Dagblaðið Vísir - DV - 27.08.2010, Síða 24

24 fréttir 27. ágúst 2010 föstudagur
„Hún er algjör himnasending og er
bara eins og engill. Sefur og drekk-
ur til skiptis,“ segir Petra Sif Gunn-
arsdóttir sem eignaðist sitt fyrsta
barn þann 29. júlí. Petra Sif og eig-
inmaður hennar, Þráinn Brjánsson,
glímdu við ófrjósemi og höfðu lengi
reynt að eignast barn saman en Þrá-
inn á fullorðinn son frá fyrra sam-
bandi. Eftir átta tæknifrjóvgunar-
meðferðir var ákveðið að reyna með
gjafaeggi og það gekk í fyrstu til-
raun.
Egggjafinn er yngri systir Petru,
Íris Rún Gunnarsdóttir. Íris bauð
Petru fyrst egg fyrir þremur árum
en þá vildu læknar reyna betur með
egg Petru. Petra Sif hefur reyndar sex
sinnum orðið ófrísk en alltaf misst í
upphafi meðgöngu en í hana vant-
ar nokkra litninga sem læknar telja
mögulega geta valdið fósturmiss-
inum. Í eggheimtu náðust tuttugu
egg en vegna sýkingar voru aðeins
tvö frjóvguð og sett upp. „Auðvitað
voru það vonbrigði en maður getur
ekki verið annað en sáttur. Við erum
mjög ánægð og þakklát,“ segir Petra
Sif en þau Þráinn nefndu dótturina
Írisi Björk í höfuðið á egggjafanum
og systur Þráins.
Eins og önnur systkinabörn
Íris Rún er einnig himinlifandi með
nýju frænkuna og nöfnuna og seg-
ist vel geta hugsað sér að gera þetta
aftur. „Ég er stundum spurð hvort
mér finnist þetta ekki skrítið en svo
er alls ekki, hvorki á meðgöngunni
né eftir að hún kom í heiminn. Íris
Björk er bara eins og önnur syst-
kinabörn mín. Mér þykir ofsalega
vænt um hana en ég veit að ég á
ekkert í henni,“ segir Íris Rún, sem
á sjálf tvö börn og er hætt barneign-
um.
Petra og Þráinn höfðu ekki tekið
ákvörðun um hversu oft skyldi reyna
með gjafaeggi þar til þau myndu gef-
ast upp og snúa sér að ættleiðingu
enda reyndist þess ekki þörf. „Petra
var alveg viss um að þetta myndi
ganga um leið og við fengum gjaf-
aegg. Við hefðum viljað skipta yfir
fyrr en læknarnir töldu ekki fullreynt
með okkar egg. Það var ekki fyrr en
við nefndum litningasjúkdóminn
sem ákveðið var að skipta,“ segir Þrá-
inn og Petra Sif bætir við: „Þetta voru
bara mistök. Upplýsingarnar um
litningagallann höfðu týnst í skjala-
bunkanum og það var asnaskapur
í okkur að nefna þetta ekki fyrr. Við
héldum bara að læknarnir væru með
þetta á hreinu.“
Erfiðleikarnir gleymdir
Það er óhætt að segja að Þráinn
og Petra séu í sjöunda himni enda
margra ára barátta loks á enda. „Þetta
ferli tók verulega á en núna er eins og
ég hafi gleymt öllum erfið leikunum.
Þetta er örugglega svipað og þegar
konur fæða, þá er það sárt en þegar
barnið er komið gleymist allt,“ seg-
ir Petra en Íris Björk var tekin með
keisaraskurði. Þráinn tekur undir orð
Petru: „Við vorum einmitt að tala um
það í gær hvað það virðist núna stutt
síðan við byrjuðum að reyna. Það er
alls ekki eins og þetta hafi tekið öll
þessi ár.“ Þráinn bætir við að það sé
ekki svo mikill munur á að eignast
barn í dag og fyrir 20 árum. „Ég hef
ekki áður eignast stelpu svo það er
ólíkt,“ segir hann brosandi.
Naut ekki meðgöngunnar
Petra Sif segir meðgönguna hafa
gengið eins og í sögu. „Það voru bara
tvær, þrjár síðustu vikurnar sem voru
erfiðar. Svona rétt eins og gengur og
gerist. Ég var slæm í baki til að byrja
með en eftir að ég hætti að vinna á
25. viku, samkvæmt læknisráði, lag-
aðist það. Ég hef alltaf haft of háan
blóðþrýsting og blóðsykur en það
lagaðist hvort tveggja á meðan ég
var ófrísk.“ Petra viðurkennir að hún
hafi ekki náð að slaka almennilega
á og njóta meðgöngunnar sökum
sögu sinnar. „Þetta var áhættumeð-
ganga og ég hafði áhyggjur allan tím-
ann og náði rétt svo að njóta mín síð-
ustu vikurnar. Ég gekk með í slétta 41
viku en þar sem ég fór ekki almenni-
lega af stað var ég send í keisara-
skurð sem ég var mjög sátt við,“ segir
Petra sem vill senda þakkir til starfs-
fólks Sjúkrahússins á Akureyri. „Ég er
ofsalega þakklát fyrir allt það sem var
gert fyrir okkur á þeim tveimur dög-
um sem við vorum þarna. Við feng-
um frábæra þjónustu þótt það hefði
verið brjálað að gera.“
Móðurhlutverkið yndislegt
Petra segist hafa verið mun afslapp-
aðri gagnvart þessari níundu og síð-
ustu meðferð en þeim átta sem á
undan voru. „Íris gekk náttúrulega í
gegnum það erfiðasta, það var hún
sem þurfti að sprauta sig meira og
gangast undir eggheimtu. Ég var
einhvern veginn miklu kærulausari
núna en áður og gerði bara það sem
mig langaði til. Áður hafði ég reynt
allt sem bauðst en núna pældi ég lít-
ið í þessu.“ Aðspurð segir hún móð-
urhlutverkið vera jafnyndislegt og
hún hafði talið. „Þetta er alveg ynd-
islegt en ég er enn að átta mig á því
að ég eigi hana. Við þurfum ekki mik-
ið fyrir henni að hafa, hún fæddist
mannaleg og hefur verið þannig síð-
an,“ segir Petra, en Íris Björk var við
fæðingu 16 merkur og 54 sentímetr-
ar, með dökkt þykkt hár.
Aðspurð hvort samband systr-
anna sé enn nánara eftir þessa lífs-
reynslu horfa þær hvor á aðra og
brosa. „Við höfum alltaf verið nán-
ar og ég efast um að samband okk-
ar gæti orðið betra,“ segir Petra og
Íris tekur undir: „Það er notaleg til-
finning að hafa gefið þeim þessa
gjöf.“
„Mér fannst þetta svo sjálfsagt og
myndi gera þetta aftur. Ég veit líka
að ef ég væri í þeirra sporum myndu
þau gera þetta fyrir mig,“ segir Íris að
lokum.
Eignaðist barn mEð
Eggi systur sinnar
Draumur hjónanna Petru Sifjar Gunnarsdóttur og Þráins Brjánssonar varð loks að veruleika í sumar þegar
þau eignuðust yndislega stúlku. Hjónin fengu gjafaegg hjá systur Petru og gætu ekki verið hamingjusamari.
Egggjafinn fékk litla frænku og nöfnu og er alsæl.
iNdíaNa áSa hrEiNSdóttir
blaðamaður skrifar: indiana@dv.is Ég er stundum spurð hvort mér
finnist þetta ekki skrítið
en svo er alls ekki, hvorki
á meðgöngunni né eftir
að hún kom í heiminn.
Falleg ÍrisBjörkkomíheiminnmeðdökkt,þykkthár. MyNd BjarNi EiríkSSoN
Nánar systur PetraSifogÍris
Rúnsegjastalltafhafaveriðnánar.
MyNd BjarNi EiríkSSoN
Loksins foreldrar PetraSifsegirmóðurhlutverkiðverajafndásamlegtoghúnhafði
taliðenÞráinnáfullorðinnsonfráfyrrasambandi. MyNd BjarNi EiríkSSoN