Morgunblaðið - 12.03.2015, Page 36

36 DÆGRADVÖL
MORGUNBLAÐIÐ FIMMTUDAGUR 12. MARS 2015
Stjörnuspá
21. mars - 19. apríl 
Hrútur Loksins er allt komið í þann farveg
sem þú vildir og þú sérð árangur erfiðis
þíns. Ekki dæma þig of hart.
20. apríl - 20. maí 
Naut Þú kemst yfir upplýsingar sem þig
langar til að deila með öllum heiminum. Ef
ekki siturðu alltaf uppi með eitthvað sem
þú ert óánægður með.
21. maí - 20. júní 
Tvíburar Láttu ekki hugfallast þótt sam-
skipti þín og vinnufélaga þinna gangi ekki
snurðulaust með öllu. Ekki skaltu erfa mál-
in við nokkurn mann.
21. júní - 22. júlí 
Krabbi Heimsmálin eru þér ofarlega í huga
og þú finnur til vanmáttar gegn óréttlæt-
inu. Einnig er lag að byrja nýtt samband og
handsala viðskipti.
23. júlí - 22. ágúst 
Ljón Varastu ofríki því það skemmir fyrir
hvort heldur um er að ræða samband við
samstarfsmenn eða vini. Kannski iðar þú í
skinninu eftir að kaupa ótilgreindan hlut.
23. ágúst - 22. sept. 
Meyja Einhver þér eldri og reyndari gefur
góð ráð í dag. Einhver þarf að ræða við
þig. Taktu til í þínum eigin ranni.
23. sept. - 22. okt. 
Vog Það eru kaflaskipti í aðsigi og þú sem
hefur haft í meiru en nógu að snúast átt
nú allt í einu lausa stund. Láttu þér hvergi
bregða, þótt margt beri á góma, heldur
sýndu samúð þína.
23. okt. - 21. nóv.
Sporðdreki Umræður um sameiginlega
ábyrgð og eignir gætu hreinsað loftið. Og
það er kannski jafngott. Ef þú tekur því
með bros á vör ertu mjög þroskaður.
22. nóv. - 21. des.

Bogmaður Hefur þú einhvern tímann fund-
ið lyktina af fræi? Dáðst að margbreyti-
leika þess og lit? Líklega ekki. Treystu hug-
myndum sem þú færð.
22. des. - 19. janúar 
Steingeit Þegar þú velur hafnarðu öllu
sem er ekki hluti af því vali. Leyfðu vits-
munalífinu að hafa áhrif á tilfinningar þín-
ar.
20. jan. - 18. febr. 
Vatnsberi Nú er lag að dusta rykið af
áætlunum sem þú hafðir um stækkun eða
umbætur á heimilinu. Metnaðurinn hrein-
lega skín af þér. Láttu ekki aðra fara í
taugarnar á þér.
19. feb. - 20. mars

Fiskar Þú laðast að eldra fólki því þér
finnst þú geta sótt leiðsögn til þess. Að
sama skapi skaltu ekki trúa öllu sem þér er
sagt í dag varðandi heilsu þína.
Ég fór á bókamarkaðinn ograkst þar á Sóldægur, ljóða-
bók eftir Jón Björnsson, sem út
kom árið 1922. Jón fæddist á Efsta-
koti á Upsaströnd 1891, stundaði
sjómennsku og verslunarstörf en
sneri sér síðan að blaðamennsku
uns hann gerðist blaðamaður við
Ísafold og síðan Morgunblaðið
(1918-28). Þá sneri hann aftur norð-
ur og varð ritstjóri og stofnandi
Norðlings á Akureyri. Hann dó árið
1930.
Ljóð Jóns vöktu athygli á sínum
tíma og bera þess merki að þau eru
ort á öndverðri síðustu öld. „Vísur
vandræðamannsins“ eru skemmti-
legt kvæði, hrein lýrik:
Eg er eins og jurtin,
sem orðin er tóm rót
og aldrei lyftir blómi
ljósinu mót.
Eg er eins og vitinn,
sem aldrei bjarmar frá,
því engin kom höndin
að kveikja mér á.
Ég er eins og báturinn
brimsænum á,
sem aldrei fékk neitt stýri,
streng eða rá.
Eg er eins og lindin,
sem leitar farveg að,
– því ós minn og upphaf
eru á sama stað.
Eg er eins og fuglinn,
sem flugþrána á,
en hefur enga vængi
er hefji hann jörðu frá.
Ljóð Jóns geyma tungutak horf-
inna starfs- og atvinnuhátta.
Þeir ýta úr vör.
– Það er útsunnanvindur,
næðinganótt
og norðljósasindur.
Siglan er reist. –
Nú sýður á keipum,
titrar hver súð
og tognar úr reipum.
Hafnar-Björn heldur
um hjálmunvöl.
Að skautinu gætir
Gunnar á Möl.
Sigla þeir mikinn
en mæla fátt.
– Löngum er byljótt
landsunnanátt.
Hér er vel kveðið og Jóni tekst að
byggja upp spennu, – en ekki er
rúm til að leysa úr þeirri gátu,
hvernig ljóðinu lýkur.
Eg sigli út á sæinn
frá svartri og grýttri strönd.
Seiðir mig syndlaust hafið.
Sólin gyllir lönd.
Halldór Blöndal
halldorblondal@simnet.is
Vísnahorn
Aldar gömul ljóð síns tíma
Í klípu
„HVERNIG MYNDIR ÞÚ MERKJA ÞÉR
OKKAR SVÆÐI?“
eftir Mike Baldwin eftir Jim Unger
„GEMMÉR LYKLANA. MAMMA SAGÐI AÐ ÉG
MÆTTI FÁ BÍLINN LÁNAÐAN.“
Hermann
Ferdinand
Hrólfur hræðilegi
Grettir
... að vera ástfanginn
fyrir lífstíð.
GRETTIR HEGÐAR SÉR MIKLU BETUR
ÞEGAR ÞÚ ERT HÉRNA, LÍSA.
ERTU AÐ
FARA
BRÁÐUM?
Í
ALVÖRUNNI?
HÉRNA KEMUR
ÓVINURINN!
ÞAÐ ER
KOMINN TÍMI
TIL AÐ
SÝNA ÞEIM...
...HVERJIR
ÞIÐ ERUÐ!
MENNIRNIR SEGJA AÐ
ÞEIR VILJI FREKAR
VERA NAFNLAUSIR...
SKRA
FS
HVÍSKUR
HVÍSKUR
Hvað er hægt að ræða annað enveðrið þessa dagana? Snjórinn
eftir síðustu hríð er ekki fyrr horfinn
á brott en næsta bylgja skellur á.
Svo rignir inn á milli, þannig að allt-
af er tryggt að ef það er ekki ófært
vegna blindhríðar, þá er slabb og
vesen út um allt.
x x x
Víkverji tók eftir því að meira aðsegja myrkrahöfðinginn Adolf
Hitler er kominn með skoðun á veðr-
inu, en klippa með honum gengur nú
ljósum logum á netinu. Þar er
reyndar um að ræða frægt atriði úr
hinni stórgóðu kvikmynd Der Un-
tergang, þar sem búið er að setja
vísvitandi skakkan texta við málið.
x x x
Í upprunalega myndbandinu eruhershöfðingjar Hitlers að greina
frá ástandinu á lokadögum stríðsins,
en Hitler stendur í þeirri trú að ein
lokaárás geti snúið hlutunum við.
Þegar honum er sagt að ekki hafi
orðið af árásinni missir Hitler hrein-
lega vitið og hellir sér yfir hershöfð-
ingja sína. Atriðið sjálft er mjög
kraftmikið og spennuþrungið, sem
gerir afraksturinn enn fyndnari þeg-
ar búið er að breyta því sem Hitler
segir við hershöfðingja sína.
x x x
Tæplega er þó landsmönnum hlát-ur í hug þegar ekki sér fyrir
endann á þessum vonlausa vetri. Til
að mynda sá Víkverji fram á það að
þurfa að eyða öllu þriðjudagskvöld-
inu í vinnunni, þar sem tveir hjálp-
legir bílstjórar höfðu náð að festa
bíla sína í skafli og loka þar með á
báðar akstursleiðirnar frá Hádegis-
móum. Sem betur fer tókst þó að
losa þá tiltölulega fljótt.
x x x
Víkverji telur því dagana niðurfram að sumri. Hann hefur þó
mestar áhyggjur af því að þessi öm-
urlegi vetur eigi eftir að draga lang-
an dilk á eftir sér inn í sumarið og
skilja eftir sig djúp spor á skapi
landsmanna. víkverji@mbl.is
Víkverji
Lofaður sé Guð og faðir Drottins vors
Jesú Krists sem eftir mikilli miskunn
sinni hefur endurfætt oss til lifandi
vonar fyrir upprisu Jesú Krists frá
dauðum og veitt oss óforgengilega,
flekklausa og ófölnandi arfleifð sem
yður er geymd á himnum.
(Fyrra Pétursbréf 1:3-4)