Dagblaðið Vísir - DV - 29.10.2010, Qupperneq 50

50 TÆKNI UMSJÓN: PÁLL SVANSSON palli@dv.is 29. október 2010 FÖSTUDAGUR
Nook Color
frá Barnes &
Noble
Barnes & Noble, bókarisinn bandaríski,
hefur svipt hulunni af Nook Color, nýrri
útgáfu af Nook-lestölvunni sem kemur
á markað í seinni hluta nóvember. Nýja
tölvan er búin litaskjá í stað e-ink skjásins
sem prýddi fyrri útgáfu Nook. Nook
Color keyrir á Android-kerfinu, er með
innbyggt WiFi og 8GB-geymslurými.
Hugbúnaður og viðmót hafa tekið breyt-
ingum í þessari útgáfu, sérstök samhæfni
er við Facebook og Twitter-þjónusturnar
auk þess sem fyrirtækið hefur opnað
möguleikann á því að aðrir þrói forrit
fyrir tölvuna. Talið er að breytingin yfir
í litaskjá tengist meðal annars aukinni
áherslu á barnabækur en með tölvunni
má fletta í gegnum nýtt safn bóka frá
Barnes & Noble; Nook Kids. Tölvan mun
kosta um 250 Bandaríkjadali.
Office 2011
fyrir Mac
Nýjasta útgáfa Office, ritvinnsluvönd-
uls Microsoft, fyrir OSX-stýrikerfi
Apple er nú komin á markað. Útgáf-
an, sem kallast Office 2011, býr yfir
fjölmörgum nýjungum, sérstök Mac-
útgáfa af Outlook er nú tekin við af
Entourage og getur tengst Micro soft
Exchange-póstþjónum þannig að
eigendur Apple-tölva í fyrirtækjageir-
anum geta tekið upp gleði sína. Þessi
útgáfa Office-vöndulsins er samhæfð
við Office 2010 fyrir Windows þannig
að notendur beggja útgáfa geta sem
dæmi unnið í sama skjali í gegnum
netið. Microsoft telur að hátt í þrír af
hverjum fjórum eigendum Apple-
tölva noti Office-vöndulinn.
Lof og last
um Phone 7
New York Times birti úttekt í vikunni um
Windows Phone 7-snjallsíma-stýrikerfið.
„Hvað er Microsoft að gera, að setja
iPhone-keppinaut á markað árið 2010?”,
spyr blaðið og telur síðan upp langan
lista af atriðum sem stýrikerfið skorti en
finna má bæði í iPhone- og Android-sím-
um. NYT hrósar reyndar Microsoft fyrir
marga þætti kerfisins en veltir jafnframt
vöngum yfir því hvort tíðni uppfærslna
fyrir símann muni bera keim af sama
hægagangi og fyrirtækið hefur margoft
verið gagnrýnt fyrir í gegnum tíðina.
Sony og Logitech settu á markað
sjónvarpstæki fyrr í mánuðnum
sem hafa innbyggt Google TV en
það er hugbúnaður byggður á And-
roid-stýrikerfinu frá Google og gerir
kleift að kaupa eða leigja kvikmynd-
ir og sjónvarpsþætti í gegnum net-
ið sem síðan er streymt til viðkom-
andi.
Frítt í gegnum netið
Með Google TV má einnig finna
og horfa á það sjónvarpsefni sem
bandarísku stöðvarnar hafa gert að-
gengilegt á vefsvæðum sínum, þar á
meðal vinsælustu sjónvarpsþættina
eins og til dæmis Modern Family og
CSI.
Eftir að nýju tækin frá Sony og
Logitech komu í verslanir vestan-
hafs leið hins vegar ekki á löngu
þar til sjónvarpsstöðvar ABC, CBS
og NBC heftu nær allan aðgang frá
vefsvæðum sínum til Google TV.
Eigendur hinna nýju sjónvarps-
tækja geta nú einungis skoðað
kynningarefni og auglýsingar frá
þessum stöðvum og skilja lítt hvers
vegna eitt tiltekið tæki heimilis-
ins er útilokað meðan önnur tæki
(heimilistölvan og snjallsíminn)
eru það ekki.
Áhyggjur sjónvarpsrisanna
þriggja eru skiljanlegar að mörgu
leyti, með Google TV missa þeir úr
höndunum nánast alla markaðs-
stýringu eða kynningu eigin efnis
og hættan á að nýtt sjónvarpsefni
hreinlega týnist í víðáttum net-
heima blasir við.
Ekki sáttir við sjóræningja
Þegar slegið er inn heiti vinsæls
sjónvarpsþáttar í leitarviðmót
Google TV koma fram í niðurstöð-
um ýmsar sjóræningjavefsíður sem
brjóta á rétthöfum efnisins með því
að gera það aðgengilegt á vefnum
án leyfis. Disney og NBC hafa nú
farið þess á leit við Google að fyrir-
tækið síi úr slíkar síður en hafa ekki
haft erindi sem erfiði.
Aðrar sjónvarpsstöðvar vest-
anhafs virðast ekki hafa komist að
endanlegri niðurstöðu varðandi
aðgengi fyrir Google TV en enn má
tengjast við HBO, MTV, Fox og Tur-
ner.
Hulu-myndskeiðsþjónustan hef-
ur hins vegar heft aðgengi að Goog-
le TV en á þessa dagana í viðræðum
við Google um að setja upp sérstaka
áskriftarþjónustu fyrir hugbúnað-
inn.
Kínverskir vísindamenn hafa nú byggt
hraðvirkustu ofurtölvu allra tíma og
skotið þar með Bandaríkjamönnum
ref fyrir rass. Tölvan sem ber nafnið
Tianhe-1A er 1,4 sinnum aflmeiri en
bandaríska tölvan sem hingað til hefur
trónað í efsta sætinu en á sex mánaða
fresti er gefinn út listi yfir 500 hraðvirk-
ustu tölvur í heiminum. Tölvurnar sem
á listanum eru ganga allar undir sama
próf og er þá mæld geta þeirra til að
leysa ákveðna stærðfræðiútreikninga.
Kapphlaupið um fyrsta sætið virðist
vera orðið hálfgerð þjóðarremba en
mikilvægi ofurtölva er engu að síður
augljóst, þær eru orðnar ómetanlegar
til að sinna ýmsum verkefnum á sviði
varnarmála, orkumála, efnahagsmála
og vísinda. Rannsóknarmiðstöðin sem
byggði tölvuna heyrir undir tvö kín-
versk ráðuneyti, varnarmálaráðuneyt-
ið og menntamálaráðuneytið.
Bandaríkjamenn ekki lengur í fyrsta sæti með öflugustu ofurtölvuna:
Kínverjar stela senunni
Tianhe-1A Kínverska ofurtölvan notar þúsundir örgjörva frá
Intel og Nvidia sem tengdir eru saman en það er einmitt tæknin
á bak við tengingarnar sem vakið hefur athygli.
Eftir að nýju tæk-in frá Sony og
Logitech komu í verslan-
ir vestanhafs leið hins
vegar ekki á löngu þar
til ABC, CBS og NBC sjón-
varpsstöðvarnar heftu
nær allan aðgang frá
vefsvæðum sínum...
Engin ánægja
með Google TV
Þrjár af stærstu sjónvarpsstöðvum Bandaríkjanna hafa nú heft nær allan aðgang fyrir
Google TV að vinsælasta sjónvarpsefni sínu.
Sjónvarpsrisar í vanda CBS, NBC og ABC
sjónvarpsstöðvarnar eru ekki sáttar við
Google TV en skörun ljósvakamiðla
og netsins er hins vegar orðin
staðreynd og ekki hægt
að stinga hausnum
bara í sandinn.