þess að fjöldi
ferðafólks vilji upplifa matarmenn-
ingu Íslendinga, borða íslenskan
mat, matreiddan úr íslensku hrá-
efni, með þekktan uppruna.
Á góðum stundum hampar
ferðaþjónustan hreinleika Íslands
og heilnæmri landbúnaðarfram-
leiðslu Íslendinga. Því er spurt:
Getur verið að aukinn innflutn-
ingur erlendra kjötvara vinni með
beinum hætti gegn þessari helstu
atvinnugrein Íslendinga, ferða-
þjónustunni? Hvað með matvæla-
landið Ísland? Ef innflutningur
kjöts og kjötvara þróast þannig að
framleiðsla á íslensku nauta-,
svína- og alifuglakjöti nánast
leggst af og dilkakjötið verður líka
undir í samkeppni við innflutning,
hvar stendur þá íslensk
matarferðaþjónusta? Getur ferða-
þjónustan setið hjá þegar fjallað er
um sívaxandi innflutning á erlend-
um landbúnaðarvörum? Hér þarf
að ræða ímynd, gæði og hollustu.
Hvað með frumkvæði og ábyrgð
stjórnvalda? Það kostar að vera
þjóð og halda uppi lýðheilsu, þjóð-
armetnaði og atvinnu, líka á Ís-
landi.
Kjöt, sýklalyf og
ferðaþjónusta
Eftir Bjarna
Pétur Maronsson » Lyfjanotkun í ís-
lenskum landbúnaði
er aðeins mjög lítið brot
af því sem viðgengst
víðast í Evrópu.
Bjarni Maronsson
Höfundur er fv. bóndi.
OPTICAL STUDIO – FRÍHÖFN
Fagmennska
fyrst
og fremst
Þar sem
úrvalið
er af
umgjörðum
og
sólgleraugum
www.opticalstudio.is
www.facebook.com/OpticalStudio
Módel: Andrea Stefánsdóttir
Sólgleraugu: Chrome Hearts