Dagblaðið Vísir - DV - 03.12.2010, Qupperneq 42

Sigurður fæddist í Hraungerði í Flóa
og ólst þar upp til tólf ára aldurs og
síðan á Selfossi. Hann lauk stúdents-
prófi frá Menntaskólanum í Reykja-
vík 1965, kandídatsprófi í guðfræði
frá Háskóla Íslands 1971, meistara-
prófi í guðfræði við Princeton Theo-
logical Seminary í Bandaríkjunum
1981, stundaði nám í fiðluleik í Tón-
listarskóla Árnessýslu og við Tón-
listarskólann í Reykjavík 1956–67 og
dvaldi við nám í Cleveland Inter-
national Program í Minnesota 1969.
Sigurður var sóknarprestur í Sel-
fossprestakalli frá ársbyrjun 1971–94
og vígslubiskup Skálholtsstiftis frá
1994 og þar til hann lést.
Sigurður var stundakennari við
Iðnskólann í Reykjavík 1966–67 og
á Bjargi 1968, stundakennari við
Iðnskólann á Selfossi 1971–80, við
Gagnfræðaskólann á Selfossi 1971–
80 og 1981–83 og var stundakennari
í kennimannlegri guðfræði við guð-
fræðideild Háskóla Íslands 1983–84
og 1989. Þá kenndi hann fiðluleik
um skeið.
Sigurður var félagsforingi hjá
skátafélaginu Fossbúum á Selfossi,
var formaður Prestafélags Suður-
lands 1972–74, sat í stjórn Prestafé-
lags Íslands 1984–90 og var formað-
ur þess 1987–89, sat í fjölda ráða og
nefnda á vegum þjóðkirkjunnar,
s.s. í helgisiðanefnd þjóðkirkjunnar
1979–98, í kenninganefnd frá 1998, í
nefnd um starfsmenn þjóðkirkjunn-
ar, í stjórnskipaðri nefnd um sama
málefni og um skipan prestakalla og
prófastsdæma, sat í Skálholtsnefnd
1991–94, var fulltrúi á ársfundum
Norræna samkirkjuráðsins frá 1995
og í aðalstjórn þess frá 1999. Hann
var staðgengill biskups Íslands frá
árinu 2003.
Sigurður sat í skólanefnd Sand-
víkurskólahverfis 1974–86 og var for-
maður hennar 1982–86, sat í stjórn
Byggða- og listasafns Árnessýslu og
Bæjar- og héraðsbókasafnsins á Sel-
fossi 1986–94, var stjórnarformaður
Listasafns Árnessýslu frá 1994, sat í
kjörstjórn á Selfossi 1974–94, í full-
trúaráði og kjördæmisráði Sjálfstæð-
isflokksins á Suðurlandi 1975–86, sat
í menningarmálanefnd Sjálfstæðis-
flokksins 1983–93 og var formaður
hennar 1992–93.
Sigurður ritaði bókina Þorlákur
helgi og samtíð hans, útg. 1993, og
skrifaði fjölda greina og hugvekjur
í Kirkjuritið, Morgunblaðið og hér-
aðsblöð Sunnlendinga.
Séra Sigurður Sigurðarson var
sæmdur riddarakrossi hinnar ís-
lensku fálkaorðu 1994 og stórridd-
arakrossi á kristnihátíðarárinu 2000.
Fjölskylda
Sigurður kvæntist 30.6. 1973, eftir-
lifandi eiginkonu sinni, Arndísi Jó-
hönnu Jónsdóttur, f. 29.12. 1945,
skólastjóra Grunnskóla Bláskógar-
byggðar. Hún er dóttir Jóns Magn-
úsar Guðmundssonar, f. 20.1. 1926,
d. 3.10. 1984, bílstjóra að Grund í
Garðabæ, og Laufeyjar Árnadóttur, f.
11.10. 1927, d. 7.8. 1969, húsmóður.
Börn Sigurðar og Arndísar eru
Stefanía, f. 21.5. 1974, húsmóðir og
hundaræktandi á Stokkseyri og eru
börn hennar Sigurður Edgar, Dag-
björt og Sigríður Pála; Jón Magnús,
f. 7.11. 1977, hagfræðingur, leiðsögu-
maður og bóndi á Einarsstöðum í
Vopnafirði en eiginkona hans er Sig-
urþóra Hauksdóttir húsmóðir.
Fóstursonur Sigurðar og Arndís-
ar var Rúnar Kristjánsson, f. 30.10.
1955, d. 31.12. 2000, fangavörður, var
kvæntur Ingunni Guðmundsdóttur
og eru börn þeirra Ágústa, Aðalheið-
ur og Sigurður Rúnar.
Systkini Sigurðar: Páll, f. 20.8.
1934, járnsmiður á Seltjarnarnesi;
Ólafur, f. 30.5. 1936, fyrrv. fréttamað-
ur í Reykjavík; Ingibjörg, f. 8.4. 1940,
hárgreislumeistari í Norður-Kar-
ólínu í Bandaríkjunum; Ingveldur,
f. 10.8. 1942, þroskaþjálfi í Reykja-
vík; Gissur, f. 7.12. 1947, fréttamað-
ur í Reykjavík; Agatha Sesselja, f.
29.9. 1953, d. 15.5. 2007, ljósmóðir á
Blönduósi.
Foreldrar Sigurðar: Sigurður Páls-
son, f. 8.7. 1901, d. 13.7. 1987, vígslu-
biskup á Selfossi, og kona hans, Stef-
anía Gissurardóttir, f. 9.2. 1909, d.
13.9. 1989, húsmóðir.
Ætt
Sigurður var sonur Páls, b. í Hauka-
tungu á Snæfellsnesi Sigurðssonar.
Móðir Páls var Valgerður, systir Páls,
langafa Péturs Sigurgeirssonar bisk-
ups. Valgerður var dóttir Páls, próf-
asts í Hörgsdal Pálssonar, bróður Ól-
afs, langafa Páls, langafa séra Jakobs
Hjálmarssonar.
Sigurður Pálsson vígslubiskup
var hálfbróðir, sammæðra, Kristj-
áns Jóhanns Kristjánssonar, forstjóra
Kassagerðarinnar. Móðir Sigurðar
var Guðríður Björnsdóttir, b. á Stóra-
Hrauni Gottskálkssonar.
Stefanía var dóttir Gissurar, b. í
Byggðarhorni í Flóa Gunnarsson-
ar og Ingibjargar, systur Þorsteins,
afa Jóns Dalbú, pr. í Hallgrímskirkju.
Ingibjörg var dóttir Sigurðar, b. í
Langholti Sigurðssonar, og Margrét-
ar Þorsteinsdóttur, b. í Langholts-
parti, bróður Páls, langafa Þórðar,
föður prestanna Döllu og Yrsu. Þor-
steinn var sonur Stefáns, b. í Neðra-
Dal Þorsteinssonar. Móðir Stefáns
var Guðríður Guðmundsdóttir, ætt-
föður Kópsvatnsættar Þorsteinsson-
ar. Móðir Þorsteins var Vigdís, dótt-
ir Diðriks Jónssonar og Guðrúnar
Högnadóttur, prestaföður á Breiða-
bólstað Sigurðssonar.
Sigurður verður jarðsunginn frá
Skálholtsdómkirkju, laugardaginn
4.12. kl. 13.00. Blóm og kransar eru
afþakkaðir, en þeim sem vilja minn-
ast hans er bent á Þorlákssjóð í Skál-
holti, reikningsnúmer 151-05-60468,
kt. 610172-0169.
Herra Sigurður Sigurðarson
vígslubiskup í skálholti
Gunnlaugur Val-
gardsson Claessen
yfirlæknir
f. 3.12. 1881, d. 23.7. 1948
Gunnlaugur fæddist á Sauðárkróki
og ólst þar upp. Hann var sonur
Jean Valgards van Deurs Claessen
sem var verslunarstjóri á Hofsósi,
kaupmaður á Sauðárkróki og síð-
ar landsféhirðir í Reykjavík. Móð-
ir Gunnlaugs var Kristín Eggerts-
dóttir Claessen, f. Briem. Meðal
systkina Gunnlaugs voru Eggert
Claessen, lögmaður, bankastjóri og
stjórnarformaöur Eimskipa, faðir
Kristínar, ekkju Guðmundar Bene-
diktssonar, fyrrv. ráðuneytisstjóra;
Ingibjörg, kona Jóns Þorlákssonar,
forsætisráðherra, borgarstjóra og
fyrsta formanns Sjálfstæðisflokks-
ins; María Kristín, móðir Gunn-
ars Thoroddsen forsætisráðherra.
Kristín Briem var dóttir Eggerts
Briems, sýslumanns á Reynistað,
bróður Ólafs Briems, föður Har-
alds, langafa Davíðs Oddssonar
Morgunblaðsritstjóra.
Gunnlaugur lauk stúdents-
prófi frá Lærða skólanum 1901,
embættis prófi í læknisfræði frá
Hafnarháskóla 1910, dr.med.-prófi
frá Karolinska Institutet í Stokk-
hólmi 1928 og var viðurkenndur
sérfræðingur í geislalækningum
af Læknafélagi Íslands 1923. Þá
fór hann í fjölda náms- og kynnis-
ferða til annarra landa í því skini
að fylgjast með nýjungum í geisla-
lækningum og röntgentækni.
Gunnlaugur var brautryðj-
andi í geislalækningum og rönt-
gentækni hér á landi, merkur vís-
indamaður á því sviði og kennari í
röntgen- og ljóslækningum. Hann
var forstöðumaður Röntgenstofn-
unar Háskóla Íslands frá 1914 og
radíumlækninga frá 1919 og yfir-
læknir á röntgendeild Landspítal-
ans frá 1931. Gunnlaugur var for-
maður Bálfararfélags Íslands og
félagi í Vísindafélagi Íslendinga. Þá
var hann bæjarfulltrúi í Reykjavík
1920–26.
Sigurður J.
Ólafsson
söngvari og hestamaður
f. 4.12. 1916, d. 13.7. 1993
Sigurður fæddist við Laugaveginn
í Reykjavík, sonur Ólafs Jónatans-
sonar frá Kolbeinsstöðum, verka-
manns í Reykjavík, og Þuríðar
Jónsdóttur frá Elliða í Staðarsveit.
Dóttir Sigurðar er Þuríður, söng-
kona og dagskrárgerðarmaður.
Erling, elsti bróðir Sigurðar var
kunnur barítónsöngvari á fyrri
helmingi síðustu aldar og mið-
bróðirinn, Jónatan, var þekktur
píanóleikari, lagasmiður og hljóm-
sveitarstjóri. Þegar Sigurður var
10 ára keyptu foreldrar hans hús-
ið Akurgerði og eftir það voru þeir
bræður jafnan nefndir Akurgerðis-
bræður.
Sigurður stundaði bifreiðaakst-
ur á yngri árum, var rannsóknar-
maður á Rannsóknarstofu Háskóla
Íslands og á Keldum, gærumats-
maður hjá SÍS, kjötmatsmaður á
vegum yfirdýralæknis og sá um
talningu búfjár í borgarlandinu á
vegum Reykjavíkurborgar.
Sigurður sótti ungur söngtíma
til Sigurðar Birkis og Guðmund-
ar Jónssonar, söng með Karlakór
Reykjavíkur frá tuttugu og þriggja
ára aldri og síðar með eldri félög-
um kórsins. Hann söng í Rigo-
lettó, fyrstu óperunni sem hér var
færð upp, í óperettunum Leður-
blökunni og Bláu kápunni og lék
og söng í fjölda leikrita. Hann hélt
fjölda tónleika, var söngvari með
ýmsum danshljómsveitum og söng
dægurlög inn á fjölda hljómplatna.
Þá var Sigurður einn þekkt-
asti hestamaður sinnar kynslóðar,
stundaði hestamennsku frá ferm-
ingaraldri og átti fjölda hrossa
en þekktasta skeiðhross hans var
Gletta sem átti Íslandsmet í skeiði
í tuttugu og átta ár.
Sigurður var kvæntur Ingu Val-
fríði Einarsdóttur frá Miðdal, syst-
ur Guðmundar frá Miðdal, föður
Errós og Ara Trausta.
Fæddur 30.5. 1944 - Dáinn 25.11. 2010
42 minning umsjón: kjartan gunnar kjartansson kjartan@dv.is 3. desember 2010 föstudagur
andlátmerkir íslendingar
Eftirmæli séra Geirs Waage
um herra sigurð sigurðarson, vígslubiskup í skálholti
Herra Sigurður hafði miklar og
skarpar gáfur, beitti sjer ævinlega af
prúðmennsku og tillitssemi, naut
virðingar og var áhrifamaður innan
kirkju sem utan. Gáfur hans skipuðu
honum jafnan í öndvegi, þar sem
prestar komu saman.
Guðfræðingur var hann ágætur,
var þar hvarvetna heima og eins um
kirkjurjett og sögu, bæði kirkju, lands
og mannkyns. Auk þess var hann
listamaður, ljek vel á fiðlu og kenndi
öðrum, var listunnandi og fagurkeri,
en fór með allt það af mikilli hógværð
og hófstillingu.
Guðfræði hans var klassísk sem
og hans kirkjuskilningur og áttu þeir
feðgar það sammerkt, ásamt forvitn-
inni um alla guðfræði, gamla jafnt
sem nýja.
Í Skálholti lagði herra Sigurður
sig fram um að efla rannsóknir og
útgáfu á lítúrgíu kirkjunnar, tíðasöng
og öllu því sem laut að endurbót og
allri vöndun kirkjusiðanna og guðs-
þjónustunnar. Hann stefndi þangað
prestum og guðfræðingum til mál-
stefnu með mörgum fremstu guð-
fræðingum samtíðarinnar á þessu
sviði, svo sem Frank Senn og Gordon
Lathrop, sem um þessar mundir er
í fremstu röð lítúrgista og sagnfræð-
inga á sviði guðsþjónustunnar og
kirkjusiðanna í veröldinni.
Herra Sigurður var afar örlátur
maður. Þau hjónin, hann og frú Arn-
dís, voru afar gestrisin og veitul heim
að sækja, samvalin um alla risnu og
myndarskap og veittu beina fjöl-
mörgum gestum, innlendum jafnt
sem erlendum, á vegum staðarins og
embættisins.
Sigurður var ákaflega ráðagóður
maður varfærinn og beinlínis vitur í
ráðum. Hann virti jafnan manneskj-
una, hvort sem var í styrk eða van-
mætti og reyndist því þeim mun bet-
ur sem hann var einnig gjörsneyddur
yfirlæti. Með honum er genginn ein-
hver merkasti kennimaður samtíð-
arinnar, mikilhæfur og virtur þjóð-
kirkjuleiðtogi og kjölfestumaður í
prestastjett.