Dagblaðið Vísir - DV - 29.10.2010, Side 46

46 útlit umsjón: ingibjörg dögg kjartansdóttir ingibjorg@dv.is 29. október 2010 föstudagur
Dúsa í Skaparanum er með margt í smíðum um þessar mundir. Í vik-unni skellti hún sér í göngutúr í góða veðrinu og kom við í KIOSK
á Laugaveginum þar sem samið var um að
hún myndi taka þátt í því starfi og selja flík-
urnar sínar þar á næstunni. „Ég hlakka til að
starfa með hönnuðunum þar. Mér hættir til að
einangra mig með Skaparann þannig að ég er
himinlifandi yfir því að fá að vera með þeim.
Það er lúxus sem íslenskt tískuáhugafólk býr
við að geta keypt handgerð föt beint af hönn-
uðinum og ættu allir að notfæra sér það með-
an það ástand varir. Um leið og samfélagið
kemst í betra horf verða íslenskir tískuhönn-
uðir roknir til útlanda til að leita á stærri mark-
aði.“
Fyrir sjálfstæðar konur
Í upphafi árs flutti hún af Laugaveginum og
hefur síðan verið að selja beint af vinnustofu
sinni á Skálholtsstígnum. „Fólki finnst áhuga-
vert og gaman að sjá vinnustofuna og hvernig
þetta fer allt fram enda er allt gert hér, hug-
myndavinnan, sníðagerðin og saumaskapur-
inn. Það er auðvitað líka gaman að vera í nán-
um samskiptum við kúnnana. Mínir kúnnar
eru alls kyns konur á öllum aldri og úr öllum
áttum. Ég hanna fyrir sjálfstæðar konur sem
sitja heima í unaðslegum fötum með góða
bók í hönd þegar þær eru ekki úti í brjálaðri
ævintýraleit.“
Þessa dagana situr hún sveitt við
að sníða og sauma jóladressin.
„Þetta eru að mestu leyti kjól-
ar, kápur og alls kyns fínheit.
Í dag hef ég samt verið að
sauma buxur á vin minn, sem
er skemmtilegt því ég stefni
einmitt á að gera karlmannslínu
einhvern tíma á næstunni.“
Hún ætti að rúlla því upp með
annarri hendinni, enda lærði hún
af þeim bestu. „Ég var svo heppin að
fá að læra hjá J.C. de Castelbajac sem
var góður kennari og líka hjá Viktori og
Rolf sem voru líka góðir kennarar en
gasalega strangir.“
gamaldagsstemning og dulúð
Á döfinni er einnig sýning á ljósmynd-
um sem Inga Sólveig Friðjónsdóttir tók
af hluta Skaparalínunnar. Myndirnar
eru teknar á filmu og eru þar að auki
svart–hvítar. „Við opnum svo sýning-
una með stæl í nóvember og það
verður ýmislegt á döfinni í kring-
um það. Vinnan með Ingu Sól-
veigu er alveg guðdómleg og ég
elska þessa gamaldags stemn-
ingu og dulúð sem henni tekst
að fanga á sinn einstaka hátt.
Það er ekki á hverjum degi
sem manni gefst tækifæri til
að vinna með ljósmyndara
sem vinnur með filmu,“ seg-
ir hún brosandi og kampakát.
Listsköpun botnlaus
uppspretta hugmynda
Listsköpun hefur alltaf verið
henni hugleikin og áhugi henn-
ar á fegurð alls í umhverfinu og
heiminum öllum hefur einna
helst mótað hana sem hönnuð.
„Öll listsköpun gömul og ný er botn-
laus uppspretta nýrra hugmynda.“
Enda sækir hún innblásturinn oftast
í tónlist, myndlist eða kvikmyndir. „Stundum
þarf ekki nema eina persónu úr kvikmynd til
að kveikja ímyndunaraflið og skapa heila línu
út frá. Nú er mikið rætt að íslenskir hönnuð-
ir sæki innblástur úr náttúrunni og ekki að
undra með okkar umhverfi. Ég fæ auðvitað
mikinn innblástur úr umhverfi mínu og nátt-
úrunni en ég set það ekki beint inn í mína
hönnun. Ég bý til hugmynd fyrir hverja nýja
línu og nota líka mikið tilfinningar eða ákveð-
ið hugarástand til sköpunarinnar. En það er
nú líklega bara eitthvað sem ég ein sé og finn í
fötunum mínum.“
Einn og einn gullþráður
Það sem einna helst einkennir hönnun henn-
ar er að fötin eru alltaf vel sniðin og þægileg og
að mestu úr náttúrulegum
efnum, þótt það komi auð-
vitað stöku sinnum fyrir
að einn og einn gullþráður
læðist inn líka. „Fötin eiga
að gæla við líkamann. Það
tók mig nokkur ár að koma
mér upp góðum sambönd-
um við efnaframleiðendur
úti í heimi sem búa til ein-
stök og vönduð efni.“
„Fötin eiga
að gæla við
líkamann“
Dúsa í skaparanum lærði af þeim bestu, J.C. de Castel-
bajac og Viktori og Rolf. Nú er hún að fara með hönnun
sína í KIOsK á Laugaveginum, en hún leggur áherslu á
góð snið og náttúruleg efni sem gott er að koma við.