Dagblaðið Vísir - DV - 03.12.2010, Blaðsíða 26
Svarthöfði hefur lengi átt sér þann draum að verða lauk-ur sinnar ættar. Að vísu ekki alveg sinnar ættar því Svart-
höfði er af góðum og gegnum al-
þýðuættum eins langt og ættfræðin
sér. Kona Svarthöfða er aftur á móti
af ætt sem gjarnan er hafin til virð-
ingar í ræðu og riti, einkum sökum
auðlegðar. Hermt er að ættin eigi
forfeður á meðal gyðinga. Svart-
höfði vildi verða einn af þeim.
Sú staðreynd að eiginkonan er af tignum ættum hefur laskað sjálfsmynd Svart-höfða. Hann reyndi ákaft að
aðlagast og hóf að ganga í teinótt-
um fötum að hætti viðskiptajöfra.
En það dugði ekki til. Svarthöfði
missti sjálfstraustið. Hann hefur
fundið til þess í boðum og ann-
ars staðar þar sem laukarnir koma
saman að vera minnimáttar. Hann
var dindilmenni. Dag og nótt hefur
Svarthöfði, þjakaður af minnimátt-
arkennd, hugsað til þess hvernig
hann gæti losnað við þann stimpil
að vera lítill á meðal stórmenna.
Þetta varð að þráhyggju.
Árin liðu. Ætt konunn-ar missti flugið og eigur hins íslenska aðals féllu í hendur annarra. Það var
þá sem Svarthöfði sá ljósið. Meðal
þess sem ættin hafði tapað var
eitt stærsta fyrirtæki landsins á
sviði fjárfestinga. Það féll í hendur
ríkisins sem hóf þegar söluferli.
Svarthöfði sá sér leik á borði. Hann
lét spyrjast út að hann færi fyrir
hópi fjárfesta sem myndi kaupa
fyrirtækið og bera það á
gullstóli inn í ættarveldið.
Algjör viðsnúningur varð
á stöðu Svarthöfða. Hann
skynjaði virðingu tengda-
fjölskyldunnar og fékk
klapp á bakið. Konan
hans varð ham-
ingjusöm.
En svo kom áfall-ið.
Svarthöfði átti
að skila fyrstu af-
borgun. Hann var
heiðarlegur og lagði
til við ríkið að hann fengi
kúlulán til 10 ára þar sem hann
skorti lausafé. En því var hafn-
að. Þá bað hann um það í ör-
væntingu að setja milljarðana
á raðgreiðslur en því var líka
hafnað. Svarthöfði tromp-
aðist í greiðslufallinu og lýsti
yfir því að hann myndi lög-
sækja ríkið og alla þá sem ef-
uðust um greiðslugetu hans.
Hann varð aftur lítill á með-
al hinna stóru.
AÐALL OG DINDILMENNI „Húsið er komið í
góðar hendur því
Ingó og yngri
bróðir hans hafa miklar og
góðar söngraddir og munu
fylla húsið af söng og lífs-
gleði.“
n Fyrrverandi ráðherra, Guðni Ágústsson, seldi
húsið sitt á Selfossi foreldrum Ingós úr Veðurguðun-
um. -DV
„Þetta er afskap-
lega dýrt efni í
framleiðslu og eins
og allir vita vöðum við
ekki í peningum hérna.“
n Sigrún Stefánsdóttir segir ástæðuna fyrir norska
jóladagatalinu sem Sjónvarpið sýnir þennan
desembermánuðinn vera skort á peningum.
-Fréttablaðið
„Við bara drulluð-
um á okkur.“
n Markvörður handknattleiksliðs FH,
Pálmar Pétursson, var vægast sagt
ósáttur við frammistöðu liðsins gegn Haukum í
Hafnarfjarðarslagnum þar sem þeir rauðklæddu
völtuðu yfir FH-inga á þeirra eigin heimavelli. -Stöð 2
„Við þurfum að sjá
hvað rekur á fjörur
okkar.“
n Guðjón Þórðarson, þjálfari BÍ/
Bolungarvíkur, er með fámennan hóp
þessa dagana en vonast til þess að geta bætt við sig
mönnum áður en átökin hefjast í maí. Horfir hann til
Englands og Skandinavíu varðandi leikmannakaup.
-Fótbolti.net
Valdið hatar Wikileaks
Ríkisstjórnir, stórfyrirtæki og jafnvel hluti almennings sameinast nú um að stöðva Wikileaks, til að koma í veg fyrir að leyniupplýsingar komi fyrir
sjónir almennings.
Kína hefur lokað á Wikileaks. Rússland
hefur gefið út að það sama verði gert. Banda-
ríkin hafa fordæmt Wikileaks. Netfyrirtækið
Amazon hefur fjarlægt Wikileaks af gagna-
grunnum sínum. Tom Flanagan, prófessor við
háskólann í Calgary og æðsti ráðgjafi kana-
díska forsætisráðherrans Stephens Harpers,
leggur til að Julian Assange, talsmaður Wik-
ileaks, verði drepinn. „Ég held að það ætti
að ráða hann af dögum,“ sagði hann blákalt
í sjónvarpsviðtali. Aðrar eins opinberar of-
sóknir hafa varla sést síðustu ár. Ástæðan fyr-
ir þeim er einföld. Wikileaks er stærsti óvinur
valdsins.
Valdið hatar ekkert meira en Wikileaks.
Það skilur ekki uppljóstranir og lítur á þær
sem skemmdarverk. Valdið skilur annað vald
betur en þann sem gefur einfaldlega upplýs-
ingar, án ásetnings um að öðlast vald. Það er
þögult samþykki hjá valdinu fyrir því að upp-
ljóstra ekki um annað vald, nema til að öðlast
meira vald. Wikileaks er hins vegar ekki hluti
af valdakerfinu. Wikileaks hefur ekkert raun-
verulegt vald, nema í beinu samhengi við al-
menning.
Almenningur er eina uppspretta hins rétt-
láta valds. Í lýðræði getur breytt afstaða al-
mennings á undraverðan hátt kippt fótunum
undan öðru valdi. Áður hefði það ekki verið
hægt, þar sem uppspretta valdsins lá í getu
viðkomandi til að beita ofbeldi, líkt og Flanag-
an leggur til.
Nú stendur yfir barátta valdsins til að gera
Wikileaks að óæskilegu fyrirbæri í heimin-
um. Tilgangurinn er að samsama Wikileaks
hryðjuverkahópum og ala á ótta almennings
gagnvart því að vefurinn ógni heimsfriðnum
með uppljóstrunum sínum. Ef valdinu tekst
það breytast leikreglurnar og yfirvöldum
verður gert kleift að beita annaðhvort ofbeldi
eða frelsissviptingu gegn uppljóstrurunum.
Wikileaks er ekki heldur í hag stórfyrir-
tækja, eins og Amazon. Augljóst er að tilvist
vefsins er ekki góð fyrir fjármálastofnanir, eða
í það minnsta þá sem stjórna fjármálastofnun-
um. Vefurinn gerir það erfiðara fyrir banka-
stjórnendur að leyna því sem þeir gera í eigin
hag, andstætt hag almennings. Wikileaks hef-
ur boðað að næstu uppljóstranir verði af starf-
semi banka, svo lengi sem ekki verður búið að
koma böndum yfir Wikileaks fyrir þann tíma.
Ef engar upplýsingar væru leyniupplýsing-
ar væru uppljóstranir óþarfar. Það er forsenda
heilbrigðra lýðræðisþjóðfélaga að almenning-
ur skilji og muni að vald hans skiptir engu ef
aðrir ráða hvaða upplýsingar hann fær. Upp-
lýsingar, og þá helst leyniupplýsingar, eru
eldsneyti lýðræðisvaldsins. Þess vegna óttast
annað vald uppljóstranir og þess vegna eru
uppljóstranir í óþökk valdsins.
Þetta snýst um miklu meira en Wikileaks
og mann að nafni Julian Assange. Wikileaks
og aðrir fjölmiðlar sem sinna starfi sínu færa
vald frá ríkisstjórnum og stórfyrirtækjum yfir
til fólksins. Þetta er stríð valdsins gegn því að
fólkið fái að vita. Því hjá almenningi í lýðræðis-
fyrirkomulagi er vitneskja vald.
JÓN TRAUSTI REYNISSON RITSTJÓRI SKRIFAR. Þetta snýst um miklu meira en Wikileaks og mann að nafni Julian Assange.
LEIÐARI
SVARTHÖFÐI
26 UMRÆÐA 3. desember 2010 FÖSTUDAGUR
MARGEIR Í PATTSTÖÐU
n Það er mikið stuð á MP banka
þessa dagana. En undirliggjandi eru
áhyggjur vegna gríðarlegs taps og
eiginfjárstöðu
sem er und-
ir þeim mörk-
um sem krafist
er. Aðaleigandi
bankans er
skákmeistarinn
Margeir Péturs-
son sem byggði
hann upp frá
grunni. Nú stefnir í að hlutur hans í
bankanum rýrni eða hverfi jafnvel.
Hermt er að skákmeistarinn sé í
pattstöðu með eign sína.
UNG, FRÆG OG RÍK
n Einhverjir eru fýldir vegna sigra
hinna frægu í kjöri til stjórnlaga-
þings. Þrátt fyrir stífa kröfu þá náði
óþekkti Íslend-
ingurinn ekki
flugi í kosning-
unum. Á meðal
þeirra frægustu
sem náðu kjöri
er Inga Lind
Karlsdóttir, al-
þýðukona sem
varð sterkefnuð.
Inga Lind er í senn ung, fræg og rík.
Hún er einn af örfáum af óskalista
Sjálfstæðisflokksins sem náðu kjöri.
Inga Lind er talin munu standa vel
fyrir sínu eins og flestir þeirra sem
kosnir voru.
SÆGREIFAR TRYLLTIR
n Almennt séð er náhirð Sjálfstæð-
isflokksins með allt á hornum sér
vegna stjórnlagaþingsins og ágæt-
lega heppn-
aðra kosninga.
Þetta brýst fram
í málgögnum
útgerðaraðals-
ins, Moggan-
um, og þá ekki
síst í systurmiðli
blaðsins amx.
is. Þar fara smá-
fuglar hamförum og þá sérstaklega
vegna yfirburðasigurs Þorvaldar
Gylfasonar prófessors. Fyglin kalla
Þorvald „varðhund auðmanna“ fyrir
þær sakir einar að vera lausapenni
Fréttablaðsins. Greinilegt er að sæ-
greifarnir óttast mjög um sinn hag
þegar stefnir í að yfirráð þjóðar-
innar yfir auðlindum sjávar verði
tryggð.
KÚGANDI AFL
n „Skuldir þínar hafa verið afskrif-
aðar hjá bankanum...“ er setning
sem hálf þjóðin biður í bænum sín-
um á kvöldin um
að standi í næsta
gluggabréfi sem
dettur inn um
lúguna. Einmitt
þessi setning
stendur orðrétt
í bréfi sem KB
banki sendi
Jónínu Bene-
diktsdóttur fyrir nokkrum árum.
Bréfið er birt í bókinni um Jónínu.
Áður hafði hún hótað Hreiðari Má
Sigurðssyni, þáverandi forstjóra
KB banka, að fara með svokallaðar
„kvaðningar“ um fylgdarþjónustu
kvenna frá Flórída í fjölmiðla. Hegn-
ingarlögin taka til einmitt svona
atriða.
SANDKORN
TRYGGVAGÖTU 11, 101 REYKJAVÍK
ÚTGÁFUFÉLAG: DV ehf.
STJÓRNARFORMAÐUR:
Lilja Skaftadóttir
RITSTJÓRAR:
Jón Trausti Reynisson, jontrausti@dv.is
og Reynir Traustason, rt@dv.is
FRÉTTASTJÓRI:
Ingi Freyr Vilhjálmsson, ingi@dv.is
UMSJÓN HELGARBLAÐS:
Ingibjörg Dögg Kjartansdóttir, ingibjorg@dv.is
UMSJÓN INNBLAÐS:
Ásgeir Jónsson, asgeir@dv.is
DV Á NETINU: DV.IS
AÐALNÚMER: 512 7000, RITSTJÓRN: 512 7010,
ÁSKRIFTARSÍMI: 512 7080, AUGLÝSINGAR: 512 7050.
SMÁAUGLÝSINGAR: 512 7004.
Umbrot: DV. Prentvinnsla: Landsprent. Dreifing: Árvakur.
DV áskilur sér rétt til að birta aðsent efni blaðsins
á stafrænu formi og í gagnabönkum án endurgjalds.
Öll viðtöl blaðsins eru hljóðrituð.
Kosningar til stjórnlagaþings voru
allavega yndisleg tilbreyting frá
svartagallsrausinu, kveinstöfum og
harmkvælum þeirra sem segjast
vera stjórnarandstæðingar, jafnvel
þótt sjálfstæðismönnum og fram-
sóknarleifum tækist ekki að eyði-
leggja þetta ágætis framtak. Grát-
konukórinn fór um víðan völl á
meðan krossberar hrunsflokkanna
grenjuðu hvar sem þeir komu. Kerl-
ingagengi sjálfstæðismanna vældi
í borgarstjórn á meðan karlaklíkan
nýtti sér slefberaháttinn og beitti
öllum ráðum til að reyna að draga
úr vægi kosninga til stjórnlagaþings.
Nú kjökra á krossgötum stjórnsýsl-
unnar: Bjarni Ben, Dabbi litli, Árni
Sigfússon, Hanna Birna og fleiri full-
trúar hins liðna.
Við erum ekki lengur með stjórn-
völd sem keppast
við að gera sitt
versta. Í dag ræð-
ur á Íslandi betri
ríkisstjórn en
Sjálfstæðisflokk-
ur hefur getað
státað af og í dag
erum við með
besta borgar-
stjóra allra tíma.
Engu að síður,
eða kannski akk-
úrat þess vegna,
eru grátkórarnir háværari en nokkru
sinni. Menn ranghvolfa augunum
af öfund og þegar að þeir grenja þá
eru þeir svo rangeygir að tárin fara í
kross niður bakið á þeim.
Eftir nýafstaðnar kosningar til
stjórnlagaþings, tjáði eitt skærasta
gáfnaljós Framsóknarflokksins, Vig-
dís Hauksdóttir, sig og vildi meina
að stafrófsröð hefði ráðið úrslit-
um kosninganna. Margt af því sem
Vigdís þessi (sem er fremst kvenna
í flokki Framsóknar) lét eftir sér
hafa er þess eðlis að maður spyr
sig ósjálfrátt: -Hversu heimskur má
maður vera í þessum heimi?
Eftir þessar kosningar hafa vælu-
kjóar Sjálfstæðisflokks og Fram-
sóknar- komið sér saman um tón-
tegund. Nú á að grenja út í eitt og
reyna að koma í veg fyrir að út úr
stjórnlagaþingi komi tillögur að
stjórnarskrá sem eytt geta því órétt-
læti sem sjálftökuliðar helminga-
skipta hafa stundum kalla lýðræði.
Í krossferð niðurrifsaflanna garga
menn þann ófögnuð, að úrslit kosn-
inganna séu hneisa – fyrst og fremst
vegna þess að í hóp hinna útvöldu
vantar víst ómenntaða, óþekkta ein-
staklinga af landsbyggðinni.
Hin ríkisrekna sjónvarpsrás,
sem virðist vera útibú frá Valhöll,
sá ástæðu til að gera sem minnst
úr téðum kosningum. Kvöldið fyr-
ir kosningarnar var uppskafnings-
hættinum snúið að vangaveltum
um það hvort einhver maður teld-
ist sekur eða saklaus vegna þess að
hann káfað kannski á konum.
Það er líklega viðeigandi að grát-
kórarnir finni sér skjól í eftirfarandi
stöku:
Karlinn mun auðvitað finna sinn frið
þótt fái hann Júdasarkossinn
því núna í einrúmi nostrar hann við
að negla sig sjálfan á krossinn.
Kjökrað á krossgötum
SKÁLDIÐ skrifar
KRISTJÁN
HREINSSON
skáld skrifar
BÓKSTAFLEGA