Dagblaðið Vísir - DV - 29.10.2010, Side 40

Hrafnkell fæddist á Stórólfshvoli í
Hvolhreppi í Rangárvallasýslu. Hann
lauk stúdentsprófi frá Menntaskólan-
um á Akureyri 1947, embættisprófi í
læknisfræði frá Háskóla Íslands 1956,
stundaði framhaldsnám í Svíþjóð og
víðar, fékk sérfræðileyfi í lyflækningum
1962 og í Svíþjóð 1963 og sérfræðileyfi í
lungnasjúkdómum árið 1967.
Hrafnkell starfaði töluvert í Svíþjóð,
m.a. sem aðstoðaryfirlæknir á Cent-
rallasarettet í Karlskrona og aðstoð-
aryfirlæknir á Háskólasjúkrahúsinu
í Gautaborg. Hann var deildarlæknir
á Fjórðungssjúkrahúsinu á Akureyri
1963–64 en tók við starfi yfirlæknis á
Vífilsstaðaspítala 1968 og gegndi því
starfi í þrjátíu ár til ársins 1998. Jafn-
framt starfaði hann á lyflækninga-
deild Landspítalans 1976–98. Þá var
hann dósent í lungnasjúkdómum við
læknadeild Háskólans 1969–98.
Hrafnkell var gjaldkeri Félags yfir-
lækna 1971–73, gjaldkeri Hjartasjúk-
dómafélags íslenskra lækna 1973–75,
ritari Félags íslenskra lyflækna 1974–
76 og sat í undirbúningsnefnd fyrir
námsbraut í hjúkrunarfræðum á veg-
um læknadeildar Háskóla Íslands.
Hrafnkell var mikill áhugamaður
um Sturlungu, þekkti það rit betur en
flestir aðrir, vakti þjóðarathygli vegna
sérþekkingar sinnar í þeim efnum og
hélt fjölda fyrirlestra og sinnti leið-
sögnum í Sturlungaferðum.
Fjölskylda
Fyrri eiginkona Hrafnkels var Helga
Lovísa Kemp, f. 17.6. 1925, d. 8.3. 1990,
húsmóðir. Foreldrar hennar voru Lúð-
vík Rudolf Stefánsson Kemp, f. 8.8.
1889, d. 30.7. 1971, bóndi og vegaverk-
stjóri á Illugastöðum í Ytri-Laxárdal í
Skagafirði og síðar á Skagaströnd, og
k.h., Elísabet Stefánsdóttir Kemp, f.
5.6. 1888, d. 1.8. 1984, húsfreyja.
Börn Hrafnkels og Helgu Lov-
ísu eru Helgi, f. 25.2. 1952, stýrimað-
ur í Reykjavík, kvæntur Önnu Krist-
ínu Gunnlaugsdóttur, f. 21.12. 1952,
þroskaþjálfa og eiga þau þrjú börn;
Stella Stefanía, f. 20.12. 1955, hjúkr-
unarfræðingur í Hafnarfirði en maður
hennar er Einar Sigurgeirsson, f. 28.9.
1949, skipstjóri og röntgentæknir og
eiga þau fjögur börn; Hrefna Lovísa, f.
6.10. 1964, ferðafræðingur í Reykjavík
en maður hennar er Gunnar Karl Guð-
mundsson, f. 14.12. 1959, hagfræðing-
ur og forstjóri og eiga þau tvö börn.
Hrafnkell kvæntist 1997, Sigrúnu
Aspelund, f. 11.4. 1946, húsmóður.
Foreldrar hennar: Georg Pétur Ein-
arsson Aspelund, f. 15.2. 1915, d. 23.3.
1972, járnsmíðameistari í Reykjavík,
og k.h., Júlíana Þórlaug Guðmunds-
dóttir Aspelund, f. 11.12. 1913, d.
26.12. 2006, húsmóðir.
Bræður Hrafnkels: Jónas, f. 5.10.
1924, fyrrv. bifreiðarstjóri, nú bú-
settur í Kópavogi, kvæntur Guðrúnu
Árnadóttur, fyrrv. póst- og símstjóra á
Hellu; Helgi, f. 26.9. 1926, d. 1.4. 1982,
lögfræðingur; Sigurður Helgi, f. 22.3.
1929, fyrrv. skrifstofustjóri ríkisspítal-
anna, kvæntur Stefaníu Kemp.
Foreldrar Hrafnkels voru Helgi Jón-
asson, f. 19.4. 1894, d. 20.7. 1960, hér-
aðslæknir og alþm. á Stórólfshvoli, og
k.h., Oddný Guðmundsdóttir, f. 20.5.
1889, d. 1.12. 1976, hjúkrunarkona
og húsfreyja að Stórólfshvoli, síðar í
Reykjavík.
Ætt
Föðursystur Hrafnkels voru Sigríður,
móðir Einars Ágústssonar utanrík-
isráðherra, og Guðrún, móðir Ingva
Ingvasonar, fyrrv. sendiherra. Helgi var
sonur Jónasar, b. á Reynifelli á Rangár-
völlum, bróður Guðríðar, langömmu
Gunnars Ragnars, fyrrv. forstjóra Út-
gerðarfélags Akureyringa. Jónas var
sonur Árna, b. á Reynifelli, bróður
Jóns, afa Jóns Helgasonar, skálds og
prófessors. Systir Árna var Ingiríður,
langamma Sigurðar, afa Þórðar Frið-
jónssonar, forstjóra Kauphallarinnar.
Árni var sonur Guðmundar, b. á Keld-
um Brynjólfssonar, b. á Vestra-Kirkju-
bæ Stefánssonar, b. í Árbæ Bjarna-
sonar, ættföður Víkingslækjarættar
Halldórssonar. Móðir Árna var Guð-
rún, systir Magnúsar, langafa Gunnars
Bergsteinssonar, fyrrv. forstjóra Land-
helgisgæslunnar. Guðrún var dótt-
ir Guðmundar, b. í Króktúni Magn-
ússonar, bróður Þorsteins, langafa
Þórhildar Þorleifsdóttur, fyrrv. alþm.
og leikhússtjóra. Móðir Guðrúnar var
Guðrún Pálsdóttir, b. á Keldum Guð-
mundssonar og Þuríðar Jónsdóttur,
systur Páls skálda, langafa Ásgeirs Ás-
geirssonar forseta.
Móðir Helga var Sigríður Helga-
dóttir, b. í Árbæ í Holtum Jónssonar, b.
í Árbæ Runólfssonar, pr. á Stórólfshvoli
Jónssonar. Móðir Jóns var Guðrún
Þorsteinsdóttir, systir Bergljótar, lang-
ömmu Páls, afa Hjörleifs Guttorms-
sonar, fyrrv. alþm. og ráðherra. Móðir
Sigríðar var Helga Sigurðardóttir, b. á
Barkarstöðum í Fljótshlíð Ísleifssonar
og Ingibjargar, systur Tómasar Fjöln-
ismanns og Jórunnar, ömmu Árna
Þórarinssonar, prests á Stóra-Hrauni.
Ingibjörg var dóttir Sæmundar, b. í Ey-
vindarholti Ögmundssonar, pr. í Krossi
Högnasonar, prestaföður á Breiðaból-
stað Sigurðssonar. Móðir Sæmundar
var Salvör Sigurðardóttir, systir Jóns,
afa Jóns forseta.
Oddný var dóttir Guðmundar, b.
á Bakka í Landeyjum Diðriksson-
ar, bróður Þórðar mormónabiskups.
Móðir Oddnýjar var Kristín, syst-
ir Lopts mormónabiskups og Sigríð-
ar, langömmu Ólafs W. Stefánssonar,
fyrrv. skrifstofustjóra í dómsmálaráðu-
neytinu. Kristín var dóttir Jóns, b. á
Bakka Oddssonar, b. í Þykkvabæ Jóns-
sonar, hreppstjóra á Kirkjubæjar-
klaustri Magnússonar, langafa Jó-
hannesar Kjarvals og Jóns, afa Jóns
Helgasonar, fyrrv ráðherra. Móðir
Kristínar var Sigríður Jónsdóttir, b. á
Kanastöðum Árnasonar.
Hrafnkell verður jarðsunginn frá
Vídalínskirkju í Garðabæ í dag, föstu-
daginn 29.10. kl. 15.00.
Hilmar fæddist í Reykjavík og ólst
þar upp. Hann lauk stúdentsprófi frá
Menntaskólanum í Reykjavík 1959,
kandídatsprófi í lögfræði við Háskóla
Íslands 1965, öðlaðist hdl.-réttindi
1966 og hrl.-réttindi 1970.
Hilmar hóf störf sem fulltrúi hjá
bæjarfógetanum í Hafnarfirði og
sýslumanninum í Gullbringu- og Kjós-
arsýslu að loknu háskólanámi og vann
þar í eitt ár. Hann starfaði á lögfræði-
skrifstofu Þorvalds Þórarinssonar hrl.
á árunum 1966–74 en starfrækti eigin
lögfræðistofu í Reykjavík frá 1974.
Hilmar gegndi trúnaðar-
störfum í gjaldskrárnefnd Lög-
mannafélags Íslands frá 1975 og
var formaður hennar frá 1991.
Fjölskylda
Eftirlifandi eiginkona Hilmars er Erla
Kristín Hatlemark, f. 13.9. 1942, stúd-
ent frá MR og fyrrverandi flugfreyja,
en þau giftust árið 1962. Erla er dótt-
ir Konrads Hilmars Hatlemark, f. 1.9.
1904, d. 2.12. 1991, trésmiðs í Reykja-
vík, og k.h., Margrétar Guðmundsdótt-
ur, f. 7.11. 1907, d. 20.2. 1999, húsmóð-
ur.
Synir Hilmars og Erlu Kristínar eru
Snorri Örn, f. 18.1. 1963, bóndi á Sogni
í Kjósarhreppi, en kona hans er Svein-
björg Þórdís Sveinsdóttir bóndi og eru
börn þeirra Sunníva Hrund, f. 1985 og
Heikir Orri, f. 1993; Örvar, f. 25.4. 1977,
verktaki í Garðabæ, en sambýliskona
hans er Arna Þóra Káradóttir flugfreyja
og er dóttir þeirra Aþena Líf, f. 2009;
Darri Örn, f. 2.11. 1983, en sambýlis-
kona hans er Þuríður Björk Guðna-
dóttir en sonur þeirra er Hilmar Örn,
f. 2010.
Systir Hilmars er Svanhildur Ingi-
mundardóttir, húsmóðir.
Foreldrar Hilmars voru hjónin
Ingimundur Gíslason, f. 7.9. 1905, d.
3.12. 1978, bóndi að Búnstöðum við
Þvottalaugaveg í Reykjavík, og Guðrún
Þorsteinsdóttir, f. 17.11. 1906, d. 8.1.
1985, húsfreyja.
Ætt
Ingimundur var sonur Gísla, b. í Suð-
ur-Nýjabæ í Þykkvabæ Gestssonar, b. á
Hrauk í Þykkvabæ Gestssonar. Móðir
Ingimundar var Guðrún Magnúsdótt-
ir, b. í Tobbakoti í Þykkvabæ Eyjólfs-
sonar, og Guðrúnar Runólfsdóttur.
Guðrún var dóttir Þorsteins, b. á Ytri-
Þorsteinsstöðum í Haukadal í Dölum
Þorvarðarsonar, og Guðfinnu Eyjólfs-
dóttur.
Hilmar verður jarðsunginn frá Ví-
dalínskirkju í Garðabæ á mánudaginn.
1.11. kl. 15.00.
Hrafnkell
Helgason
FYRRV. YFIRLÆKNIR Á VÍFILSSTÖÐUM
Hilmar Ingimundarson
HÆSTARÉTTARLÖGMAÐUR Í REYKJAVÍK
Einar
Benediktsson
SKÁLD OG ATHAFNAMAÐUR
f. 31.10. 1864, d. 1940
Einar fæddist að Elliðavatni, sonur
Benedikts Sveinssonar, yfirdóm-
ara, alþm. og sýslumanns, og Katr-
ínar Einarsdóttur húsmóður.
Einar lauk stúdentsprófi í
Reykjavík 1884 og lögfræðiprófi
1892. Hann var með föður sínum
á Héðinshöfða 1892–94, stofnaði
Dagskrá, 1896, fyrsta íslenska dag-
blaðið, var málflutningsmaður í
Reykjavík og síðan sýslumaður á
Stóra-Hofi í Rangárvallasýslu frá
1904 en fór utan 1907 og var búsett-
ur í Noregi, Edinborg í Skotlandi,
Kaupmannahöfn í Danmörku og
í Lundúnum á Englandi til 1921,
stundaði kaupsýslu og beitti sér
mjög fyrir nýtingu íslenskra auð-
linda. Hann var búsettur í Reykja-
vík frá 1921 en bjó tólf síðustu ævi-
árin í Herdísarvík. Í Reykjavík
bjó Einar m.a. í húsi tengdamóð-
ur sinnar, Þrúðvangi við Laufás-
veg, og í Höfða sem nú er risnuhús
borgarinnar. Hann bar sig lengst af
mjög höfðinglega og minnir í ýmsu
á síðari tíma útrásarvíkinga þó
ekki hafi hann sett heilt bankakerfi
á hausinn.
Ljóðabækur Einars eru Sög-
ur og kvæði, 1879; Aldamótaljóð,
1900; Hafblik, 1906; Hrannir, 1913;
Vogar, 1921; Hvammar, 1930; Ólafs
ríma Grænlendings, 1930, og Al-
þingishátíðarljóð, 1930.
Einar er fullþroskað skáld í
sinni fyrstu ljóðabók sem er hvort
tveggja í senn, í anda raunsæis og
nýrómantíkur. Skáldskapur hans
verður tilkomumeiri eftir því sem
á líður. Hann verður skáld hinna
löngu hástemmdu setninga um al-
gilda visku og hin æðstu sannindi,
heimspekilega þenkjandi og hallur
undir algyðistrú.
Einar var jarðsettur, fyrstur Ís-
lendinga, í heiðursgrafreit á Þing-
völlum.
Hallgrímur
Jónasson
KENNARI VIÐ
KENNARASKÓLA ÍSLANDS
f. 30.10. 1894, d. 24.10.1991
Hallgrímur fæddist í Fremrikotum
í Skagafirði, sonur Jónasar Hall-
grímssonar, bónda þar, og k.h.,
Þóreyjar Magnúsdóttur húsfreyju.
Hallgrímur var albróðir Frímanns
Jónassonar, skólastjóra í Kópavogi.
Hallgrímur stundaði nám við Al-
þýðuskólann að Hvítárbakka í
Borgarfirði, lauk kennaraprófi
frá Kennaraskólanum í Reykjavík
1920, stundaði nám við Kennara-
háskólann í Kaupmannahöfn og
síðan við lýðháskólann í Askov og
fór í námsferð til Englands og fjölda
slíkra ferða til Norðurlandanna.
Hallgrímur var kennari við Barna-
skólann í Vestmannaeyjum 1921–
31 og bókavörður við Bæjarbóka-
safnið í Vestmannaeyjum 1926–31,
og síðan kennari við Kennaraskól-
ann um langt árabil eða frá 1931–
1968.
Hallgrímur var einn af vinsælustu
og virtustu kennurum Kennara-
skólans og þegar verið var að koma
upp fjölmennri kennarastétt til að
stórauka almenna barnafræðslu
hér á landi var ævistarf hans eink-
ar mikilvægt.
Hallgrímur var ágætur hagyrð-
ingur og auk þess mikill áhuga-
maður um ferðalög, var fararstjóri
hjá Ferðafélagi Íslands í tuttugu
sumur frá 1940, sat í stjórn félags-
ins 1944–1972 og var heiðursfélagi
þess og Útivistar. Hann flutti fjölda
útvarpserinda, skrifaði mikið í Ár-
bók Ferðafélagsins, samdi fjölda
ferðalýsinga, sendi frá kvæðabók-
ina Ferhendur á ferðaleiðum – ljóð
og vísur, og var m.a. meðritstjóri
Nýja dagblaðsins.
Eiginkona Hallgríms var Elísabet
Valgerður Ingvarsdóttir og synir
þeirra eru Ingvar fiskifræðingur,
Jónas bílstjóri og Þórir kennari.
Fæddur 28.3. 1928 - Dáinn 19.10. 2010
Fæddur 27.11. 1938 - Dáinn 22.10. 2010
40 MINNING 29. október 2010 FÖSTUDAGUR
ANDLÁT
ANDLÁT
MERKIR ÍSLENDINGAR