Dagblaðið Vísir - DV - 08.05.2009, Blaðsíða 25

föstudagur 8. maí 2009 25Fókus
„Verðmæti munanna á sýningunni
eru með slíkum ólíkindum að það
er þjóðhagslega mjög óhagkvæmt
að nokkuð bregði þarna út af. Trygg-
ingafélagið okkar hefur tryggt þetta
upp í topp og nú er bara að vona
að ekkert komi upp á,“ segir Einar
Bárðarson, verkefnisstjóri Víkinga-
heima á Fitjunum við Reykjanesbæ,
sem opnaðir verða í dag, föstudag.
Ómetanlegar fornminjar frá vík-
ingatímum hafa streymt til Íslands
að undanförnu til að verða hluti af
sögusýningu Smithsonian-stofnun-
arinnar, Víkingar - ferðir norrænna
manna um Atlantshafið, sem opnuð
verður í Víkingaheimum nú á fyrsta
degi safnsins. Flestir munirnir koma
frá Svíþjóð og Noregi en einnig frá
Víkingasafninu í York á Englandi,
frá Grænlandi og fleiri löndum.
Sýningin var frumsýnd árið 2000
í Washington DC og var sýnd um
öll Bandaríkin til að fagna þúsund
ára afmæli landafunda norrænna
manna á Vínlandi hinu forna.
Að sögn Einars er allt kapp lagt
á að öryggismál séu í hundrað pró-
sent lagi því flestir munirnir séu,
eins og gefur að skilja, óbætanleg-
ir. „Allir munir hafa verið tryggð-
ir, bæði fyrir öllu tjóni og þjófnaði.
Securitas hefur síðustu daga ver-
ið að stórefla öryggisgæslu á svæði
Víkingaheima og sett upp fjölda
myndavéla, hreyfiskynjara og raka-
og hitabreytingaskynjara til að
tryggja öryggi munanna.“ Fulltrú-
ar Securitas og tryggingafélags Vík-
ingaheima fylgja enn fremur öllum
mununum frá lendingu hér á landi
þangað til þeir komast í sérútbúna
kassa sem vernda munina á meðan
þeir eru hér á landi.
Bygging og undirbúningur opn-
unar Víkingaheima hefur staðið yfir
undanfarin misseri. Auk Smithson-
ian-sýningarinnar skipar skipið Ís-
lendingur þar stórra rullu en það
er nákvæm eftirlíking Gaukstaða-
skipsins svokallaða og var því siglt
til Ameríku í tilefni þúsund ára af-
mælis landafunda Leifs heppna
árið 2000.
Víkingaheimar við Reykjanesbæ opnaðir í dag:
Ómetanlegar fornminjar í Víkingaheimum
m
æ
li
r
m
eð
...
Låt den rätte komma in
Ekki missa af
þessari. Hún
er svo miklu
meira en
hryllings-
mynd.
Sofandi að
feigðaróSi
reyfarakennd,
snörp og
skemmtileg
frásögn af íslenska
efnahagshruninu.
der Baader
meinhof
kompLex
góð mynd
með nokkra
annmarka.
oBServe and report
Óendanlega
fyndin á köflum
en fullsteikt þess
á milli.
Crank 2: high voLtage
Prýðilega
absúrd þvæla
sem mun
klárlega öðlast
költ status.
17 again
undarleg,
klisjukennd
og plebbaleg
skírlífisþvæla.
m
æ
li
r
eK
Ki
m
eð
...
föstudagur
n önnur sýning á fúlar á móti í
íslensku óperunni verður sýnd í kvöld.
öllu sem þið vitið ekki um konurnar í
lífi ykkar er ljóstrað upp í sýningunni
sem frumsýnd var hjá Leikfélagi
akureyrar í febrúar en er nú komin
til borgarinnar. Edda Björgvinsdóttir,
Helga Braga Jónsdóttir og Björk
Jakobsdóttir fara á kostum. miðaverð
3450 krónur á midi.is.
n raddsveitin 3 raddir og Beatur
koma fram á Prikinu klukkan 22 í
kvöld. Kenya, sandra og Inga Þyrí
settu sönghópinn saman ekki alls
fyrir löngu og hafa fengið frábærar
viðtökur. taktkjafturinn Bjartur er svo
hin dúnmjúka rúsína í hljómfögrum
pylsuenda. danni deluxxx tekur við að
söngnum loknum.
n fyrst var það gervihnötturinn, svo
búðin og nú er það bandið. Hljóm-
sveitin spútnik spilar á Players í kvöld
fyrir alla sem hafa gaman af því að
lyfta sér upp með hækkandi sól. Þeir
sem fíla himingeiminn og notuð föt
eru sérstaklega velkomnir. fjörið hefst
klukkan 0.30.
n Er það Hannes smárason? Neeei! Er
það Hannes Hólmsteinn? Neeei! Er
það dj Hannes? Jaaaaaaá! Kappinn
mun þeyta skífum á Vegamótum í
kvöld eins og gróðærið sé enn í gangi.
n aukasýning verður á Þú ert hér á
Litla sviði Borgarleikhússins í kvöld.
Verkið er unnið upp úr vinnustofum
og ýmiss konar rannsóknarvinnu á
atburðum undangenginna mánaða
í íslensku samfélagi. sýningin hefst
klukkan 21, miðaverð 3450 krónur.
laugardagur
n astró kvöld verður haldið á
Nasa í kvöld. Þar verður reynt að
endurskapa stemninguna sem ríkti á
skemmtistaðnum astró í austur-
stræti á ofanverðri 20. öld og byrjun
þeirrrar 21. svali og Áki Pein sjá um
tónlistina. Húsið opnað klukkan 24,
aldurstakmark 30 ár, forsala í Blend í
Kringlunni og smáralind.
n Ein vinsælasta hljómsveit íslenskrar
popptónlistarsögu, sálin hans Jóns
míns, spilar á Players í kvöld. Lokahóf
Hsí er sama kvöld á Broadway og
má fastlega búast við að einhverjar
handboltakempur renni í Kópavog-
inn eftir að skipulagðri dagskrá lýkur.
Ballið byrjar klukkan 0.30.
n Enn ein sýningin á Hart í bak
verður á stóra sviði Þjóðleikhússins
í kvöld. sýningin hefur notið
gríðarlegra vinsælda frá því hún var
frumsýnd síðasta haust enda fer
leikhópurinn á kostum með gunnar
Eyjólfsson fremstan í flokki. Hefst
klukkan 20, miðaverð 3400 krónur.
n sælkerar og annað áhugafólk
um mat ætti að leggja leið sína í
Norræna húsið á laugardaginn því
þá fer þar fram málþingið matur
og málþing. í brennidepli verður
svæðisbundin matarmenning á
íslandi. stendur frá klukkan 14 til 17,
allir velkomnir.
n Húsvíkingar og þeir sem eiga
leið þar um á laugardag ættu að
kíkja við í geðræktarmiðstöðinni
setrinu. Þar verður opið kaffihúsið
Kaffi manía þar sem hægt verður að
kaupa „geðveikar“ kökur og kaffi á
„geðveiku“ verði og til skemmtunar
verður lifandi tónlist, ljóðalestur,
happdrætti og fleiri uppákomur.
Opið frá 14 til 22.
Hvað er að
GERAST?M
aría er svo
hress og já-
kvæð. Hún er
full af lífskrafti
og orku og lif-
ir lífinu af
miklu æðru-
leysi,“ svarar Valgerður Guðnadóttir
söngkona aðspurð hvernig karakter
María Von Trapp er.
Valgerður fer einmitt með hlut-
verk Maríu í uppfærslu Borgarleik-
hússins á hinum klassíska söngleik
Söngvaseið sem frumsýndur er í
kvöld. „Hún er líka tilfinninganæm
og einlæg en það er heilmikið skap
í henni get ég sagt þér og hún get-
ur orðið alveg foxill, rétt eins og ég,
segir Valgerður enn fremur og skell-
ir upp úr.
Hún þurfti ekki að kafa djúpt til
að finna Maríu Von Trapp innra
með sér, þær séu í raun mjög líkar.
„Þessi karakter líkist mér tölu-
vert en fólk er svo margt og maður
er ekki einlitur. Og það er María ekki
heldur. Hún er skemmtilegur kar-
akter og mikill húmoristi.“
Það var Magnús Geir Þórðarson,
leikhússtjóri Borgarleikhússins, sem
hringdi í Valgerði og bauð henni að
koma í prufu fyrir hlutverkið fyrir
rúmu ári síðan en þau höfðu unnið
saman nokkrum sinnum áður.
„Ég var kasólétt á þeim tíma, átti
að eiga eftir rúma viku. Ég mætti í
prufuna á steypirnum og það var
mjög fyndið og skrýtið að standa
þarna og leika unga, saklausa stúlku
með kúluna framan á mér. En það
gekk vel.“
Valgerður undirbjó sig vel fyrir
prufuna. „Ég hafði tröllatrú á sjálfri
mér fyrir þetta hlutverk og ég man
að ég hugsaði með mér hvað það
yrði gaman að leika Maríu. Svo
finnst mér röddin mín líka henta
vel fyrir þessa tegund af söng,“ segir
Valgerður sem hefur dágóða reynslu
af svipuðum söngstíl, en hún hefur
sungið inn á nokkrar Disney-mynd-
ir þar sem hún notar náttúrurödd-
ina eins og hún sjálf kallar það.
Valgerður viðurkennir að það
að feta í fótspor Julie Andrews, sem
gerði hlutverkið ódauðlegt á sínum
tíma, sé vissulega áskorun. „En ég
geri þetta á minn hátt. Julie Andr-
ews er vissulega fyrirmyndin og hún
syngur óskaplega vel, en ég set mitt í
þetta hlutverk og geri þetta af minni
tilfinningu. Ég er ekkert stressuð yfir
því að fólk sé að bera okkur saman,“
segir Valgerður hreinskilnislega.
Blaðamaður spyr þá út í væntan-
lega komu Julie Andrews til lands-
ins í haust í tengslum við söngleik-
inn fræga og Valgerður kemur alveg
af fjöllum. „Ja, þú ert að segja mér
fréttir. Þetta er rosalega fyndið. Ef
svo er held ég að ég verði svolítið
stressuð,“ segir hún skellihlæjandi.
Valgerður byrjaði ung að syngja
og kviknaði áhuginn snemma. „Ég
hlustaði svo mikið á mömmu mína
og systur syngja,“ segir Valgerður
sem ólst upp á söngelsku heimili.
Móðir Valgerðar kynnti hana fyrir
allskyns söng, allt frá óperu til dæg-
urtónlistar.
„Ég var ofsalega hrifin af klass-
ískri tónlist en var þó meira í því að
syngja dægurlög. Sem unglingur
byrjaði ég í kór Langholtskirkju og
fór þá að hafa meiri áhuga á klass-
ískum söng.“
Valgerður byrjaði síðan í Versl-
unarskólanum þar sem hún tók
þátt í öllum söngleikjum skólans.
Aðspurð segir Valgerður klassíska
sönginn ekki hafa truflað popp-
sönginn. „Þetta fór vel saman og ég
hoppaði á milli stíla eins og ekkert
væri, hvort sem það var popp, rokk
eða klassík,“ segir Valgerður bros-
andi. Í Versló tók hún þátt í uppsetn-
ingu á Tommy, Cats og Jesus Christ
Superstar svo eitthvað sé nefnt.
Hún segir þó Verslunarskólann
ekki hafa orðið fyrir valinu vegna
tónlistarinnar. „Bróðir minn var í
skólanum og hann var sá flottasti í
heiminum og ég leit mikið upp til
hans. Hann sýndi mér oft myndir
úr félagslífinu og mér þótt það mjög
spennandi, en ætli félagslífið hafi
ekki höfðað meira til mín en eitt-
hvað annað,“ útskýrir Valgerður.
Hún kláraði Söngskólann árið
1998 og langaði þá í áframhaldandi
nám erlendis. Hún sótti um í Guild-
hall School of Music and Drama og
Royal Academy of Music í London
sem eru með virtustu tónlistarhá-
skólum Englands og fékk inngöngu
í báða. Hún valdi Guildhall og ári
seinna var hún flutt til London og
byrjuð að leigja ásamt tveimur vin-
konum sínum. Hún segir þann tíma
ógleymanlegan og eitthvað sem all-
ir verði að upplifa. Nokkru seinna
fluttist unnusti hennar einnig út.
Þar varð hún ófrísk að sínu fyrsta
barni, 24 ára gömul.
Valgerður dvaldi í London í rúm
tvö ár. Hún útskrifaðist með gráðu í
óperusöng og eftir útskrift varði hún
einu ári í einkakennslu í söng.
„Ég hefði gjarnan viljað vera
lengur en það er erfitt að vera með
lítið barn í London og foreldrar mín-
ir voru báðir veikir á þessum tíma,
móðir mín var með Alzheimer og
faðir minn orðinn ansi hrumur,“
segir Valgerður. „Ég hafði áhyggj-
ur af þeim og vildi koma heim og
hjálpa til,“ bætir hún við. Hún segist
hafa upplifað mjög blendnar tilfinn-
ingar við flutninginn, henni leið vel í
London en Ísland kallaði á hana.
Valgerður útilokar þó ekkert í
sambandi við framtíðina og hún
hefði ekkert á móti því að flytja út á
nýjan leik. „Það er aldrei að vita. Við
sjáum til hvaða stefnu lífið tekur og
ég útiloka ekki neitt. En ég er kom-
in með svo stóra fjölskyldu að það
er meira en að segja það að flytja til
útlanda.“
Valgerður á þrjár ungar stúlkur.
Sú elsta er átta ára og sú yngsta eins
árs. Hún segir líf sitt ekkert ósvip-
að Von Trapp-fjölskyldunnar. „Ég
er umkringd börnum dag og nótt, í
vinnunni og heima fyrir,“ segir hún
hlæjandi.
Við heimkomuna hellti Valgerð-
ur sér í sönginn og hefur hún komið
að mörgum barnaleikritum, óper-
um og komið fram á fjölda tónleika.
Hún viðurkennir þó að hafa ekki
sungið eins mikið af óperu og hún
hefði viljað.
„Ég er alls ekki búin að leggja óp-
erudrauminn á hilluna. Ég hef kom-
ið fram á ýmsum tónleikum en mig
langar til þess að þjálfa mig betur í
því að verða meiri óperusöngkona.
Það kemur kannski með aldrinum
en þó vil ég ekki missa hitt.“ Og á þá
við dægurtónlistina, eins og Söngva-
seið.
Valgerður hafði mikið dálæti á
kvikmyndinni, rétt eins og margar
stúlkur á hennar aldri. Kvikmyndin
kom út árið 1965 og hefur lifað góðu
lífi síðan þá. „Ég hef séð myndina
alveg billjón sinnum ásamt Ástu
frænku minni. Við vorum alveg
sjúkar í þessa mynd og sungum og
sungum með öllum lögunum,“ rifjar
Valgerður upp. „En svo kom tímabil
sem unglingur þar sem mér fannst
myndin aðeins of væmin. Í dag
fíla ég þessa mynd í botn og dætr-
um mínum finnst hún líka mjög
skemmtileg.“
Æfingar hafa staðið yfir í nokkra
mánuði og segir Valgerður leikhóp-
inn og alla sem koma að sýningunni
stórkostlega. „Þórhallur Sigurðsson
leikstjóri er svo dásamlega flinkur
og gerir þetta svo vel. Ég ber ótak-
markaða virðingu fyrir honum.
Þetta er það skemmtilegasta sem
ég geri og ég hef trú á því að þessi
söngleikur eigi eftir að ganga vel.
Ætli ég geri nokkuð annað á næst-
unni?“ spyr hún sjálfa sig og hlær.
„Ég hef mikinn áhuga á því að vinna
í leikhúsi, þetta eru mínar ær og
kýr.“
Og hún lifir fyrir Söngvaseið
þessa dagana, enda boðskapurinn
fallegur og endurnærandi á erfiðum
tímum eins og Íslendingar ganga nú
í gegnum og er Valgerður ekki frá því
að Íslendingar ættu að taka Maríu
Von Trapp sér til fyrirmyndar til að
láta sér líða betur.
„Hún hefur það oft svolítið skítt
en finnur hamingjuna að lokum,“
segir Valgerður og brosir breitt.
hanna@dv.is
Sér sjálfa sig í
Maríu Von Trapp
„Ég mætti í prufuna á steypirnum og
það var mjög fyndið og skrýtið að standa
þarna og leika unga, saklausa stúlku með
kúluna framan á mér. En það gekk vel.“
Þriggja barna móðir Valgerður segir
líf sitt ekkert ósvipað Von trapp-fjöl-
skyldunnar. „Ég er umkringd börnum
dag og nótt, í vinnunni og heima fyrir.“
einar Bárðarson Vonar að ekkert komi fyrir munina dýrmætu í Víkingaheimum.