Dagblaðið Vísir - DV - 27.08.2010, Qupperneq 14

14 FRÉTTIR 27. ágúst 2010 FÖSTUDAGUR
VBS fjárfestingarbanki afhenti Reykjanesbæ, rétt fyrir gjaldþrot bankans, 70 prósent af landinu Hjallar 1.
Landið var veðsett fyrir milljarð og samþykkti Árni Sigfússon veðsetninguna með undirskrift sinni. Óljóst
er hvort að VBS hafi haft heimild til þess að afhenda Reykjanesbæ landið án þess að bærinn greiddi fyrir
það. Veðsetning upp á milljarð situr eftir á 30 prósent landi VBS, sem nú er í eigu ríkisins. Slitastjóri VBS
segir að málið verði skoðað.
Böðvar Jónsson, formaður bæjar-
ráðs Keflavíkur, staðfestir í samtali
við DV að 70 prósent lóðarinnar
Hjallar 1, sé aftur komin í hendur
Reykjanesbæjar. Hann segir Reykja-
nesbæ ekkert hafa greitt fyrir lóð-
ina, og ekki hvíli lengur nein veð á
landinu. Hugsanlegt er að gjörn-
ingnum verði rift en ljóst er að
kröfuhafar bankans, sem er gjald-
þrota, þar á meðal Seðlabanki Ís-
lands, eiga kröfu í veðin. 30 prósent
byggingarlandsins er að sögn Böðv-
ars ennþá í eigu VBS. Milljarða veð-
setningin hvílir því áfram á þeim
hluta landsins. Ólíklegt er að kröfu-
hafar samþykki slíkan gjörning og
mögulegt er að afhendingu lands-
ins aftur til Reykjanesbæjar verði
rift. Hróbjartur Jónatansson, for-
maður slitastjórnar VBS, staðfestir
að málið verði skoðað.
Árni Sigfússon, bæjarstjóri
Reykjanesbæjar, samþykkti með
undirskrift sinni veðsetningu á
byggingarlandinu Hjallar 1, upp
á milljarð króna þann 22. janúar
2008. Þetta kemur fram á veðskjali
sem DV hefur undir höndum. Bygg-
ingarfulltrúi Reykjanesbæjar, Ein-
ar Júlíusson, skrifaði undir veðskjal
sem DV hefur undir höndum, þar
sem hann samþykkti veðsetningu
lóðarinnar, þann 22. janúar 2008.
Þessum gjörningi var þinglýst hjá
sýslumanninum í Keflavík þann
24. janúar 2008, eins og fram hefur
komið.
Í DV á miðvikudaginn var fjallað
um að í júní 2006 hafi einkahluta-
félagið Toppurinn, innflutningur
ehf. og Reykjanesbær gert með sér
samkomulag um lóðarleigusamn-
ing á byggingarlandinu Hjallar 1, en
leigutíminn var 75 ár, frá og með 1.
júní 2006. Þann 26. júní sama ár gaf
VBS út 200 skuldabréf, að samtals
virði eins milljarðs króna, til trygg-
ingar á lánum bankans til Toppsins.
Eigendur Toppsins, sem eiga sér
langa sögu gjaldþrota og vanskila,
fengu þannig milljarð króna í lán
frá VBS, sem ekki var greitt til baka.
Tryggingin fyrir láninu, voru veð
í landinu sem Reykjanesbæ hefur
aftur verið afhent veðlaust. Á svæð-
inu átti að reisa kappakstursbraut-
ir og hótelmannvirki. Á veðbanda-
yfirliti frá Creditinfo kemur fram
að í dag séu Hjallar 1, að 69,67 pró-
sentum í eigu Ríkissjóðs Íslands og
að 30,33 prósentum í eigu Reykja-
nesbæjar.
Afhenti landið á síðustu
metrunum
„Þeir skila bara þarna um það bil
70 prósent af þessum 182 hekt urum
sem áður hafði verið úthlutað,“ segir
Böðvar Jónsson og bætir við að VBS
hafi haldið 50 hekturum og deili-
skipulagt þá. Þórólfur Halldórsson,
sýslumaðurinn í Keflavík, staðfest-
ir að nauðungarsala á landinu hafi
farið fram þann 4. september 2008.
Salan fór fram vegna vanskila Topps-
ins við kröfuhafann VBS, en bankinn
var með fyrsta veðrétt og fékk land-
ið til sín fyrir tvær milljónir. Bank-
inn átti landið þar til nú í mars þeg-
ar Reykjanesbæ var aftur afhent
það. Sýslumaður staðfestir að til sé
þinglýst afsal, þar sem fram kemur
að hluti landsins hafi aftur farið til
Reykjanesbæjar. Jón Þórisson fyrr-
verandi forstjóri VBS kannaðist ekki
við afhendingu eða sölu landsins til
Reykjanesbæjar þegar DV náði tali
af honum, en útilokaði ekki að slíkt
hefði átt sér stað.
Á þeim tíma sem afhending
landsins aftur til Reykjanesbæjar átti
sér stað var VBS fjárfestingarbanki
í raun tæknilega gjaldþrota. Því er
óljóst hvort bankinn hafi í raun haft
heimildir til þess að afhenda Reykja-
nesbæ landið. DV hefur áður fjallað
um slitameðferð bankans, sem hófst
í apríl, en þá þegar var staða bankans
svo alvarleg að ekki þótti ástæða til
að bíða endurskoðunar fyrir síðast-
liðið ár áður en óskað yrði slita. Tveir
af þremur stærstu eigendum VBS eru
Sparisjóður Keflavíkur og Byr. Bæði
fjármálafyrirtækin féllu nær ógjald-
fær í hendur ríkisins fyrir skemmstu
eftir árangurslausa samninga við
lánardrottna. Einn af stærstu kröfu-
höfum VBS er íslenska ríkið vegna
kaupa Seðlabanka Íslands á svoköll-
uðum „ástarbréfum“ sem verið hafa
til umfjöllunar í fjölmiðlum.
Mögulega riftanlegt
Aðspurður um það á hvaða forsend-
um VBS hafi gefið landið aftur til
Reykjanesbæjar segir Böðvar: „Þeir
sjá fram á það að 2011 renni veðið út,
við sömdum um það að uppbygging-
in yrði samkvæmt þeim hraða sem
lóðaleigusamningurinn sagði til um
og þeir semja um að skila þarna 70
prósentum af landinu og að veðsetn-
ingin hvíli áfram á þessum 50 hekt-
urum.“ Þá segir hann að VBS, sem nú
er í höndum ríkisins, fái tveggja ára
viðbótartíma til þess að byggja sinn
hluta upp, en ef engin uppbygging
verði á landinu þá fái Reykjanesbær
þann hluta aftur til baka þann 1. ág-
úst 2013, „og veðin falla bara niður“.
Ólíklegt er að kröfuhafar VBS, þar
á meðal íslenska ríkið, muni sætta
sig við að verðmæt veð í stóru bygg-
ingarlandi verði felld niður. Því er vel
hugsanlegt að samningurinn sem
Böðvar vísar í sé riftanlegur. Hró-
bjartur Jónatansson, formaður slita-
stjórnar VBS, getur ekki tjáð sig um
málið en tekur fram að vinna slita-
stjórnarinnar felist í því að varðveita
eignir, hámarka þær og snúa til baka
gerningum sem eru óeðlilegir og
skaða kröfuhafana. Hann staðfestir
að þetta mál verði skoðað eins og öll
stór lánamál bankans, en framkæmd
þeirra sé nú til skoðunar.
Motopark-skýjaborgin
Eigendur Toppsins voru samkvæmt
ársreikningi fyrir árið 2006, og skýrslu
stjórnar sem gengið var frá 21. júní
2010, bræðurnir Eyjólfur Kristinn
Vilhjálmsson, Vilhjálmur Þór Vil-
hjálmsson og móðir þeirra Þórlína
Jóna Ólafsdóttir. Eigendur Toppsins
voru einnig á bak við einkahlutafé-
lagið Iceland MotoPark en markmið
þess var að byggja upp aksturssvæði
á landi Hjalla, svæðisins sem var
veðsett. Vilhjálmur Þór Vilhjálmsson
fór með framkvæmdastjórn í félag-
inu og með honum í stjórn sat faðir
hans Vilhjálmur Kristinn Eyjólfsson.
Ekkert átti að spara til við uppbygg-
ingu svæðisins, sem var hugsað sem
keppnis-, æfinga-, og tilraunasvæði
þar sem hægt væri keppa í nánast
öllum akstursíþróttum. Í frétt á vef
FÍB um aksturssvæðið kom fram að
þar ætti að rísa lystigarður, hótel,
veitinga- og skemmtistaðir, íbúða-
byggð og atvinnustarfsemi, eins og
til dæmis rannsóknir, kennsla og
tækniþróunarvinna.
Þá var, samkvæmt frétt Félags
íslenskra bifreiðaeigenda, í heild-
arhönnun svæðisins gert ráð fyr-
ir kvikmyndahúsum, veitinga- og
skemmtistöðum, verslunum og
ferðaþjónustu frá svæðinu til ann-
arra ferðamannastaða um allt land.
Tekið var fram að einn af hönnuðum
akstursbrautanna væri Clive Bowen
sem hannaði formúlubraut í Dubaí.
Þá var því haldið fram að viðræður
stæðu yfir við alþjóðlegar hótelkeðj-
ur um byggingu og rekstur hótela á
svæðinu. Þess má geta að Árni Sig-
fússon bæjarstjóri var forstjóri FÍB
á þessum tíma. Stofnandi MotoPark
var Eldgjá ehf., en það félag er skráð
á heimili Vilhjálms og Þórlínu móður
hans að Kirkjubraut 7, Reykjanesbæ.
JÓN BJARKI MAGNÚSSON
blaðamaður skrifar: jonbjarki@dv.is Þeir skila bara þarna um það bil
70 prósent af þessum 182
hekturum sem áður hafði
verið úthlutað.
Árni Sigfússon, bæjar-
stjóri Reykjanesbæjar
Skrifaði undir veðskjalið
til staðfestingar á
veðunum.
Undirskrift Árna Sigfússonar bæjarstjóra fyrir veðsetningu landsins. Undirskrift Einars Júlíussonar byggingarfulltrúa fyrir veðsetningu landsins.
MOTOPARK-SKULDIR TIL SKATTBORGARA