Dagblaðið Vísir - DV - 09.04.2010, Qupperneq 8

8 FÖSTUDAGUR 9. apríl 2010 FRÉTTIR
EINN EÐA TVEIR
MILLJARÐAR?
n Óskar Sigurðsson, skiptastjóri
Fons hf. félags Pálma Haraldssonar,
hefur höfðað riftunarmál vegna
milljarðs sem
rann úr sjóðum
félagsins til Jóns
Ásgeirs Jóhann-
essonar. Þannig
reynir Óskar
væntanlega að
endurheimta
verðmæti meðal
annars í þágu
Glitnis, sem gerir stærstu kröfuna
í búið. Nú hefur skilanefnd Glitnis
höfðað skaðabótamál gegn Jóni
Ásgeiri og fimm öðrum eigendum og
stjórnendum hins fallna banka og
krefst 6 milljarða króna samtals. Ætla
má að Jón Ásgeir eigi að greiða einn
milljarð fallist dómstólar á kröfuna.
Nú hefur spurning vaknað hvort hér
sé um sama milljarðinn að ræða eða
hvort ætlunin sé að Fonsbúið fái einn
milljarð og skilanefnd Glitnis annan.
„ENGAN ÚTÚR ­
SNÚNING TAKK“
n Svavar Gestsson hefur opnað
vefsíðu, svavar.is. Frægast verka
hans í seinni tíð er Icesave-samn-
ingurinn sem
Svavarsnefndin
svonefnda gerði
og valdið hefur
óslitnum deilum
frá því snemm-
sumars í fyrra.
Nú ritar Svavar
á vefsíðu sína:
„Það er varasamt
að gera meira úr erfiðleikunum en
efni standa til. Þá er hættan sú að við
komumst aldrei yfir erfiðleikana. Það
ljótasta í stöðunni núna er að mínu
mati atvinnuleysið. Og það er svona
mikið vegna þess að við höfum ekki
lokið Icesave málinu. Um það ber
öllum saman sem vilja sjá stað-
reyndir. En ekki útúrsnúning takk:
Atvinnuleysið væri minna en hyrfi
auðvitað ekki.“ Skyldi Ögmundur
Jónasson hafa rekið augun í þetta?
TÖLVUPÓSTAR
STUNDUM GÓÐIR
n Davíð Oddsson gekk af sínum
síðasta ríkisstjórnarfundi í sept-
ember 2005, fáeinum dögum eftir að
Fréttablaðið birti
fyrstu frétt sína
um tölvupósta
Jónínu Bene-
diktsdóttur
og Styrmis
Gunnarssonar
ritstjóra. Póstarn-
ir þóttu varpa
ljósi á upphaf
Baugsmálsins svonefnda. Blaðamað-
ur spurði Davíð hvort tölvupóstarnir
væru ekki venjulegar upplýsingar
sem sannreyna mætti.
„Ég horfi nú ekki á það með þeim
hætti. Þegar farið er að brjótast inn í
tölvupósta manna, þá er þetta komið
á alvarlegt stig, mjög óvenjulegt stig,
sem allir hljóta að hafa áhyggjur af,“
svaraði Davíð. Skyldi ritstjóri Morg-
unblaðsins hafa svipaðar áhyggjur af
Glitnispóstunum nú?
ÝMIST OF EÐA VAN
n Núverandi ríkisstjórn hefur lengi
verið sökuð um skort á nauðsyn-
legum myndugleik. Þess utan hafi
hún gert sig
seka um að slá
ákvörðunum á
frest. Fyrir þetta
hefur hún sætt
gagnrýni. Margir
telja að Álfheiður
Ingadóttir heil-
brigðisráðherra
hafi viljað reka
slyðruorðið af ríkisstjórninni þegar
hún með festu og myndugleik ákvað
að áminna Steingrím Ara Arason,
forstjóra Sjúkratrygginga, fyrir að
leita álits Ríkisendurskoðunar á
lögmæti nýrrar reglugerðar. Nú sætir
hún ámæli fyrir að sýna myndugleik
að tilefnislausu og meira að segja
ríkisendurskoðandi setur sjálfur
ofan í við hana með þunga.
SANDKORN
Sólrúnu Júlíusdóttur, fráfarandi
læknaritara hjá Heilbrigðisstofn-
un Fjallabyggðar, hefur verið boðinn
starfslokasamningur sem samkvæmt
heimildum DV hljóðar upp á laun
næsta hálfa árið. Áður hafði hún ver-
ið send í launað leyfi frá stofnuninni,
að hennar mati þar sem forstjórinn,
Konráð Karl Baldvinsson, hafi viljað
losna við hana.
Ástæða brottvikningarinnar tel-
ur Sólrún vera þá að hún var ein
margra sem stóðu að undirskrifta-
stöfnun til stuðnings yfirlækni heil-
brigðisstofnunarinnar, Andrési
Magnússyni, en tilkynnt hafði verið
að staða hans yrði lögð niður vegna
sameiningaráforma. Þá söfnuðust
yfir þúsund undirskriftir til stuðn-
ings lækninum. Í kjölfar deilunn-
ar kvartaði Sólrún til heilbrigðis-
ráðuneytisins þaðan sem hún segist
engin svör hafa fengið en vegna
kvartananna segir hún forstjórann
hafa sakað hana um trúnaðarbrest
og sent hana í launað leyfi.
Engin áminning
Sólrún undrast hvers vegna henni var
sagt upp án þess að hún fengi nokkra
áminningu vegna brots í starfi. Hún
segist lítið annað hafa séð í stöðunni
en að þiggja starfslokasamning en
sjálf undirbýr hún að senda málið til
umboðsmanns Alþingis. „Viljinn var
klárlega sá að losna við mig því ég
var óþægileg. Ég var meðal annarra í
þessari undirskriftasöfnun en það var
líka fjöldi annarra. Þetta var hitamál
hér á Siglufirði því okkur þykir vænt
um yfirlækninn okkar,“ segir Sólrún.
„Ég hef sent fjölda kvörtunarbréfa
á heilbrigðisráðuneytið en það eina
sem ég sé að hafi verið gert er að bréf-
in voru send beint frá ráðuneytinu á
forstjórann. Slík vinnubrögð skil ég
ekki og ég er að kanna rétt minn til að
sækja rétt minn. Um síðustu mánaða-
mót fékk ég starfslokasamninginn en
áður hafði ég verið heima í tvo mán-
uði á launum. Mér er sagt að starfs-
lokin séu til komin vegna skipulags-
breytinga en ég fæ engin svör um
hvaða breytingar það eru.“
Fékk kvörtunarbréfin
Konráð Karl viðurkennir að Sólrúnu
hafi verið sagt upp að mestu leyti
vegna mótmæla en ekki skipulags-
breytinga, annars vegar vegna kvart-
ana til heilbrigðisráðuneytisins og
hins vegar fyrir að tengjast undir-
skriftasöfnun. Aðspurður segist hann
hafa fengið send frá ráðuneytinu
kvörtunarbréf læknaritarans en að
það hafi verið gert að sínu frumkvæði.
„Það er staðreynd að læknaritar-
anum var afhentur starfslokasamn-
ingur. Ástæðan er trúnaðarbrestur
milli viðkomandi og mín og kvart-
anir til ráðuneytisins. Fyrir þær sakir
varð það samkomulag að hún léti hér
af störfum. Það er óhætt að segja það
að undirskriftasöfnunin á sínum tíma
var líka hluti af þessu máli,“ segir Kon-
ráð Karl.
„Eftir að læknaritarinn kvartaði til
ráðuneytisins fór ég fram á að fá bréf-
in og þau fékk ég send. Slíkur trúnað-
arbrestur, að undirmenn vinni gegn
yfirmanni, er eitthvað sem fáir for-
stöðumenn, hvort sem það er hjá
opinberri stofnun eða einkastofnun,
geta sætt sig við.“
TRAUSTI HAFSTEINSSON
blaðamaður skrifar: trausti@dv.is
Slíkur trúnaðarbrestur, að undirmenn vinni gegn yfirmanni, er eitthvað sem fáir for-
stöðumenn, hvort sem það er hjá opinberri stofn-
un eða einkastofnun, geta sætt sig við.
REKIN FYRIR
AÐ MÓTMÆLA
Sólrún Júlíusdóttir, fráfarandi læknaritari hjá Heilbrigðisstofnun Fjallabyggðar, er
ósátt við að hafa verið sagt upp en ástæðuna telur hún vera þá að hún stóð að baki und-
irskriftasöfnun gegn forstjóranum, Konráði Karli Baldvinssyni. Sjálfur viðurkennir
hann að trúnaðarbrestur hafi leitt til uppsagnarinnar.
Sagt upp Sólrúnu læknaritara var sagt upp
vegna trúnaðarbrests á milli hennar og for-
stjórans en hún kom að undirskriftasöfnun
og kvörtunum til heilbrigðisráðuneytisins.
Karlmaður var í Héraðsdómi Suð-
urlands í gær dæmdur til að greiða
25 þúsund krónur í sekt fyrir að hafa
klæðst einkennisbol lögreglu á veit-
ingastaðnum Hvíta húsinu í Árborg
aðfaranótt sunnudagsins 7. febrúar
síðastliðins. Var maðurinn ákærður
fyrir brot gegn valdstjórninni með
því að hafa notað einkennisbúning
lögreglu opinberlega. Ákærði mætti
ekki fyrir dómara sem kvað upp
dóminn í fjarvist hans. Þá var tekið
fram í dómnum að maðurinn hefði
einnig verið dæmdur fyrir umferð-
arlagabrot og hraðakstur á undan-
förnum misserum.
Í 117. grein almennra hegning-
arlaga segir: „Hver, sem vísvitandi
eða af gáleysi notar opinberlega
eða í ólögmætum tilgangi einkenni,
merki eða einkennisbúning, sem
áskilinn er íslenskum eða erlendum
stjórnvöldum eða hermönnum, eða
einkenni, merki eða búning, sem er
svo áþekkur hinum ofannefndu, að
hætta er á, að á verði villst, skal sæta
sektum.“
Stutt er frá því annar maður var
dæmdur fyrir sama brot. Liðlega
tvítugur piltur var í febrúar dæmd-
ur í 25 þúsund króna sekt fyrir að
vera í einkennisbúningi lögreglu
á balli á Broadway í Reykjavík í
haust.
helgihrafn@dv.is
Ólöglegt er að klæðast lögreglubúningi þegar farið er á barinn:
Sektaður fyrir lögreglubúning
Borgar sekt Ungur
Selfyssingur fór á
skemmtistað í lögreglu-
bol og borgar sekt.
Sólrún Júlíusdóttir Telur að henni
hafi verið sagt upp fyrir að standa að
undirskriftasöfnun.