Húnavaka - 01.05.1965, Qupperneq 63

HÚNAVAKA
61
fær Helga miðann. En þegar Helgi fer að lesa, rekur hann upp
stór augu, og segir að því miður sé þetta ekki til þar. Ari verður
'hissa og finnst það næsta máta einkennilegt að venjulegt kvefmeðal
skuli ekki vera til í sjálfri lyfjaverzluninni, og spyr hvort þetta sé
eitthvað sérstakt. „Já, það er mjög sérstakt,“ svarar Helgi, og réttir
Ara lyfseðilinn, en á honum stóð: ,,1 stk. hlýr trefill
Klemens Guðmundsson í Bólstaðarhlíð var lengi póstur i Ból-
staðarhlíðarhreppi og bar út póst á flesta bæi í hreppnum um lengri
tíma. Má geta nærri að oft hefur verið margt spjallað á bæjum þeg-
ar Klemens kom með póstinn. Einu sinni sem oftar kom Klemens
að Eiríksstöðum með póst. Guðmundur bóndi og hann taka tal
saman yfir kaffiborði, og umræðuefnið var pólitík. Klemens var
mikill Sjálfstæðismaður en Guðmundur Framsóknarmaður. Urðu
nú miklar og fjörugar umræður og báðir orðnir nokkuð heitir. Seg-
ir svo ekki af þeim fyrr en Klemens er tilbúinn til brottferðar.
Þegar Klemens fór inn, hafði hann lagt póstinn að Eiríksstöðum
á stól eða bekk frammi við og meðan hann var inni, hafði hvolpur
náð í einn Tímapakkann og farið að leika sér að honum. Þegar
Klemens kemur út er hvolpurinn búinn að rífa blaðið í tætlur.
Vindur Klemens sér þá að Guðmundi og segist vita að eins fari
fyrir Framsóknarflokknum og Tímanum. Þeir fari báðir beint í
hundana í vor. Þess má geta að kjósa átti til Alþingis seinna þetta
vor.