Dagblaðið Vísir - DV - 29.10.2010, Side 52

52 SPORT TEXTI : ANNAS SIGMUNDSSON as@dv.is 29. október 2010 FÖSTUDAGUR
Strákarnir okkar í Þýskalandi 2. HLUTI
D
agur Sigurðsson tók við
liði Füchse Berlín árið
2008 eftir að hafa starfað
sem framkvæmdastjóri
Vals. Liðið náði 9. sæti í
þýsku Bundesligunni í fyrra en er nú
á mikilli siglingu. Var í upphafi móts
í efsta sæti deildarinnar en situr nú í
fjórða sæti. Füchse Berlín gerði jafn-
tefli um síðustu helgi gegn Rhein-
Neckar Löwen, sem Guðmundur Þ.
Guðmundsson, landsliðsþjálfari Ís-
lands tók nýlega við.
Dagur fékk Alexander Peters-
son til liðs við Füchse Berlín í sumar.
Hann hafði verið hjá liði Flensburg
síðan árið 2007 en fékk lítið að spila
á síðasta tímabili. Alexander hefur
staðið sig feikivel með Füchse Berlín
í vetur. Hefur nokkrum sinnum verið
markahæsti maður liðsins en Dagur
setti hann í skyttuhlutverkið. Hann
spilar samt áfram sem hornamað-
ur með íslenska landsliðinu. Alex-
ander missti þó af landsleiknum á
móti Lettlandi á miðvikudag vegna
eymsla í hné sem hann hlaut í leik
Füchse Berlín á móti Rhein-Neckar
Löwen á sunnudaginn. Blaðamaður
DV hitti þá Dag, Alexander og Sigurð,
son Dags, um liðna helgi í Berlín og
spjallaði við þá um árangur Füchse
Berlín í vetur og lífið í Berlín.
Hvað skýrir þennan góða árangur
Füchse Berlin í vetur?
Dagur: „Ég held að það hafi hjálp-
að okkur að við spiluðum vel í deild-
inni eftir áramót á síðasta tímabili.
Það gaf liðinu ákveðið sjálfstraust.
Heimavöllurinn varð sterkari. Í sum-
ar fengum við síðan þrjá nýja leik-
menn sem allir hafa byrjað vel með
liðinu og gefið því ferskt blóð. Við
vorum heppnir með uppsetningu
leikja í byrjun tímabils. Unnum fjóra
fyrstu leikina nokkuð auðveldlega en
sigruðum síðan bæði Kiel og Flens-
burg. Ég held að staðan í deildinni
eigi eftir að jafnast. Það er ólíklegt að
stigataflan verði sú sama í júní 2011.“
Á hvaða sæti setti Füchse Berlin
stefnuna í upphafi tímabils?
Dagur: „Markmiðið hjá okkur var
að fara upp um tvo sæti en við end-
uðum í níunda sæti í fyrra. Einnig var
stefnan sett á að ná Evrópusæti.“
Nú eruð þið búnir að spila níu
leiki. Ertu enn bjartsýnn að ná þessu
markmiði?
Dagur: „Já. Það er fínt stemning
í liðinu og við erum að spila vel. Það
er uppselt á leikina hjá okkur. Líklega
er það draumur hvers leikmanns að
spila í svona umhverfi. Það eru allt að
10 þúsund áhorfendur á leikjum hjá
okkur hér í Berlin.“
Ein spurning frá síðustu viðmæl-
endum í liði Hannover Burgdorf.
Verður Füchse Berlín þýskur meistari?
Dagur: „Ég get svarað því neit-
andi.“
Nú hefur þú, Alexander, verið að
spila mjög vel í vetur. Hvað skýrir
það? Varstu duglegur að æfa í sumar?
Alexander: „Já. Fyrsti leikur byrj-
aði vel og ég fékk aukið sjálfstraust.
Ég gerði hins vegar ekkert sérstak-
lega aukalega í sumar. Síðan lenti
ég í veikindum tveimur vikum eftir
að tímabilið hófst og þurfti síðan að
vinna það upp aftur.“
Gæti tímabilið í vetur jafnvel orðið
þitt besta?
Alexander: „Ég veit ekki. Síðustu
tvö árin fékk ég lítið að spila með
Flensburg. Var meiddur í eitt ár og þá
missir maður svolítið tilfinninguna
fyrir leiknum. Hjá Flensburg var ég
líka bara varamaður. Eftir að ég kom
til Füsche Berlin er ég aftur farinn að
spila 60 mínútur. Þá rifjast upp hlutir
sem ég var búinn að gleyma. En það
er rétt að núna er mér farið að ganga
mjög vel.“
Nú varðst þú þekktur fyrir að
stöðva hraðaupphlaup Pólverja þeg-
ar Ísland vann leik á móti þeim um
bronsið á EM. Muntu einhvern tím-
ann endurtaka þetta?
Alexander: „Það er erfitt að gera
þetta aftur. Þá fæ ég bara rautt spjald.
En ég veit ekki. Við sjáum til.“
Fannstu fyrir auknum áhuga ís-
lensku kvenþjóðarinnar á þér eftir
góðan árangur á EM?
Alexander: „Íslenskir landsliðs-
menn í handbolta eru frekar vinsæl-
ir á Íslandi. Þegar landsliðið fór út að
borða í Reykjavík eftir mótið var erfitt
að ganga um í bænum.“
Þú myndir sem sagt segja að ís-
lenskir landsliðsmenn í handbolta
njóti mikillar kvenhylli á Íslandi?
Alexander: „Já. Þetta eru topp
menn.“
Nú hafið þið báðir spilað á minni
stöðum en Berlín. Er jafn mikil stemn-
ing í Berlín fyrir handbolta og á minni
stöðunum?
Alexander: „Ég bjó sem dæmi
í Grosswallstadt sem er fimm þús-
und manna bær. Maður fór út í bak-
arí og þar vissu allir hver maður var.
Það var svipuð stemning í Flensburg.
Hér í Berlín hefur enginn hugmynd
um hver þú ert. Eina dæmið er göm-
ul kona sem er nágranni minn sem
hafði séð mynd af mér í dagblaði.“
Dagur: „Hér í Berlín erum við líka
í mikilli samkeppni við aðrar íþrótta-
greinar. Hér er íshokkí sterkt, körfu-
bolti og svo eru tvö fótboltalið. Ein-
hver sagði mér að í Berlín væru 126
íþróttalið sem væru í efstu deild.
Í Berlín eru svolítið aðrar aðstæð-
ur. Füchse Berlin er nýtt lið og ekki
nema fimm eða sex ár síðan þetta
hófst. En í vetur sem dæmi er árang-
ur liðsins búinn að vekja gríðarlega
athygli í Berlín. Maður finnur fyrir
því. Liðið er orðið þekktara og það
hefur orðið gríðarleg vakning. Miða-
sala hefur rokið upp. Þetta er líklega
ástæðan fyrir því að menn komu til
Berlínar. Það var vitað að það væri
hægt að byggja upp svona lið í borg
eins og Berlín. Borgin er auðvitað
mögnuð og það hefur líka áhrif á þá
leikmenn sem ákveða að koma til
liðsins. Þeir vita að þeir muni spila
í flottri höll og búa í flottustu borg
landsins. Það hefur auðvitað mikil
áhrif. Füchse Berlín þarf því jafnvel
ekki jafn mikla peninga og hin stóru
liðin í deildinni til að fá til sín leik-
menn.“
Eru margir áhorfendur sem fylgja
ykkur á útileikina?
Dagur: „Þeim fer fjölgandi. Á
sumum leikjum er farinn að mynd-
ast ákveðinn kjarni. Við erum hins
vegar ekki sambærilegir við þessi
þekktustu lið í Þýskalandi. Hjá okkur
vantar svolítið þessa hefð sem tekur
langan tíma að byggja upp. En þetta
er að koma.“
Nú varst þú um tíma bæði að
þjálfa landslið Austurríkis og síðan
Füchse Berlín. Áttir þú einhvern frí-
tíma?
Dagur: „Þetta var ekkert rosalegt
álag. Maður skiptir bara tímanum vel
niður.“
Alexander: „Spurðu Sigga [innsk:
sonur Dags, sem var með föður sín-
um í viðtalinu]. Siggi var pabbi þinn
einhvern tímann heima?
Dagur: „Jú, jú. Það var alveg nóg
að gera. Þetta skaraðist hins vegar
ekki mjög mikið tímalega séð. Þegar
EM var í janúar var frí í þýsku deild-
inni. Þá fór ég frá Þýskalandi og aðrir
sáu um Füchse Berlín á meðan. Þegar
ég var að þjálfa Füchse Berlín hugs-
aði ég nánast bara um það en var lítið
að huga að Austurríki. Aðallega þó að
fara yfir myndbönd. Ég ætla allavega
ekkert að fara að væla vegna of mik-
ils álags. Eins og maður segir: Það er
betra að vera með tvær evru-vinnur
heldur en enga.“
Alexander, nú átt þú íslenska konu
og ert með íslenskan ríkisborgararétt.
Munt þú flytja til Íslands þegar at-
vinnumennskunni lýkur?
Alexander: „Já, ég held það, seg-
ir Eivor.“
Yrði hún brjáluð ef þú segðir ann-
að?
Alexander: „Já. Það er fínt að búa
á Íslandi. Tengdaforeldrar mínir búa
þar. Allt gekk vel þegar ég var þar og
síðan er maður með krakka líka.“
Ferð þú oftar til Íslands en Lett-
lands?
Alexander: „Oftar til Íslands út af
landsliðinu. Ég fer til Lettlands einu
sinni til tvisvar á ári.“
Nú fóruð þið Ólafur Stefánsson
ungir til Wuppertal árið 1995. Er mik-
ill munur á ungum íslenskum leik-
mönnum sem nú eru að koma til
Þýskalands og ykkur? Er umhverfið
kannski líka breytt í Þýskalandi?
Dagur: „Umhverfið hérna er gjör-
breytt. Við komum út fyrsta árið eft-
ir Bosman-dóminn. Áður höfðu nán-
ast bara Þjóðverjar spilað í deildinni.
Það breyttist síðan ár frá ári og út-
lendingum fjölgaði. Munurinn á mér
og Óla og þeim sem nú eru að fara út
er sá að við vorum ekkert ungir, 22 og
23 ára. Samt vorum við yngstir í liði
Wuppertal. Ég man að Óli hélt á bolt-
apokanum. Á þessum tíma höfðum
við verið að spila með meistaraflokki
Vals í sex ár og höfðum fimm sinn-
um orðið meistarar. Höfðum borið
uppi Valsliðið í nokkur ár og borið
mikla ábyrgð. Spiluðum líka fimm ár
í röð í Evrópukeppni og þar á meðal
á móti liðum eins og Barcelona. Auk
þess höfðum við spilað 50 landsleiki
þannig að við vorum nokkuð sjóaðir
miðað við aldur.“
Nú var Logi Geirsson að gefa út
bók. Hvað finnst ykkur um bókina og
að menn séu að gefa út svona bók?
Dagur Sigurðsson þjálfar lið Füchse
Berlin sem hefur slegið í gegn í þýsku
Bundesligunni í handbolta í vetur. Dag-
ur fékk Alexander Petersson til liðs
við sig í sumar en hann hafði fengið fá
tækifæri með liði Flensburg. Alexander
hefur þakkað Degi traustið og átt marga
stórleiki með liðinu í skyttuhlutverkinu.
Hann spilar þó áfram sem hornamaður
með íslenska landsliðinu. Þeir segjast
báðir una sér vel í Berlín.
ÆVINTÝRALEGUR ÁRANGUR