Dagblaðið Vísir - DV - 23.10.2009, Qupperneq 43

Sport 23. október 2009 föStudagur 43
Heimsmeistarakeppni U20 ára landsliða lauk á dögunum þar sem Gana varð fyrsta Afríkuþjóðin til að
hampa þeim merka titli. Margar af skærustu stjörnum heims hafa fyrst komist á kortið eftir þessa keppni.
Þarna slógu fyrst í gegn meðal annars miðvallarsnillingarnir Andrea Pirlo með Ítalíu og Xavi með Spáni.
Nýjasta dæmið er Pato sem fór á kostum í keppninni fyrir tveimur árum. Hann leikur í dag aðalhlutverkið
hjá AC Milan á Ítalíu. Gana varð meistari í ár, Brasilía endaði í öðru sæti og Ungverjaland þriðja. Sex
menn úr þessum liðum vöktu mikla athygli á mótinu.
Stjörnur
morgundagSinS
Alex Teixeira - Brasilíu
19 árA sóknArsinnAður miðjumAður,
VAsco de GAmA í BrAsilíu
Almennt talinn leikmaður mótsins. Alex Teixeira
fór hreint á kostum í keppninni sem haldin var í
Egyptalandi. Hann var maður leiksins í nær öllum
leikjum Brasilíu á mótinu. Hann getur hvort sem
er spilað á miðjunni, fyrir aftan framherjann og
meira að segja á hægri kantinum í þriggja manna
sókn beri svo við. Sama hvar hann er látinn spila
skína hæfileikar hans í gegn. Á HM skoraði hann
þrjú mörk og gaf tvær stoðsendingar ásamt því að
vera alltaf hættulegur við mark andstæðinganna.
Hvernig hann og félagi hans í brasilíska liðinu,
Guiliano, léku saman var hreinn unaður að horfa
á. Þessi 19 ára leikmaður sem leikur með Vasco de
Gama í heimalandinu er talinn pottþétt stjarna
framtíðarinnar.
dominic Adiyiah - Gana
20 árA frAmherji,
fredriksTAd í noreGi
Þessi tvítugi Ganverji varð
markahæstur á mótinu
með átta mörk í sjö leikjum
og var valinn leikmaður
mótsins þrátt fyrir að
sumir hefðu viljað sjá
Teixeira hampa þeim titli.
Munurinn á þeim tveimur
var auðvitað að Gana varð heimsmeistari. Adiyiah
sýndi gífurlega hæfileika fyrir framan markið á
mótinu og skoraði mörk með báðum fótum ásamt
því að sýna fína skallatækni. Þá hangir hann ekki
bara inni í teig, heldur er afar góður liðsspilari og
finnur stöðugt samherja sína. Með því að verða
markahæsti maður mótsins er hann kominn í flokk
með ekki ómerkari mönnum en Lionel Messi og
Sergio Aguero en framtíð þeirra varð heldur betur
björt eftir góðan árangur á HM U20.
Peter Gulacsi -
ungverjalandi
19 árA mArkVörður,
liVerPool á enGlAndi
Það er einfaldlega ekki alltaf
þannig að markverðir veki
athygli á svona mótum,
of oft er alls ekki verið að
fylgjast með þeim þar sem
ungir markverðir eru ekkert sérstaklega eftirsóttir.
Einn fór þó á kostum á mótinu, Peter Gulacsi,
markvörður Ungjveralands, sem endaði í þriðja
sæti. Hann varði meðal annars þrjár vítaspyrnur í
vítaspyrnukeppninni gegn Kosta Ríka um bronsið
og var valinn markvörður mótsins. Því miður fyrir
stórliðin úti í heimi er Liverpool nú þegar búið að
ná honum en það var fyrir tveimur árum þegar
hann lék í heimalandinu með MTK. Hann er núna
á láni hjá Hereford því ekki skákar hann hinum
magnaða Pepe Reina en framtíðin ætti að vera
björt fyrir þennan stóra markvörð.
Giuliano -
Brasilíu
19 árA miðjumAður,
inTernAcionAl í
BrAsilíu
Guiliano er sannkölluð tía
sem hefur meðal annars
fengið einkakennslu hjá
hinum stórfenglega Kaká.
Guiliano sá um að stýra sóknarleik brasilíska
liðsins og þótti gera það afskaplega vel. Honum
var líkt við forvera sína á mótinu eins og Andrea
Pirlo og Xavi en báðir sýndu þeir á þessu sama
móti fyrir nokkru hæfileika sína til að stýra spilinu
á miðjunni. Hann var valinn þriðji besti leikmaður
mótsins á eftir Teixera og Adiyiah, verðlaun sem
allir viðurkenndu að hann átti skilið. Hann var
keyptur til brasilíska stórliðsins Internacional
fyrir þarsíðasta tímabil. Menn þar á bæ virðast
vita nákvæmlega í hvað stefnir hjá þessum mikla
hæfileikadreng og hefur hann fengið nóg að spila
í heimalandinu.
Vladimir kom-
an - ungverja-
landi
20 árA miðjumAður,
sAmPdoriA á íTAlíu
Fyrirliði Ungverjalands,
Vladimir Koman, leikur
á miðjunni og þykir afar
harður í horn að taka. Hann skoraði einnig fimm
mörk af miðjunni og fékk silfurskóinn fyrir það
afrek sem telst nokkuð gott af miðjumanni. Hann
þótti ein helsta ástæða velgengni Ungverjalands
á mótinu ásamt markverðinum Peter Gulacsi
og dreif sína menn áfram í hvert skipti sem þeir
hengdu haus. Ásamt mörkunum fimm sem hann
skoraði lagði hann upp önnur þrjú og skoraði afar
örugglega úr sínu víti í vítaspyrnukeppninni gegn
Kosta Ríka sem tryggði Ungverjalandi þriðja sætið.
Hann er samningsbundinn Sampdoria en hefur
verið lánaður til Bari á Ítalíu fyrir þessa leiktíð þar
sem hann á að safna í reynslubankann.
emmanuel Agyemang-
Badu - Gana
19 árA VArnArsinnAður miðjumAður,
Berekum ArsenAl í GAnA
Maðurinn sem skoraði aðalmarkið í vítaspyrnu-
keppninni. Agyemang-Badu hefur eflaust
átt auðvelt með að sofna eftir að Gana vann
heimsmeistarakeppnina því það var vítaspyrna
hans í vítaspyrnukeppninni sem tryggði Gana
sjálfan titilinn. Nær allir útsendarar mótsins höfðu
augun á þessum varnarsinnaða miðjumanni sem
þykir einstaklega sterkur og svipar til Claudes
Makelele, fyrrverandi landsliðsmanns Frakklands
og leikmanns Chelsea og Real Madrid. Agyemang-
Badu þykir einstaklega snjall í að brjóta niður
sóknir andstæðinganna og er slagurinn um
undirskrift hans heldur betur hafinn. Hann er
samningsbundinn liði í Gana en á láni hjá öðru liði
í heimalandinu. Juventus þykir hvað líklegast til að
landa pilti eins og staðan er núna.
UFC í beinni útsendingu:
„Þrír gamlir menn sögðust
aldrei missa af bardaga“
„Þetta verður flottur bardagi. Lyoto
Machida er að öllum líkindum að verða
nýjasta ofurstjarnan í UFC,“ segir rapp-
arinn, grínistinn og helsti sérfræðingur
Íslendinga um UFC-bardagakeppnina,
Halldór Halldórsson, betur þekktur
sem Dóri DNA. Halldór hefur séð um
að lesa inn á alls kyns þætti í kringum
UFC-bardagakeppnina á Stöð 2 Sport.
Bardaginn sem hann vitnar til á milli
þeirra Lyoto Machida og Shogun verður
í beinni útsendingu á laugardagsnóttina
en dagskráin hefst klukkan 02.00.
„Machida er frábrugðinn öllum öðrum
að því leyti að hann hefur grunn úr
karate sem var búið að dæma ónýta
bardagalist. Hann er samt alveg
ógeðslega góður í öllu öðru. Hann
hefur eiginlega ekki enn verið sleginn í
andlitið á sínum ferli. Menn bara ná ekki
höggi á hann,“ segir Halldór en minnir
á gæði andstæðings hans, Shogun.
„Shogun er náttúrlega fyrrverandi
heimsmeistari og var eitt sinn talinn allra
manna bestur. Hann er rosalega góður
og sagður í flottu formi núna. Nái hann
að koma bardaganum í gólfið er hann til
alls líklegur,“ segir Halldór.
Fleiri bardagar verða í beinni á undan
aðalbardaganum þar sem meðal annars
nokkrir ungir og upprennandi þunga-
vigtarmenn slást í þessari gífurlega
vinsælu bardagakeppni sem fer sigurför
um heiminn. Þetta verður í annað skiptið
sem Halldór lýsir keppni beint og stefnir
hann á að fá okkar færasta bardaga-
íþróttamann, Gunnar Nelson, til að sitja
yfir aðalbardaganum með sér.
Vinsældir blandaðra bardagalista sem
notast er við í UFC verða vinsælli með
mínútunni. „Ég var nú bara í Nóatúni um
daginn þar sem þrír gamlir menn stöðv-
uðu mig og sögðu mér að þeir misstu
aldrei af þætti. Þetta er algjörlega að
bresta á hérna heima. Vinsældirnar eru
alltaf að aukast. Þetta hefur burði til
þess að verða vinsælla en hnefaleikar
hér heima. Þetta er öllu mannúðlegra
sport. Ekki er verið að berja fólk í andlitið
allan tímann og svo er hægt að klára
bardagana á annan hátt en að rota
menn. Þetta er bara tignarlegra sport
finnst mér,“ segir Halldór Halldórsson,
UFC-sérfræðingur Íslands.
tomas@dv.is
Tekist á Það vantar ekki átökin í UFC
sem verður vinsælla með hverjum
deginum.