Fréttablaðið - 25.04.2015, Page 32

25. apríl 2015 LAUGARDAGUR| HELGIN | 32
Hvað finnst þér best við
embætti alþingismannsins?
Ég held að flestir sem setjast á
Alþingi geri það af góðum ásetn-
ingi. Við viljum hafa góð áhrif
á samfélagið, gera gagn, byggja
upp og bæta. Þetta er kannski
skrítið að segja þegar svona
léleg ríkisstjórn hefur komist til
valda en þetta er samt í megin-
atriðum satt. Mig langar til að
gera landið betra og líf fólks
betra og það besta við starfið er
að fá tækifæri til þess. Og svo
kannski hitt, að Alþingi er góður
skóli, maður lærir hvernig hlut-
irnir hanga saman og samfélagið
virkar.
En verst?
Mér finnst verst að við erum
ekki að gera hlutina nógu vel.
Er eitthvað úr reynslubankanum
sem nýtist þér vel í starfinu?
Ég reyni að læra af öllu sem
ég lendi í og upplifi en ég er
kannski ekki nógu mikill nörd.
Ég er þakklát fyrir að hafa verið
í sagnfræði og hagfræði, það
hjálpar þegar maður þarf að
reyna að skilja flókna hluti. Ég
reyni að læra af alls konar rugli
í lífinu líka og veit að maður er
ótrúlega ófullkominn. Í pólitík
lærði ég mikið af Kvennalist-
anum og öllum þessum snill-
ingum sem ég hef starfað með
í alls konar aðstæðum. Reynsla
er alveg einstaklega teygjanlegt
hugtak.
Varð hræddust á ævinni í IKEA
Sigríði Ingibjörgu Ingadóttur langar að gera landið og líf fólks betra. Hún hefur farið höndum um forna skinnskó, perlur
og mannabein. Vildi gjarnan vera útivistartýpa í raun, ekki bara í dagdraumum, og dans hennar er fegurri en nokkur tangó.
Fædd 29. maí 1968.
Hvaðan Reykjavík.
Maki Birgir Hermannsson.
Börn Natan Sigríðarson,
Jakob, Hanna Sigþrúður
og Davíð Birgisbörn.
Áhugamál Lestur og handavinna.
Menntun BA í sagnfræði frá HÍ,
MA í viðskipta- og hag-
fræði frá Uppsalaháskóla
í Svíþjóð.
Störf Verkefnisstjóri hjá
Norræna félaginu,
sérfræðingur á Hagstofu
Íslands, hagdeild ASÍ og
velferðarsviði félags-
og tryggingamálaráðu
neytis. Formaður fram-
kvæmdastjórnar Ráð-
gjafarstofu um fjármál
heimilanna. Alþingis-
maður frá 2009. Einnig
nefndarmaður, fulltrúi
eða stjórnarmaður í
Kvennalista, Samfylk-
ingarfélaginu í Reykja-
vík, bankaráði Seðla-
bankans og hússjóði
Öryrkjabandalagsins.
Hvernig nærir þú þig helst
andlega?
Mér finnst gott að vera með öðru
fólki. Að vera jafnaðarmann-
eskja er ekki síst fólgið í því að
virða skoðanir og sjónarmið ann-
arra í fúlustu alvöru – og hafa
gaman af því.
Ertu göngukona?
Nei. Ég fer í sund og einstöku
sinnum út með Lubba og Birgi.
Mér finnst gott að vera úti og
ég vildi að ég væri útivistar-
týpa í raun en ekki bara í dag-
draumum.
Finnst þér gaman að dansa?
Já. Ég dansa það sem ungt fólk
með takmarkaða dansreynslu
kallar „miðaldra dans“, set stút á
munninn, sletti í góm og sveifla
höndum frjálslega, ásamt losta-
fullu mjaðmadilli. Dans minn er
fegurri en nokkur tangó.
Hefurðu komið í torfbæ?
Já já, og klaustur og göng, ofan
í sýruker og grafir frá sögu-
öld. Ég gróf eftir fornleifum
á sumrin þegar ég var í sagn-
fræðinni, þannig að ég hef skafið
innan ótal torfbæi. Í Viðey gróf
ég það sem er líklega sjálft Við-
eyjarklaustur, undir stjórn
Margrétar Hallgrímsdóttur,
og baksaði jöfnum höndum við
forna skinnskó, perlur, kamba
og mannabein. Svo er auðvitað
Glaumbær í Skagafirði í uppá-
haldi.
Hvert er leiðinlegasta húsverkið
að þínu mati?
Ég skammast mín fyrir það, en
mér leiðast öll húsverk. Þetta
bitnar talsvert á manninum
mínum en minna á börnunum,
því börn hafa svo mikla aðlög-
unarhæfni. Ég geri þetta, og
við hjálpumst að, en það er af
skyldurækni og fórnfýsi fremur
en áhuga. Ryksugur eru hávær-
ar, skúringafötur blautar og
hárugar, uppvaskið er alltaf
leiðinlegra en máltíðin. Börnin
eru hrein og nærð og það er í for-
gangi.
Hvert vildir þú helst ferðast?
Við fjölskyldan erum að leggja
drög að hringferð í sumar og ég
get ekki beðið eftir að renna úr
hlaði. Ég hef ferðast víða en á
þó ansi marga heimshluta eftir.
Efst á óskalistanum núna eru
Istanbúl og Japan. Helst vildi ég
geta heimsótt Stokkhólm og New
York á hverju ári.
Hvar finnst þér fallegast á
Íslandi?
Ó, það eru svo margir fallegir
staðir á Íslandi. En verði ég að
velja einn þá vel ég Kirkjubæjar-
klaustur og svæðið í kring. Veit
ekki af hverju, bara svo fullkom-
ið. Þingvellir eru líka í uppáhaldi
og það þarf ég örugglega ekki
að útskýra fyrir neinum. Svo er
náttúrulega enginn staður feg-
urri en góður leikskóli.
Hefurðu lent í lífsháska eða
annarri dramatískri reynslu?
Ég hef í rauninni aldrei lent í
meiri lífsháska en þeim sem
fylgir lífinu: að eignast og eiga
börn og ala þau upp, reyna að
ráða við sjálfa mig, eignast fólk
og missa. Það eru allir í lífs-
háska meira og minna. Hrædd-
ust varð ég á ævinni í IKEA
í Uppsala, þegar byssumenn
stormuðu með látum inn í rúma-
deildina þar sem ég var að spá í
uppfærslu á 10 sentimetra dýnu-
bleðli. Ég fraus, og mátti þakka
fyrir að hafa ekki einu sinni
getað leitað skjóls undir tví-
breiðu rúmi á sanngjörnu verði,
því þetta voru bara einhver
strákapör.
Í kosningabaráttu vorið 2013. Sigríður Ingibjörg með Jakob, Davíð og Hönnu Sigþrúði á ferðalagi í Kaupmannahöfn sumarið 2008. Með Birgi í New York haustið 2013. Sigríður Ingibjörg og Hanna Sigþrúður í Flatey sumarið 2014.
ÞEKKTU
ÞINGMANNINN
Reykjavíkurkjördæmi suður
25.02.2014
Ég vék hér að andverð-
leikasamfélaginu og helm-
ingaskiptakerfi Sjálfstæðis-
flokks og Framsóknarflokks.
Það er þetta kerfi sem þorir
ekki að leyfa þjóðinni að sjá
samning við Evrópusam-
bandið.
04.11.2014
Lánasjóður íslenskra
námsmanna hættir að vera
sá sjóður sem honum er
ætlað að vera, sem á að
tryggja jafnrétti til náms
óháð efnahag, ef ákveðinn
hópur festist í skuldafeni
ævina á enda.
24.02.2015
Er aðgerðaleysi
ríkisstjórnarinnar ekki
augljós svik við afdráttar-
laus kosningaloforð
Framsóknarflokksins um
afnám verðtryggingar?
Gunnþóra
Gunnarsdóttir
gun@frettabladid.is
Sigríður Ingibjörg
Ingadóttir
SIGRÍÐUR Í ÞINGSAL JÖFNUÐUR OG MANNRÉTTINDI
ÚR FJÖLSKYLDUALBÚMINU
➜ Helstu baráttumál
● Gott heilbrigðiskerfi og skólar
fyrir alla, óháð efnahag.
● Mannréttindi og frelsi til að vera
við sjálf.
● Íbúðir fyrir alla.
● Alvöru aðgerðir gegn loftslags-
breytingum.
ÞINGMAÐURINN „Ég reyni að læra af öllu sem ég lendi í og upplifi en ég er kannski ekki nógu mikill nörd,“ segir Sigríður Ingibjörg. FRÉTTABLAÐIÐ/ERNIR
0
3
-1
2
-2
0
1
5

2
3
:3
9
F
B
1
0
4
s
_
P
0
8
8
K
.p
1
.p
d
f
F
B
1
0
4
s
_
P
0
7
3
K
.p
1
.p
d
f
F
B
1
0
4
s
_
P
0
1
7
K
.p
1
.p
d
f
F
B
1
0
4
s
_
P
0
3
2
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
7
6
8
-3
8
6
C
1
7
6
8
-3
7
3
0
1
7
6
8
-3
5
F
4
1
7
6
8
-3
4
B
8
2
8
0
X
4
0
0
2
A

F
B
1
0
4
s
_
2
4
_
4
_
2
0
1
5
C
M
Y
K