Dagblaðið Vísir - DV - 15.01.2010, Qupperneq 46

46 FÖSTUDAGUR 15. janúar 2009 HELGARBLAÐ
Ó
lafur Kjartan Sigurðarson óp-
erusöngvari er að verða afi á
næstunni, aðeins 41 árs. Faðir
hans, tónlistarmaðurinn Sigurð-
ur Rúnar Jónsson, oftast kallaður
Diddi fiðla, er því að verða langafi en sjálfur er
hann rétt tæplega sextugur að aldri. Það sem
gerir þetta enn merkilegra er að Diddi á sjálf-
ur móðurafa á lífi og því er von á sjötta ætt-
liðnum í heiminn.
Sonur Ólafs Kjartans, Fjölnir, á von á barni
í febrúarmánuði með unnustu sinni, Völu
Bjarneyju Gunnarsdóttur. Bæði eru þau nítj-
án ára, en hann lauk stúdentsprófi nú um
jólin og Vala Bjarney nær sama áfanga á vori
komanda. Fjölnir á langalangafa á lífi, Giss-
ur Ó. Erlingsson, sem fagnaði hundrað ára
afmæli sínu á síðasta ári og í febrúar fagnar
hann þeim áfanga að verða langalangalang-
afi barnsins sem þá kemur í heiminn.
Háaldraður sjálfur
Ólafur Kjartan er búsettur úti í Þýskalandi,
ásamt konu sinni Sigurbjörgu og dætrunum
Ásgerði og Brynju, en hann hefur verið fast-
ráðinn við óperuna í Saarbrücken síðastlið-
in tvö ár. Aðspurður segist hann virkilega
spenntur yfir því að verða afi en finnst leið-
inlegt að vera búsettur erlendis á sama tíma.
„Mér finnst það náttúrlega stórkostlegt að
verða afi. Það er rosalega spennandi en verst
finnst mér að vera afi í útlöndum. Við ætlum
auðvitað að reyna að hitta þau sem fyrst sem
og nýja fjölskyldumeðliminn. Auðvitað verða
þau ungir foreldrar en það er ekkert nýtt í
þessari fjölskyldu,“ segir Ólafur Kjartan.
„Foreldrar mínir voru sjálfir átján ára þeg-
ar ég fæddist og foreldrar pabba voru sautján
þegar hann fæddist. Sjálfur var ég tuttugu og
eins árs þegar Fjölnir fæddist, þannig er ég
ættleri því ég var orðinn alveg hundgamall.“
Sprækur langalangalangafi
Langafi Ólafs Kjartans óperusöngvara er
Gissur Ó. Erlingsson þýðandi sem fæddist í
marsmánuði árið 1909 og hélt hann því upp
á merkan áfanga á síðasta ári er hann varð
hundrað ára gamall. Hann er við hesta-
heilsu og starfar enn við þýðingar. „Langafi
er enn að vinna við þýðingar og hann send-
ir mér tölvupóst nokkrum sinnum í mánuði.
Hann er í fullu fjöri og miklu meira en það.
Langafi er alveg ótrúlega sprækur og hann er
himinlifandi yfir því verða langalangalang-
afi. Hann er virkilega stoltur af ættleggn-
um enda einstakt fyrir hann að fylgjast með
sjötta ættliðnum í burðarliðnum,“ segir Ól-
afur Kjartan.
Amma Ólafs Kjartans er Jóhanna G. Er-
lingsson, textahöfundur og þýðandi, sem
fæddist í janúar árið 1932. Hún er þekkt fyrir
mörg falleg ljóð og texta, meðal þeirra hljóm-
aði í jólamánuðinum hið þekkta ljóð hennar,
Jólin alls staðar. Það samdi hún við lag eigin-
manns síns, Jóns bassa Sigurðssonar.
Húmor og léttlyndi
Foreldrar Ólafs, þau Sigurður Rúnar Jóns-
son tónlistarmaður og Ásgerður Ólafsdótt-
ir, eru búsett í Reykholti í Borgarfirði. Hún er
þar skólastjóri en Diddi starfar við tónsmíð-
ar, kórstjórn, hljóðupptökur og kennslu.
„Það eru að sjálfsögðu allir verulega kátir
yfir þessu, langafi, amma, pabbi og ég. Fjöl-
skyldan hefur í gegnum tíðina verið mjög
samheldin og við hittumst eins reglulega og
hægt er. Hópurinn hefur vissulega dreifst
undanfarin ár en við hittumst alltaf á stórhá-
tíðum auðvitað,“ segir Ólafur Kjartan.
„Langafi hefur aldrei farið í þann leik að
þakka einhverju sérstöku fyrir að hafa náð
þessum aldri en hann talar um það að létt-
lyndi og húmorinn haldi sér gangandi. Hann
er líka einstaklega skapgóður og skemmti-
legur maður, og það á eiginlega við þennan
legg allan.“
Vita ekki hvort kynið er
Hinir verðandi foreldrar vita ekki hvort kyn-
ið barnið þeirra er og eins og gefur að skilja
bíður Ólafur Kjartan spenntur eftir fæðingu
barnabarnsins og er stoltur af syni sínum og
unnustu hans. „Þau eru spennt og reiðubúin
undir hið nýja hlutverk. Hvort um er að ræða
stúlku eða dreng vitum við ekki og það verð-
ur bara óvæntur glaðningur,“ segir Ólafur
Kjartan.
„Fjölnir hefur fundið sér dásamlega
stúlku, vægt til orða tekið. Að baki henni
stendur frábært fólk sem styður líka við bak-
ið á þeim og allt er þetta ómetanlegt. Þetta
eru flottir krakkar sem eiga framtíðina fyr-
ir sér, í foreldrahlutverkinu sem og í öðrum
hlutverkum.“ +
trausti@dv.is
FIMM ÆTTLIÐIR SAMAN
Fjölskyldan er þekkt fyrir
húmor og léttlyndi. Hér eru
saman komin langalanga-
langafinn Gissur, langalang-
amman Jóhanna, langafinn
Sigurður Rúnar, afinn Ólafur
Kjartan og hinir verðandi
foreldrar, Fjölnir og Vala
Bjarney. MYND SIGTRYGGUR ARI
Ólafur Kjartan Sigurðarson óperusöngvari verður afi í næsta mánuði, 41 árs. Sjálfur á hann langafa á lífi sem
þá verður langalangalangafi. Allur ættleggurinn bíður spenntur eftir nýjasta meðlimnum en kynið er ekki vit-
að. Ólafur Kjartan segist sjálfur vera ættleri því hann var orðinn hundgamall, 21 árs, þegar hann átti son sinn.
BEÐIÐ EFTIR
SJÖTTA ÆTTLIÐNUM
„SJÁLFUR VAR ÉG
TUTTUGU OG EINS ÁRS
ÞEGAR FJÖLNIR FÆDDIST,
ÞANNIG ER ÉG ÆTTLERI
ÞVÍ ÉG VAR ORÐINN ALVEG
HUNDGAMALL.“