Dagblaðið Vísir - DV - 08.05.2009, Side 12

föstudagur 8. maí 200912 Fréttir
Stressið kom upp um Ragnar Erling Hermannsson þegar hann var handtekinn á flugvellinum í Recife í
Brasilíu með 5,7 kíló af kókaíni. Brasilískt dagblað sagði í gær á forsíðu frá þátttöku Ragnars í Leitinni
að strákunum. Frændi Ragnars lýsir honum sem glaðlyndum, einlægum og hvatvísum manni og aug-
ljóst sé að hann sé bugaður í fangelsinu. Fjölmiðlar í Brasilíu segja hann hafa snúið út úr spurningum
lögreglumanna við yfirheyrslu á flugvellinum.
„GJÖRSAMLEGA YFIR-
BUGAÐUR DRENGUR“
„Það er verið að reyna að ná beinu
sambandi við hann til að peppa
hann upp. Hann er ábyggilega
mjög langt niðri. Við eyðum allri
okkar orku í að ná sambandi við
hann og gera það sem hægt er,“
segir Hermann Þór Erlingsson fað-
ir Ragnars Erlings Hermannsson-
ar sem situr í brasilísku fangelsi í
borginni Recife eftir að hann var
handtekinn á flugvelli í borginni
með 5,7 kíló af kókaíni í fórum sín-
um. Hermann hefur enn ekki náð
sambandi við son sinn, en von-
ast til að það takist sem fyrst. „Við
erum að vinna í þessu með aðstoð
utanríkisráðuneytisins. Þetta þok-
ast í rétta átt, að ná almennilegu
sambandi við hann. Ég hef ekki
talað persónulega við hann en ég
geri ráð fyrir því að við náum að
tala við hann til að við getum stutt
við bakið á honum eins og hægt
er,“ segir hann.
Hermann vill lítið ræða um
hvernig honum varð við að heyra í
syni sínum í viðtali á Stöð 2 á mið-
vikudagskvöld, en viðurkennir að
það hafi verið erfitt. „Ég held ég
þurfi nú ekkert að tjá mig um það.
Mannlegi þátturinn í þessu er mjög
erfiður,“ segir hann.
Þakklátur fyrir stuðninginn
Samkvæmt brasilískum fjölmiðl-
um vakti Ragnar grunsemdir lög-
gæslumanna á flugvellinum, þar
sem hann virkaði mjög stress-
aður í nærveru tollvarða. Hann
er sagður hafa verið órólegur og
óþolinmóður þegar hann var að
reyna að komast um borð í flug-
vélina til Malaga á Spáni. Toll-
verðir báðu hann því um að koma
með sér inn á skrifstofu á flugvell-
inum, þar sem lögreglumenn biðu
hans. Ragnar er sagður hafa virk-
að mjög taugaóstyrkur og tekið
upp á því að snúa út úr spurning-
um lögreglumanna. Skömmu síð-
ar fundust efnin í fölskum botni í
ferðatösku hans. Frá flugvellinum
var hann fluttur í járnum til lækn-
isskoðunar og í stutta yfirheyrslu
áður en hann var færður í fang-
elsið.
Þegar Hermann faðir hans er
spurður út í aðbúnaðinn í Cotel-
fangelsinu í Recife, segir hann:
„Ég hef ekki aðra vitneskju en
þá að þetta er ekki það versta
sem hann gæti hugsanlega verið
í. Þessi borg er svona frekar rík-
mannleg að því leytinu að þetta
er ekki fátækasti hlutinn af land-
inu. Þetta er heldur skárra en
það gæti verið verst. En þetta er
náttúrulega enginn aðbúnaður í
samanburði við fangelsin hérna
heima.“
Hann segist vera mjög þakklát-
ur fyrir þann mikla samhug sem
fjölskyldunni hefur verið sýndur.
„Ég get ekki sagt annað en að við
höfum fundið fyrir gríðarlegum
stuðningi. Ég vil koma á framfæri
miklu þakklæti,“ segir hann.
Á forsíðu brasilísks dagblaðs
Fjölmiðlar í Brasilíu halda áfram
að sýna máli Ragnars Erlings mik-
inn áhuga. Brasilíska dagblaðið
Diario de Pernambuco fjallaði um
hann á forsíðu sinni á fimmtudag,
undir fyrirsögninni „Fangelsun
sjónvarpsstjörnu“. Blaðið birtir svo
grein um þátttöku Ragnars í sjón-
varpsþættinum Leitinni að strák-
unum, sem sýndur var á Stöð 2 árið
2007. Í greininni segir: „Draumur-
inn um að verða frægur grínisti
varð að engu í Cotel-fangelsinu í
Recife, þangað sem hann var flutt-
ur síðastliðinn föstudag eftir að
hafa verið tekinn með 5,7 kíló af
hreinu kókaíni.“
Brasilíska dagblaðið segir að
Ragnar hafi viljað öðlast frægð
áður en hann ákvað að hefja fer-
il sem alþjóðlegur dópsmyglari,
eins og það er orðað í frétt blaðs-
ins. Guðjón Helgason, fréttamað-
ur Stöðvar 2, segir í viðtali við Di-
ario de Pernambuco að fjölmiðlar
hafi ekki fjallað um Ragnar frá því
árið 2007 vegna þátttöku hans í
Leitinni að strákunum. Blaðið hef-
ur síðan eftir honum að umræðan
hér á landi snúist fyrst og fremst
um að hann þurfi að sitja í brasil-
ísku fangelsi, en ekki misheppnaða
tilraun hans til þess að slá í gegn í
sjónvarpi.
Átta til tuttugu ár í fangelsi?
Mál Ragnars mun á næstu vik-
um eða mánuðum fara fyrir hér-
aðsdóm í Recife og getur hann átt
von á allt að tuttugu ára fangels-
isvist, þar sem glæpur hans er lit-
inn mjög alvarlegum augum. Lög-
reglustjóri í Recife sagði hins vegar
við Diario de Pernambuco að hann
gæti hugsanlega sloppið með átta
ára fangelsi, þar sem hann á enga
þekkta sögu í fíkniefnaheiminum
og hafi hreint sakavottorð. Lengd
fangelsisvistarinnar gæti líka ráðist
af hegðun Ragnars í Cotel-fangels-
inu. Ekkert er vitað um hvort Ragn-
ar hafi verið lögregluyfirvöldum
samvinnuþýður við að upplýsa um
vitorðsmenn sína eða ekki.
Cotel-fangelsið hefur reglu-
lega komist í fréttirnar í Brasilíu. Á
síðasta ári tókst rúmlega 40 föng-
um að klifra yfir fangelsismúrana
með því að nota reipi. Þeir notuðu
tækifærið til þess að flýja þegar
óþjálfaðir fangaverðir voru á vakt
í fangelsinu. Alls voru 987 fangar
í fangelsinu þegar flóttinn átti sér
stað, en fangelsið sjálft er hannað
fyrir 311 fanga.
„Vissi að það var einhver
óregla á honum“
Sverrir Þráinsson, tónlistarmað-
ur og æskuvinur Ragnars, hefur
stofnað hóp á Facebook til þess að
þrýsta á að hann verði framseldur
til Íslands. „Við erum í raun upp-
eldisbræður, en ég hef lítið heyrt
frá honum undanfarið þar til ég sá
þetta. Við hittumst af og til, töluð-
um síðast saman fyrir þremur vik-
um síðan. Svo vissi ég ekkert hvað
var í gangi.“
Sverrir segir að Ragnar hafi ekki
rætt vandræði sín við hann, síðast
þegar þeir ræddu saman. „Ég vissi
að það var einhver óregla á hon-
um, ég hafði ekkert stórkostlegar
áhyggjur af því, en það er skelfilegt
hvernig komið er fyrir honum, ég
tala nú ekki um í þessu helvíti sem
hann er í núna. Ég er að reyna að fá
alla til að standa saman til að berj-
ast fyrir því að hann fái að koma
heim. Þetta er viðkvæmur strákur
og hann þolir þetta ekki.“
Lífsglaður og skapgóður
Ragnar er alinn upp í Húsahverfi í
Grafarvoginum, en var einnig mikið
í Vesturbænum í æsku. Síðar flutti
hann á Hvolsvöll og starfaði með-
al annars í verslun ÁTVR í bænum.
Hann kenndi eróbikk um nokkurt
skeið og er nú skráður til heimil-
is á Frakkastíg. Hann hefur lengi
verið kallaður Raggi Turner,
með vísan í aðdáun hans á
söngkonunni Tinu Turner.
Sverrir lýsir Ragnari sem
lífsglöðum strák, yfirleitt í
góðu skapi, en hafi átt það
til að taka lífinu ekki nógu
alvarlega. Hann geti ver-
ið hvatvís og það komi fólki
oft í bobba. „Hann er bara góð
sál, hann lætur sér annt um alla
og ekkert slæmt um hann þannig
að segja. Það er ekki að ræða það
að hann sé glæpamaður, því mað-
ur finnur ekki einlægari mann,“ seg-
ir hann. „Maður fær bara stingandi
sjokk þegar fólk sem er svona tengt
manni lendir í þessari aðstöðu. Ég
heyrði það strax að hann gat varla
talað í símaviðtalinu á Stöð 2 og ég
held að þetta sé allt satt og rétt sem
hann sagði í viðtalinu. Þetta er gjör-
samlega yfirbugaður drengur.“
Kaare Ringseth, aðalræðismaður
Íslands í Brasilíu, vildi ekki tjá sig um
aðkomu sína að málinu. Hann seg-
ist hafa lesið um málið í brasilískum
fjölmiðlum og vísaði á utanríkisráðu-
neytið.
Sjaldgæft að fangar
séu fluttir heim
Ragna Árnadóttir dómsmálaráð-
herra segir að dómur þurfi fyrst að
falla í málinu, áður en til þess komi
að Ragnar gæti verið fluttur til Ís-
lands. „Þetta er ekki framsal í þeim
skilningi, þetta snýst um samning
um fullnustu refsingar. Þá mynd-
um við taka að okkur að framfylgja
dómnum hér á landi, en ef hann er
algjörlega út úr kortinu miðað við
íslenskt dómahámark, þá er ekki
víst að við myndum taka að okkur
að framfylgja honum.“
Hún segir sjaldgæft að
íslenskir fangar erlend-
is séu fluttir heim til
afplánunar. „Það
eru örfá slík mál
á ári og aðallega
á milli Norður-
landanna,“ seg-
ir hún.
VaLGEIR ÖRN RaGNaRSSON
blaðamaður skrifar: valgeir@dv.is
„En þetta er náttúru-
lega enginn aðbún-
aður í samanburði
við fangelsin hérna
heima.“
Handtekinn ragnar Erling var
handtekinn á föstudagskvöldið fyrir
viku með 5,7 kíló af kókaíni í fórum
sínum. POLícIa FEdERaL / dIVuLGaçãO
diario de Pernambuco Brasilískt
dagblað fjallaði um þátttöku
ragnars í Leitinni að strákunum, á
forsíðu sinni á fimmtudag.