Húnavaka - 01.05.1965, Page 77

JÓN BJÖRNSSON frá Húnsstöðum:
Pah verhur clansah á torginu
(Ófullgerð hljómkviða án tóna eftir laglausan mann)
1. þáttur. Lento.
Meðan ég hallaði höfði mínu að brjóstum unnustu minnar, og
fann augu hennar verma hnakka minn, gekkst þú fyrir hornið og
lézt skilding falla í skrínu fingralausa betlarans.
Gatan milli mín og þín var böðuð hvítu sólskini.
Ung kona í ókunnu landi greiddi hár sitt og brosti.
Úti á enginu stalst kálfur til að sjúga móður sína.
Þá lagðist inyrkvinn yfir og risti helstafi sína á landið og hafið.
Hann geystist yfir heiminn líkt og rykský, sem þyrlaðist undan
gáskafullum fótum í torgdansi. Fingralausi betlarinn vissi ekki
hvaðan hann kom en skynjaði fyrstur allra að nú stigi helsprengjan
dauðadansinn. Og einhvers staðar innan úr sortanum bárust til
okkar allra, dunandi hjartaslög sprengjunnar.
Doloroso.
Þá reis ég upp af beði ástar minnar og þú staðnæmdist á götunni.
Við litumst í augu og spurðum hvor annan lágt: „Var það ég? —
eða þú?“ Og fingralaus betlarinn að baki þér varð fyrir svörum:
„Þið báðir.“
Þá grétum við, og tár þín minntust við rykuga götuna, en mín
kysstu brjóst unnustu minnar í síðasta sinn. Og vegafarendur allra
vega námu staðar og felldu tár niður í straum sortans, sem lék
um fætur þeirra.